ب د ت دىپلوماتىيە ئورگانلىرىغا ھۇجۇم قىلىش ۋەقەسىنى قاتتىق ئەيىبلىدى - huxhuy online----Sports|world News|it News|china News|Local News Business

ئامېرىكىنىڭ لىۋىيەدە تۇرۇشلۇق باش ئەلچىسى ئامېرىكىغا قارشى قارشىلىق كۆرسىتىشتە قازا قىلدى

14-سېنتەبىر، ھىندونېزىيەنىڭ پايتەختى جاكارتادا، بىر مۇسۇلمان ئەر ئامېرىكا ئەلچىخانىسىنىڭ ئالدىدا نامايىش پائالىيىتىگە قاتناشتى. توردا تارقىلىپ يۈرگەن بىر ئىسلام دىنى پەيغەمبىرى مۇھەممەدكە ھاقارەت قىلغان ئامېرىكا فىلىمى يېقىندا نۇرغۇن دۆلەتلەردە ئامېرىكىغا قارشى نامايىش دولقۇنىنى قوزغىدى.

شىنخۇا تورى بىرلەشكەن دۆلەتلەر تەشكىلاتى 14-سېنتەبىر تېلېگراممىسى بىرلەشكەن دۆلەتلەر تەشكىلاتى خەۋىپسىزلىك كېڭىشى 14-سېنتەبىر كەچتە بايانات ئېلان قىلىپ، 13-ۋە 14-سېنتەبىر دۇنيادىكى نۇرغۇن رايونلاردا يۈز بەرگەن بىر قاتار كونسۇلخانىلارغا ھۇجۇم قىلىش ۋەقەسىنى «قاتتىق ئەيىبلىدى».
باياناتتا دېيىلىشىچە، خەۋىپسىزلىك كېڭىشى بۇ ھۇجۇم قىلىش ۋەقەلىرىگە قاتتىق كۆڭۈل بۆلۈش بىلەن بىر ۋاقىتتا دىپلوماتىيە ئورگانلىرىنىڭ خاراكتېرى ۋە دىپلوماتىيە خادىملىرىنىڭ مۇھىم رولىدىن بىرى بولغان ھەر قايسى ئەل ۋە مەدەنىيەت ئارىسىدىكى ئۆز-ئارا چۈشىنىشنى ئىلگىرى سۈرۈشنى قايتا تەكىتلىدى.
خەۋىپسىزلىك كېڭىشى باياناتتا مەيلى قانداق مەقسەتتە، قايسى جايدا ۋە كىم سادىر قىلغان بولۇشىدىن قەتئىينەزەر، بۇ خىل ھەرىكەتكە باھانە بولالمايدىغانلىقىنى قايتا تەكىتلىدى.
خەۋىپسىزلىك كېڭىشى يەنە دىپلوماتىيەكونسۇلى جايلاشقان ئورۇننىڭ تاجاۋۇز قىلىشقا بولمايدىغان ئاساسى پىرىنسىپى ۋە تۇرۇشلۇق ئورۇن ھۆكۈمىتىنىڭ مەجبورىيىتىنى قايتا تىلغا ئېلىپ ئۆتتى. 1961-يىلىدىكى «ۋېيىنا دىپلوماتىك موناسىۋەت ئەھدىنامىسى»ۋە 1963-يىلىدىكى «ۋېيىنا كونسۇل موناسىۋىتى ئەھدىنامىسى»غا ئاساسلانغاندا، تۇرۇشلۇق ئورۇن ھۆكۈمىتىنىڭ بارلىق مۇۋاپىق تەدبىرلەرنى قوللىنىپ، ئەلچىخانا ئۆيلىرىنىڭ تاجاۋۇزغا ۋە بۇزغۇنچىلىققا ئۇچرىشىدىن قوغداش ھەمدەبارلىق ئەلچىخانىنىڭ بىخەتەرلىكىنى بۇزىدىغان ۋە ئەلچىخانىنىڭ ئىززەت-ھۆرمىتىگە زىيان سالىدىغان قىلمىشلارنى توسۇش مەجبورىيىتى بار.
خەۋىپسىزلىك كېڭىشى ھەر قايسى ئەللەرنى ئۆزلىرىنىڭ خەلىقئارالىق مەجبورىيىتىنى تولۇق ئادا قىلىپ، دىپلوماتىيە ئورگانلىرى ۋە خادىملىرىنىڭ ھاياتى ۋە مال-مۈلۈك بىخەتەرلىكىنى قوغداشقا چاقىرىق قىلدى.
يېقىندا توردا تارقىلىپ يۈرگەن بىر ئىسلام دىنى پەيغەمبىرى مۇھەممەدكە ھاقارەت قىلغان ئامېرىكا فىلىمى نۇرغۇنلىغان ئوتتۇرا شەرقتىكى ئەرەب دۆلەتلىرىدە ئامېرىكىغا قارشى نامايىش دولقۇنىنى قوزغىدى. لىۋىيەدە نەچچە يۈزلىگەن قوراللىق ئۇنسۇرلار 11-سېنتەبىر كەچتە بېڭھازىدىكى ئامېرىكا كونسۇلخانىسىغا بۆسۈپ كېرىپ، بۇ فىلىمگە نارازىلىق بىلدۈردى ھەمدە كونسۇلخانا بىخەتەرلىك خادىملىرى بىلەن ئېتىشتى. ئامېرىكىنىڭ لىۋىيەدە تۇرۇشلۇق باش ئەلچىسى سىتىۋېننى ئۆز ئىچىگە ئالغان تۆت نەپەر دىپلوماتىيە خادىمى بۇ ۋەقەدە قازا قىلدى.
مىسىر نامايىشچىلىرى 13-سېنتەبىر سەھەردىن باشلاپ ساقچى دائىرلىرى بىلەن قاھىرەدە ئامېرىكىنىڭ مىسىردا تۇرۇشلۇق باش ئەلچىخانىسى ئەتراپىدا توقۇنۇشتى، ئاز دېگەندىمۇ 30ئادەم توقۇنۇشتا يارىلاندى. يەمەندە، نەچچە يۈزلىگەن نامايىشچىلار 13-سېنتەبىر چۈشتىن بۇرۇن سانا شەھەر ئەتراپىغا جايلاشقان ئامېرىكىنىڭ يەمەندە تۇرۇشلۇق ئەلچىخانىسىغا بۆسۈپ كىرىشكە ئۇرۇندى ھەمدە ئەلچىخانىنى قوغداۋاتقان يەمەن بىخەتەرلىك قىسىملىرى بىلەن قوراللىق توقۇنۇشۇپ، ئاز دېگەندىمۇ بىر نامايىشچىنىڭ قازا قىلىشى ۋە نەچچە ئون ئادەمنىڭ يارىلىنىشىنى كەلتۈرۈپ چىقاردى. تۇنىس زۇڭلى قەسىرى 14-سېنتەبىر كەچتە ئېلان قىلغان ئاخبارات دوكلاتىدا دېيىلىشچە، شۇ كۈنى چۈشتىن كېيىن ئامېرىكىنىڭ تۇنىستا تۇرۇشلۇق ئەلچىخانىسى ۋە ئەتراپتىكى رايونلاردا يۈز بەرگەن قالايمىقانچىلىقتا ئىككى ئادەم قازا قىلىپ، 29ئادەم يارىلاندى، بۇنىڭ ئىچىدە ئىككىسىنىڭ يارىسى خېلىلا ئېغىر بولۇپ، ھاياتى خەتەر ئىچىدە ئىكەن.