پانېتتا جۇڭگو-ياپونىيە تالاش-تارتىشىنى ياراشتۇرماقچى بولدى - huxhuy online----Sports|world News|it News|china News|Local News Business

[رېيتېر ئاگېنتلىقى، توكيۇ، 17-سېنتەبىر تېلېگراممىسى] ئامېرىكا دۆلەت مۇداپىئە مىنىستىرى پانېتتا لىئان پانېتتا مۇشۇ ھەپتىدىكى ئاسىيا سەپىرىدە جۇڭگو بىلەن بولغان ھەربىي ئالاقىسىنى چوڭقۇرلاشتۇرماقچى، شۇنىڭ بىلەن بىرگە ئۇ بۇ رايوندىكى ئىتتىپاقدىشىنى قوللىماقچى.
        ئۇ: مەن تىنچلىق ئۇسۇلىدا بۇ تالاش-تارتىشلارنى ھەل قىلىش ئۈچۈن جۇڭگونىڭ شەرقىي جەنۇبىي ئاسىيا دۆلەتلىرىن يولغا قويغان تالاش-تارتىشنى ھەل قىلىش مىخانىزىمىغا قاتنىشىشقا رىغبەتلەندۈرىمەن، دېدى.
         پانېتتا: مەن جۇڭگو ياكى باشقا ھەر قانداق ھەر قانداق كىشىنىڭ ھەر قانداق شەكىلدىكى ئېغۋاگەرچىلىك ھەرىكىتىنى قوللىنىپ، ئاخىرىدا توقۇنۇشنى كەلتۈرۈپ چىقىرىشىنى كۆرۈشنى خالىمايمىز. مېنىڭ مەقسىتىم ئۇلارنى شەرقىي جەنۇبىي ئاسىيا دۆلەتلىرىنىڭ تالاش-تارتىشنى ھەل قىلىدىغان بىر تۈرلۈك ئەندىزىنى لايىھەلەش خىزمىتىگە قاتنىشىشقا دەۋەت قىلىش، دېدى.
        ئامېرىكا دۆلەت مۇداپىئە مىنىستىرى: مەن جۇڭگو تەرەپ بىلەن ئىككى تەرەپنىڭ يادرو قۇراللىرىنى كېڭەيتىش، ئەركىن ئاۋىئاتسىيە ھوقۇقى، دېڭىز قاراقچىلىرى ھەرىكىتى، سودا ۋە ئىنسانپەرۋەرلىك ياردىمىنى ئۆز ئىچىگە ئالغان ئورتاق مەنپەئەتى بار بولغان بىر قاتار مەسىلىلەردە ھەمكارلىشىش مەسىلىسىدە سۆھبەت ئۆتكۈزۈشىنى ئۈمىد قىلىمەن، دېدى.
        يەنە بەزى خەۋەرلەرگە ئاساسلانغاندا، پانېتتا 16-سېنتەبىر توكيودىكى ئامېرىكا ئارمىيەسىنىڭ يوكوتا ئايروپورتىغا بېرىپ، ياپونىيە، جۇڭگو ۋە سېنگاپور ئۈچ دۆلەتتىكى زىيارىتىنى باشلىدى.
       [ئامېرىكا «دىپلوماتىيە سىياسىتى»ژورنىلى تور بېكىتىنىڭ 17-سېنتەبىر خەۋىرى] ئامېرىكا دۆلەت مۇداپىئە مىنىستىرى پانېتتا بۈگۈن كەچتە زىيارەتنى قۇبۇل قىلغاندا، ئۆزىنى جۇڭگو بىلەن ياپونىيەنىڭ سېنكاكو تاقىم ئاراللىرى (يەنى ئېلىمىزنىڭ دياۋيۈ ئارىلى ۋە ئەتراپىدىكى ئاراللار-مۇھەررىردىن)نى چۆرىدەپ يۈز بەرگەن تالاش-تارتىشنىڭ ياراشتۇرغۇچىسى دەپ قارىغان.
