شىنجاڭدا تۇنجى نۆۋەتلىك «خەلقئارالىق كىنو كۆرىكى» ئۆتكۈزۈلدى - huxhuy online----Sports|world News|it News|china News|Local News Business

شىنجاڭ ئاخبارات تورىنىڭ 15-سىنتەبىر خەۋىرى:
15-سىنتەبىر چۈشتىن بۇرۇن ئاپتونۇم رايونلۇق خەلق ھۆكۈمىتى باش بولۇپ، ئاپتونۇم رايونلۇق سىرىت بىلەن مەدەنىيەت ئالماشتۇرۇش جەمئىيىتى، ئاپتونۇم رايونلۇق رادىئو-تېلېۋىزىيە ئىدارىسى قاتارلىقلار بىلەن بىرلىشىپ ئويۇشتۇرغان «ئۈرۈمچى ياۋرۇپا-ئاسىيا كىنو كۆرۈكى» شىنجاڭ خەلق كىنوخانىسىدا ئۆتكۈزۈلۈش ئالدىدا تۇرماقتا. بۇ كىنو كۆرۈكىدە تۇنجى بولۇپ ئىراننىڭ «ئايرىلىش» ناملىق فىلىمى قۇيۇلىدىكەن. بۇ كىنو كۆرۈكى يېڭى جۇڭگو قۇرۇلغاندىن بويان شىنجاڭدا ئۆتكۈزۈلگەن تۇنجى قېتىملىق خەلقئارالىق كىنو كۆرۈكى ئىكەن.
ئاپتونۇم رايونلۇق رادىئو-تېلېۋىزىيە ئىدارىسى تەشۋىقات بۆلۈمىنىڭ باشلىقى دۇڭسېننىڭ تۇنۇشتۇرىشىچە، بۇ قېتىملىق كىنو كۆرۈكى زامانىۋى مەدەنىيەتنى ئاساسى تېما قىلىدىكەن. بۇ كىنو كۆرۈكىنىڭ مەقسىدى دۆلەت ئىچى ۋە سىرتىدىكى كىنو سەنئىتى ئالماشتۇرۇش سەھنىسى قۇرۇش ئىكەن. ھەم سەنئەت ئالاھىدىلىكى ۋە ھۇزۇرلىنىش ئالاھىدىلىكىنى گەۋدىلەندۈرۈشكە تىرىشىدىكەن. بۇ كۆرەكتە 2010-يىلدىن 2012-يىلنىڭ بېشىغىچە بولغان ئارلىقتىكى دۆلەت ئىچى ۋە سىرىتىدىكى ئەڭ يېڭى ۋە ئەڭ ياخشى كىنولار قۇيۇلىدىغان بولۇپ، بۇ كىنولار ئۈرۈمچى خەلقىنىڭ مەنىۋى تۇرمۇشىنى بېيىتىقۇسى، مىللىي كىنوچىلىقنىڭ ئىجاتچانلىق سەۋىيىسىنى ئۆستۈرگۈسى، ۋە تەسىرچانلىقىنى كۈچەيتكۈسى.
كۆرەكتە ئاساسلىقى دۆلىتىمىز، كورىيە، ئىران، رۇسىيە، فىرانسىيە، گىرمانىيە، گوللاندىيە، بېلگىيە، ئىسپانىيە، شىۋىتسىيە، دانىيە، نورۋىگىيە، ئامېرىكا قاتارلىق 13 دۆلەتنىڭ ئەڭ نادىر كىنولىرىدىن 20 كىنو قۇيۇلىدىكەن. بۇنىڭ ئىچىدە تۆتى دۆلىتىمىزدە ئىشلەنگەن كىنو، 16سى چەتئەلنىڭ كىنولىرى ئىكەن. بۇ قېتىمقى كۆرەكتە قۇيۇلىشى بۇ كىنولارنىڭ ھەممىسىنىڭ تۇنجى قېتىم شىنجاڭدا قۇيۇلىشى ئىكەن. بىلەت باھاسى 20 يۈەندىن ئېشىپ كەتمەيدىكەن.
كۆرەكنىڭ بىلەت ئەھۋالى مەسىلىسىدە دۇڭسېنىڭ دىيىشىچە، بۇ كۆرەكنىڭ باشلىنىش مۇراسىمىدا قۇيۇلىدىغان فىلىم ئىراننىڭ «ئايرىلىش» ناملىق فىلىمىنىڭ بىلىتى سىرىتتكىلەرگە سېتىلمايدىغاندىن باشقا، باشقا كىنولار خەلق كىنوخانىسى(8872255 -0991)، ئۈرۈمچى خەلق كىنوخانىسى (2817539-0991)، ئۈرۈمچى شەھەرلىك شىڭگۇاڭ كىنو شەھەرچىسى (3694388-0991)، تىنىچلىق پايتەختى (2824216-0991)، دوسلۇق كىنو شەھەرچىسى (4864999-0991) قاتارلىق يەتتە كىنوخانىدا قۇيۇلىدىغان بولۇپ، قىزىقىدىغان تاماشىبىنلار ئالدىنئالا كىنوخانىلارغا تېلفۇن قىلىپ كىنولارنىڭ قۇيۇلۇش ۋاقتىنى سۈرۈشتۈرسە بولىدىكەن. كۆرەكتە قۇيۇلىدىغان كىنولارنىڭ بىلىتىنى سېتىش 13-سىنتەبىر باشلىنىپ بولغان ئىكەن.