www.iz.la
گۈلبوغۇندىن ئىككى سەر، سەركىچۆپ يىلتىزىدىن تۆت سەر تەييارلاپ، سۇدا قاينىتىپ، سۈيىنى ھەر تۆت سائەتتە بىر قېتىمدىن تۆتكە بۆلۈپ ئىچىپ بەرسە، ئۆتكۈر بۆرەك ياللۇغىغا مەنپەئەت قىلىدۇ.بىر جىڭ كېلىدىغان قارا بېلىقتىن بىر تال تەييارلاپ پاكىز يۇيۇپ، ئىككى مىسقال چاينى بېلىقنىڭ قورسىقىغا سېلىپ پىل - پىل ئوتتا بىر سائەت قاينىتىپ، ئۇدا بىر ھەپتە شۇ تەرىقىدە بېلىقنىڭ گۆشىنى يەپ، شورپىسىنى ئىچىپ بەرسە، بۆرەك ياللۇغىغا مەنپەئەت قىلىدۇ (تۇزدىن پەرھىز تۇتۇش كېرەك).
توخۇ ئۆتىنى دۈملەپ پىشۇرۇپ تۆشۈك ئېچىپ، ئۆت سۇيۇقلۇقىنى چىقىرىپ، ئۇنىڭغا مۇۋاپىق مىقداردا ئاق شېكەر ئارىلاشتۇرۇپ، كۈندە ئۈچ قېتىمدىن، ھەر قېتىمدا بىر توخۇ ئۆتىنى شۇ تەرىقىدە ئىلمان قايناق سۇ بىلەن ئىچىپ بەرسە، بالىلارنىڭ كۆكيۆتىلىگە شىپا بولىدۇ. بۇ مەزمۇن ئىز تورىدىن كۆچۈرۈلگەن
ئىككى سەر لامنارىيە (خەيدەي) گە قارا شېكەر ئارىلاشتۇرۇپ قاينىتىپ ئىچىپ بەرسە، قالقان بېزى يوغىناپ قېلىشقا مەنپەئەت قىلىدۇ.ئادەمنىڭ ئاغزى بىلەن كۆزى سولغا تارتىشىپ قالسا، يىلان بېلىق (黄鳝) نىڭ قېنىنى ئوڭ تەرەپكە سۈرتسە، ئوڭغا تارتىشىپ قالسا، سول تەرەپكە سۈرتسە، يۈز پارالىچىغا مەنپەئەت قىلىدۇ.
ياڭاق مېغىزىدىن بىر يېرىم كىلوگىرام، شاپتۇل مېغىزىدىن يېرىم كىلوگىرام، قارا شېكەردىن ئىككى كىلوگىرام تەييارلاپ ئېزىپ مەلھەم قىلىپ، كۈنىگە ئۈچ قېتىمدىن، ھەر قېتىمدا بىر قوشۇقتىن قايناق سۇ بىلەن ئىچىپ بەرسە، مېڭىدە قان نوكچىسى ھاسىل بولغانغا مەنپەئەت قىلىدۇ(ئۇدا يۈز كۈن ئىستېمال قىلىش كېرەك). ئىز تورى www.iz.la
يېڭى زەنجىۋىل، قارا شېكەر ۋە ئەتىرگۈل(月季花) نى بەش مىسقالدىن تەييارلاپ، ئىلمان قايناق سۇ بىلەن ئىچىپ بەرسە، ھەيز ئاغرىتىپ كېلىشكە مەنپەئەت قىلىدۇ.
مەنبە؛ " ساغلاملىق دەستۇرى" دېگەن كىتابتىن ئېلىندى. ئىز تورى بەك ياخشى