    پانېتتا: بىز جۇڭگو بىلەن ياپونىيە ئىككى دۆلەتنى بۇ تالاش-تارتىشنى ئىمكانقەدەر تىنچ ھەل قىلىشقا دەۋەت قىلىمىز، مەن ياپونىيەنىمۇ شۇنداق قىلىشقا دەۋەت قىلىمەن، دېدى.
      پانېتتا ئەتە ياپونىيەگە بارىدۇ، ئۇنىڭدىن كېيىن جۇڭگو بىلەن يېڭى زىللاندىيەدە زىيارەتتە بولىدۇ. بۇ قېتىملىق ئاسىيا سەپىرىنىڭ ئوتتۇرا شەرقتىكى ۋەقەلەرنىڭ يۈز بېرىشىگە توغرا كېلىپ قېلىشى كىشىلەرگە يەنە بىر قېتىم زور كۈچ بىلەن تەشۋىق قىلىنىۋاتقان «مۇھىم نۇقتىنى ئاسىياغا يۆتكەش»پىلانىغا ئېتىبار بېرىشنىڭ مۈشكۈللىكى، بۇ پىلاننىڭ جۇڭگونىڭ ئۆزىنىڭ ھەربىي كۈچىنى كۈچەيتىۋاتقان پەيتتە ئامېرىكىنىڭ ھەربىي كۈچىنى ساقلاپ قېلىش ئىكەنلىكىنى ئەسكەرتتى.
        بەش بۇرجەكلىك بىنا ئىران بىلەن توقۇنۇش يۈز بېرىشتىن ساقلىنىش ئۈچۈن مەركىزىي قوماندانلىق ئىشتاتىنىڭ مەسئۇل رايونىدا ئىككى ئاۋىياماتكا ۋە دېڭىز ئارمىيەسىنىڭ باشقا ھەربىي پاراخوتلىرىنى ئورۇنلاشتۇرۇش بىلەن بىرگە، ئۆزىنىڭ ئاسىيادىكى دېڭىز ئارمىيەسىنىڭ مەۋجۈتلىقىنى كۈچەيتمەكچى بولىۋاتىدۇ. پانېتتا: كورېيەدىكى ئامېرىكا ئارمىيەسىنىڭ كىشى سانى 25مىڭدىن ئېشىپ كەتتى، ئوكىناۋادىكى ئامېرىكا ئارمىيەسىنىڭ كىشى سانى تېخىمۇ كۆپ، دۆلەت مۇداپىئە مىنىستىرلىقىنىڭ پىلانلىغۇچىسى يەنە ئاۋسترالىيە دارۋىن ۋە فىلىپپىنغا ئارمىيە ئورۇنلاشتۇرۇش پىلانىنى تۈزىۋاتىدۇ، دېدى. ئۇ: بىز قۇدرەتلىك دېڭىز ئارمىيەسىگە ئىگە، بىزنىڭ ئاسىيادا زور ئارمىيەمىز بار، دېدى.
      پانېتتا: تېگى-تەكتىدىن ئېلىپ ئېيتقاندا، ئوخشاش ۋاقىتتا ئىككى ئىشنى ياخشى قىلىش ناھايىتى مۇھىم. ئەمەلىيەتتە، بۇ بىر كۈچلۈك ھەربىي دۆلەتنىڭ بەلگىسى. مەن ئامېرىكا ئارمىيەسىنى بىر بىر ۋاقىتتا ئىككى ئىشنى ياخشى قىلالايدۇ، دەپ قارايمەن، دېدى.
         پانېتتا جۇڭگودىن ئىبارەت بۇ تېپىشماققا نىسبەتەن: بىر خىل ئۆز-ئارا ئىشىنىدىغان، ئاشكارە مۇناسىۋەتنى تۇرغۇزۇشياخشى مۇناسىۋەتنىڭ ساقلاپ قېلىشنىڭ ئاچقۇچى، شۇنداقلا مەن ئاسىيا جەزمەن قىلىشقا تېگىشلىك ئىش،دېدى. ئۇ : بۇ مەن كۈچلۈك تەلەپ قىلىدىغان ئىشلارنىڭ بىرى، دېدى.