ياۋروپالىقلار ئوبامانىڭ ئۇدا زۇڭتۇڭ بولۇشىنى قوللايدىكەن - huxhuy online----Sports|world News|it News|china News|Local News Business

[فرانسىيە«يەكشەنبە گېزىتى»تور بېكىتىنىڭ 12-سېنتەبىردىكى خەۋىرى] ئوباما:ياۋروپالىقلارنىڭ زۇڭتۇڭى
بىر تۈرلۈك ئەل رايىنى سىناش تەكشۈرۈشىدە كۆرسىتىلىشچە، ناۋادا ياۋروپالىقلار 6-نويابىردىكى ئامېرىكا زۇڭتۇڭ سايلىمىغا بېلەت تاشلاش لازىم بولسا، ئونداقتا ئوباما %75لىك بېلەت بىلەن جۇمھۇرىيەتچىلەر پارتىيىسىنىڭ زۇڭتۇڭ نامزاتى رومىنىينى يېڭىۋالىدىكەن.
«ئاتلانتىك ئوكياننى ھالقىغان ۋەزىيەت»ئەل رايى تەكشۈرۈش ئورگانلىرى ھەر يىلى ئامېرىكا ۋە ياۋروپانىڭ موناسىۋىتى توغرىسىدا ئەل رايىنى سىنايدۇ. بۇ يىل بۇ ئورگان ياۋروپادىكى 13دۆلەتتىن كەلگەن 15مىڭ 500ئادەمگە مۇنداق بىر ئاددى سوئالنى ئوتتۇرىغا قويدى:ئوباما بىلەن رومىنىيدىن سىز قايسىسىنىڭ زۇڭتۇڭ بولۇشىنى تاللايسىز؟
نەتىجە كىشىنىڭ ئويلىغىنىدەك چىقتى:%75تەكشۈرۈشنى قوبۇل قىلغۇچىلار ئوبامانى ياقتۇرىدىكەن، ئاران %8ئادەم رومىنىينى قوللايدىكەن. تەكشۈرۈش نەتىجىسى گەرچە 12-سېنتەبىر ئېلان قىلىنغان بولسىمۇ، ئەمما بۇ تەكشۈرۈش بۇ يىل ئىيۇندا ئېلىپ بېرىلغانىكەن.
بۇ دۆلەتلەر ئىچىدە، ئوبامانى ئەڭ قوللايدىغىنى فرانسىيە ئىكەن:%89فرانسىيەلىك تەكشۈرۈشنى قوبۇل قىلغۇچىلار ئوبامانى قوللاپ بېلەت تاشلىغان، رومىنىينى قوللاپ بېلەت تاشلىغانلار بولسا ئاران%2. رومىنىينى قوللاش نىسبىتى بىر قەدەر يۇقىرى بولغان دۆلەتلەر روسىيە ۋە پولشا بولۇپ، ئايرىم-ئايرىم ھالدا %16 ۋە %12بولغان. بۇ ئىككى دۆلەتنىڭ ئوبامانى قوللاش نىسبىتى ئايرىم-ئايرىم ھالدا %35 ۋە %27بولغان.
ئوباماغا نىسبەتەن ئېيتقاندا، بىردىنبىر كەمچىل بولۇۋاتقىنى شۇكى:دىپلوماتىيە سىياسىتىنىڭ ياۋروپادا ئېرىشكەن قوللاش نىسبىتى 2009-يىلى ئۇ ئاق سارايغا كىرگەن چاغدىكى %83دىن بۈگۈنكى %71 چۈشۈپ قېلىشتىن ئىبارەت. بۇ 13دۆلەت ئىچىدە، روسىيەلىكلەر ئامېرىكا دىپلوماتىيە سىياسىتى پۇزىتسىيىسىنىڭ تولىمۇ قاتتىقلىقىغا قارشى تۇرغان. پەقەت %26 روسىيەلىكلا ئوبامانىڭ دىپلوماتىيە ھەرىكىتىنى قوللىغان.