دۇنيادىكى ئەڭ كۆرۈمسىز ئايال، ئېغىرىقى ئاران 26 كىلوگرام - huxhuy online----Sports|world News|it News|china News|Local News Business

ھەر 15 مىنۇتتىن 20 مىنۇتقىچە بىر قىسىم يۇقىرى ئېنېرگىيەلىك يېمەكلىكلەرنى يەپ زۆرۈر بولغان ئېنېرگىيە سەۋىيەسىنى ساقلايدۇ

مەركىزىي خەلق رادىيو ئىستانسىسى پەن- تېخنىكا پروگراممىسىنىڭ ئۇچۇرى: كوچىدا كىشىلەر ئۇنى مازاق قىلغان، توردا «دۇنيادىكى ئەڭ كۆرۈمسىز ئايال» دەپ ئاتالغان. نەچچە يىللىق ئۆزىنى كەمسىتىش ۋە شۈبھىلىنىشتىن كېيىن، لىززا ۋېلاسكۇئېز ھازىر ئۆزىنى ئۇنداق كۆڭۈل ئاغرىتىدىغان باھالارغا پىسەنت قىلمايدىغان بولدۇم دېدى، ھەمدە باشقىلارنىڭ ئېيتقىنى توغرا دەپ قارىدى. بۇ قىزچاق تۇغۇلۇشىدىنلا ياغ توقۇلمىسى يوق بولۇپ، كۈنىگە 60 ۋاق تاماق يېسىمۇ، بەدەن ئېغىرلىقى ئاران 26 كىلوگرام كېلىدىكەن.
بۇ قىزنىڭ ئانىسى ئۇنىڭغا قونچاق ئېلىپ بېرىپ، ئۇنىڭغا قونچاقنىڭ كىرىمىنى كىيدۈرۈشكە مەجبۇر بولغان. چۈنكى ئادەتتىكى بالىلارنىڭ كىرىمى ئۇنىڭغا بەكمۇ چوڭ كىلىپ قالىدىكەن.
ئۇ ئاخىرىدا توردا ئۆسەك سۆز تارقىتىپ يۈرگەنلەرنىڭ كۆپىنچىسى كومپيۇتېر ئېكرانىنىڭ كەينىدە ئولتۇرۇۋالغان توخۇ يۈرەكلەر ئىكەنلىكى، ئەگەر ئۇلار راستىنلا ئۆزىدىن پەخىرلەنسە، ئۆزىنى نېمىشقا كۆرسەتمەيدىغانلىقىنى تونۇپ يەتتى. ئۇ كوچىلاردا غەلىتە نەزەر سېلىۋاتقانلارنى كۆرسە ئۇلارنىڭ ئالدىغا بېرىپ، ئۇلار بىلەن سالاملىشىپ، ئۆزىنىڭ ئىسىم كارتوچكىسىنى سوۋغا قىلىپ: «ھەي، مەن لىززا، ماڭا يەنە مۇنداق سىنچىلاپ قارىماڭ.» دەيدىغان بولدى.
لىززا ئۆزىنىڭ ئۇنداق گۈزەل چولپانلارنى تەقلىد قىلمايدىغانلىقى، چۈنكى كىشىلەرنىڭ ھەقىقىي ئۆزىنى چۈشەنسە بولىدىغانلىقىنى بىلدۈردى.
لىززا تۇغۇلغاندا بىر كىلوگرامغىمۇ يەتمەيدىغان بولۇپ، بىر ئاي بالدۇر تۇغۇلغان. دوختۇر لىززانىڭ ئانىسىغا بالىنىڭ ھايات قېلىشىنىڭ تولىمۇ قىيىنلىقىنى ئېيتقان. ئەمما لىززا مۆجىزىلەرچە ياشاپ كەلمەكتە. ئۇنىڭ ئۇستىخانلىرى ۋە ئىچكى ئەزالىرى نورمال يېتىلگەن بولۇپ، پەقەتلا مەڭگۈ ئاشۇنداق ئۇرۇق تۇرىدىكەن.