ئامېرىكىدىكى ئۈچ ئالىي مەكتەپ بومبا تەھدىتىگە ئۇچرىدى - huxhuy online----Sports|world News|it News|china News|Local News Business

ئوتتۇرا شەرق ۋە ئافرىقا قىتئەسىدىكى ھەر قايسى دۆلەتلەردە ئامېرىكىغا قارشى نامايىش ئەۋجىگە چىقىۋاتقان پەيىتتە، ئامېرىكىنىڭ تېكساس ئىشتاتى، شىمالىي داكوتا ئىشتاتى ۋە ئوخىئو ئىشتاتىدىكى ئۈچ ئۇنۋېرسىتېت 14-سىنتەبىر ئىلگىرى-كېيىن بولۇپ بومبا ھوجۇم تەھدىتىگە ئۇچرىدى، مەكتەپلەردىكى ئوقۇتقۇچى-ئوقۇغۇچىلار جىددىي تارقاقلاشتۇرۇلدى.]
يەرلىك دائىرە ئادەم ئەۋەتىپ ئاختۇرۇش ئېلىپ بېرىپ ھېچقانداق گۇمانلىق بۇيۇم بايقىمىغان، ۋەقەدە ئادەم يارلانمىغان ھەم قولغا ئېلىنمىغان. فېدراتسىيە تەكشۈرۈش ئىدارىسى نۆۋەتتە تەكشۈرۈش خىزمىتىگە كىرىشكەن بولۇپ، ۋاقتىنچە بۇ ۋەقەلەرنىڭ بىر-بىرى بىلەن ئالاقىسى بارلىقى نامەلەم.
ئالدى بىلەن تەھدىت تاپشۇرۋالغان مەكتەپ ئوسدىن شەھىرىگە جايلاشقان تېكساس ئىشتاتى ئۇنۋېرسىتېتى بولۇپ، باياناتچى مۇنداق دېدى: ئىش بىجىرىش ئورنى خىزمەتچىسى شۇ جاي ۋاقتى جۈمە كۈنى ئەتتىگەن سائەت 8:35 لەر ئەتراپىدا تېلېفۇن ئالغان، قارشى تەرەپ ئوتتۇرا شەرق تەلەپپۇزىدىكى بىر ئەر بولۇپ، ئۆزىنى تېرورلۇق تەشكىلاتى بولغان بازا تەشكىلاتى بىلەن ئالاقىسى بار دېگەن شۇنداقلا مەكتەپ قورۇسى ئىچىگە نۇرغۇن بومبا كۆمۈپ قويغانلىقىنى، 90 مىنۇت ئىچىدە پارتىلايدىغانلىقىنى ئېيتقان.
مەكتەپ تەرەپ يېنىكلىق قىلىشقا جۈرئەت قىلالماي ساقچىغا دېلو مەلۇم قىلىپ ياردەم تەلەپ قىلغان ۋە ئوقۇتقۇچى-ئوقۇغۇچىلارنىڭ ھەممىسىنى بىر سائەت ئىچىدە چېكىندۈرۈپ بولغان. لېكىن 90 مىنۇتتىن كېيىمۇ ھەممە نەرسە ئاۋالقىدەكلا نورمال بولغان، شۇنىڭ بىلەن مەكتەپ قايتىدىن نورمال ئوقۇشنى ئەسلىگە كەلتۈرگەن.بىر ئوقۇغۇچى مۇنداق دېدى: مەن سىنىپتا ئولتۇرغان ئىدىم، تۇيۇقسىز ئوقۇغۇچىلار ئارىسىدا مەكتەپتىن دەرھال ئايرىلىش توغرىسىدىكى ئۇچۇر تارقالدى، گەرچە كۆپچىلىك ئىنتايىن تەرتىپلىك ۋە تەمكىن ھالدا مەكتەپتىن ئايرىلىۋاتقان بولسىمۇ ئەمما ناھايىتى جىددىيلەشكەن ئىدى.
يەنە بىر ۋەقە بولسا فاگىغا جايلاشقان شىمالىي داكوتا ئۇنۋېرسىتىدا يۈز بەرگەن بولۇپ، مەكتەپ مەسئۇلى چۈشتىن بۇرۇن سائەت 9:49 لەر ئەتراپىدا بايانات ئىلان قىلىپ ئۆزلىرىنىڭ بومبا ھۇجۇم تەھدىتىگە ئۇچرىغانلىقىنى، بارلىق ئوقۇتقۇچى ۋە ئوقۇغۇچىلارنىڭ 30 مىنۇت ئىچىدە مەكتەپتىن ئايرىلىشىنى ئېيتقان. ئەمما مەكتەپ تەرەپ ۋە ساقچى تەرەپ تەھدىت تېلېفۇنىنىڭ كونكرت مەزمۇنىنى ئاشكارلاشنى رەت قىلغان.مەكتەپ مۇدىرى دىئان بۇلېشا مۇنداق دېدى: بىز تەھدىت تېلېفۇنى تاپشۇرۋالغاندىن كېيىن ئوقۇتقۇچى-ئوقۇغۇچىلارنى مەكتەپتىن ئايرىلىشقا ئورۇنلاشتۇردۇق، 20 مىڭ ئادەمنى دەرھال تارقاقلاشتۇرۇش ھەقىقەتەن قېيىن ئىش بولسىمۇ، ئەمما كۆپ قىسىم كىشلەر قىسقىغىنا نەچچە مىنۇت ئىچىدىلا تارقاقلىشىپ بولدى.
ئەمما چۈش بولغان بولسىمۇ پارتىلاش يۈز بەرمىدى، ساقچى تەرەپمۇ ھېچقانداق پارتىلىتىش بۇيۇمى بايقىمىدى.14-سىنتەبىر كۈنى دەرسلەر ئەمەلدىن قالدۇرۇلدى، باشقا پائالىيەتلەر چۈشتىن كېيىن سائەت بەشتە ئەسلىگە كەلتۈرۈلدى.
ئۇندىن باشقا Hiram ئۇنۋېرسىتېتىمۇ شۇ كۈنى چۈشتىن كېيىن سائەت تۆتتە بومبا تەھدىتى توغرىسىدىكى ئېلېكتىرونلۇق پوچتا يوللانمىسى تاپشۇرۋالغانم مەكتەپتىكى بارلىق ئوقۇتقۇچى-ئوقۇغۇچىلارنىڭ ھەممىسى قىسقىغىنا ۋاقىت ئىچىدە تارقاقلاشتۇرۇلغان.