ئافغانىستان پايتەختىدىكى نامايىشتا 40 نەپەر ساقچى يارىلانغان - huxhuy online----Sports|world News|it News|china News|Local News Business

شىنخۇا تورىنىڭ 9-ئاينىڭ 17-كۈنى كابۇلدىن بەرگەن تېلېگراممىسى: ئافغانىستان ساقچى تەرەپ 17-چېسلا، ئافغانىستان پايتەختى كابۇلدا شۇ كۈنى نامايىش يۈز بەرگەن بولۇپ، نامايىشچىلار ئىسلام دېنىنىڭ پەيغەمبىرى مۇھەممەد سەللەللاھۇ ئەلەيھى ۋەسەللەم ھاقارەت قىلىنغان ئامېرىكا فىلىمىگە قارشىلىق كۆرسەتكەن، نامايىش پائالىيىتى ئارقىدىنلا ساقچىلار بىلەن نامايىشچىلار ئوتتۇرىسىدىكى كۈچلۈك توقۇنۇشقا ئۆزگىرىپ كەتكەن بولۇپ، توقۇنۇشتا 40 نەپەر ساقچى يارىلانغان، دەپ كۆرسەتكەن.
كابۇل شەھىرى ساقچىخانىسىنىڭ باشلىقى مۇھەممەد.سالاجى قارشىلىق كۆرسىتىش پائالىيىتى ئاخىرلاشقاندىن كېيىن مۇخبىرلارغا: «بۈگۈن چۈشتىن بۇرۇن، پۇلېرچارخى رايونىدا ئىسلام دېنىغا قارشى ئىشلەنگەن فىلىمگە قارىتا قارشىلىق كۆرسىتىپ، نامايىش ئېلىپ بېرىلغان بولۇپ، چۈشتىن بۇرۇن سائەت 7:30 دىن باشلاپ، 2000 مىڭ يەرلىك خەلق كوچىلارغا چىقىپ نامايىشقا قاتناشقان.» دېگەن. ئۇ يەنە، 40 نەپەر ساقچى بۇ قېتىملىق قارشىلىق كۆرسىتىش پائالىيىتىدە يارىلانغان، دەپ كۆرسەتكەن، لېكىن ئۇ نامايىشچىلاردىن يارىلانغانلارنىڭ قانچىلىك ئىكەنلىكىنى ئاشكارىلىمىغان.
بىر نەپەر سالاھىيىتىنى ئاشكارىلاشنى خالىمايدىغان يەرلىك ساقچى شىنخۇا ئاگېنتلىقى مۇخبىرىغا: «نامايىش پائالىيىتى دەسلەپتە ناھايىتى جىمجىت ئېلىپ بېرىلغان، لېكىن نامايىشچىلار ئارقىدىنلا بىر ساقچى ئاپتوموبىلىغا ئوت قويۇپ، بىر قانچە دۇكاننى ئۇرۇپ-چاقتى ھەمدە ساقچىلارغا قارىتىپ تاش ئېتىشقا باشلىدى. غەزەپلەنگەن نامايىشچىلار يەنە يېقىن ئەتراپتىكى بىر شىمالىي ئاتلانتىك تەشكىلاتىنىڭ ھەربىي لاگېرىغا ھۇجۇم قىلدى ۋە مۇھاپىزەت مۇنارىغا تاش ئېتىشتى.» دېگەن.
قارشىلىق كۆرسىتىش يۈز بەرگەندىن كېيىن، ئافغانىستان ئىچكى سىياسىي ئىشلار مىنىستىرلىقى ئامېرىكا ئەلچىخانىسى ۋە بىر قانچە ئافغانىستان ھۆكۈمەت تارماقلىرىنىڭ ئىشخانا بىنالىرى ئەتراپىدىكى يوللاردىكى ساقچىلارنى كۆپەيتىپ، نامايىشچىلارنىڭ بۇ بىنالارغا يېقىنلىشىشىنى توسقان.
كابۇلدىن باشقا، ئافغانىستاننىڭ باشقا چوڭ شەھەرلىرىدىمۇ يېقىنقى بىر قانچە كۈندىن بۇيان كۆلىمى بىر قەدەر زور بولغان نامايىش پائالىيەتلىرى ئېلىپ بېرىلغان بولۇپ، خەلق ئاممىسى ئىسلام دېنىنىڭ پەيغەمبىرى مۇھەممەد سەللەللاھۇ ئەلەيھى ۋەسەللەم ھاقارەت قىلىنغان ئامېرىكا فىلىمىگە قارشىلىق كۆرسەتكەن.