ئامېرىكىلىق رېژىسور ئىشلىگەن ئسلام دىنىنى ۋە ئۇلۇغ پەيغەمبەر مۇھەممەت سەللەللاھۇ ئەلەيھى ۋەسسەلەننى ھاقارەتلەيدىغان فىلىمغا قارشى ئېتىراز بىلدۈرۈش ھەركىتى 14-سىنتەبىر ۋە 15-سىنتەبىر بىر قىسىم دۆلەتلەردە يامىراپ كەتتى. ئېتىراز بىلدۈرگۈچىلەر بىلەن ساقچىلار ئوتتۇرسىدا تۇقۇنۇش يۈز بېرىپ، ئادەملەرنىڭ ئۈلۈش ۋە يارلىنىشىنى كەلتۈرۈپ چىقاردى. بىر قىسىم دۆلەتلەر ئېتىراز بىلدۈرۈش جەريانىدىكى زورۋانلىق قىلمىشلىرىنى ئەيىپلىدى.
       پايتەخىت قاھىرە شەھىرىنىڭ مەركىزىگە جايلاشقان ئامېرىكا ئەلچىخانىسىنىڭ ئەتىراپىنى قورشىۋالغان نامايىشچىلار 14-سىنتەبىر كىچىدە شۇ جايدىكى ساقچىلار بىلەن يەنە بىر قېتىم تۇقۇنۇشۇپ قالغان. ئىككى تەرەپ ئۆز-ئارا بىر-بىرىگە تاشلارنى ئېتىشقان، نامايىشچىلار يەنە رىزىنكە ئوق ئېتىپ ساقچىلارغا ھۇجۇم قىلغان. ساقچىلار بولسا ياش ئاققۇزۇش بومبىسى ئېتىپ قايتۇرما زەربە بەرگەن. مىسىر دۆلەتلىك تېلېۋىزىيە ئىستانىسىسىنىڭ 15-سىنتەبىر خەۋەر قىلىشىچە، 14-سىنتەبىر كىچىدىكى تۇقۇنۇشتا بىر نەپەر نامايىشچى قازا قىلغان، 27 نەپەر ئادەم يارلانغان. بىر قىسىم نامايىشچىلار يەنە ئامېرىكنىڭ مىسىردا تۇرۇشلۇق ئەلچىسىنى مىسىرىدىن قوغلاپ چىقارمىغۇچە ئۆزلىرىنىڭ قارشىلىق كۆرسىتىشنى توختاتمايدىغانلىقىنى بىلدۈرگەن.
      ئوتتۇرا شەرىق ئاخبارات ئاگېنتلىقىنىڭ خەۋىرىدە ئېيتىلىشىچە، ساقچى تەرەپ 15-سىنتەبىر  ئەتىگەندە نامايىشچىلاردىن مۇداپىئەلىنىش ئۈچۈن ئامېرىكىنىڭ مىسىرىدا تۇرۇشلۇق ئەلچىخانىسىنىڭ ئەتىراپىنى سىمونىت تاملار بىلەن قورشىغان.  ھەمدە ئەلچىخانىنىڭ ئەتىراپىدىكى رايونلاردا ۋە شەھەر مەركىزىدىكى ئازاتلىق مەيدانىدا تازىلاش ئېلىپ بېرىپ 220  نامايىشچىنى قولغا ئالغان. نۆۋەتتە، ئامېرىكا ئەلچىخانىسىنىڭ ئەتىراپىدا تۆت كۈن داۋاملاشقان ئېتىراز بىلدۈرۈش ھەركىتى جەريانىدا ساقچىلار جەمئىي 362 نەپەر نامايىشچىنى قولغا ئالغان، بۇنىڭ ئىچىدىكى 55 نەپىرى قامالغان.
      بېنگالدا بولسا  «ئىسلام ئىتتىپاقى» تەشكىلاتىنىڭ باشچىلىقىدىكى تۆت ئىسلام تەشكىلاتى 14-سىنتەبىر پايتەخىت  داكادا نامايىش ئۆتكۈزدى. نەچچە مىڭلىغان مۇسۇلمان ئامما بۇ نامايىشقا قاتناشتى. نامايىشچىلار يۇقىرى ئاۋازدا «ئامېرىكىغا قارشى تۇرايلى، ئىسرائىلىيىگە قارشى تۇرايلى» دىگەن شۇئارلارنى توۋلىدى ھەمدە ئامېرىكىنىڭ دۆلەت بايرىقىنى كۆيدۈرۈشتى. بىنگالنىڭ شۇ يەرلىك تېلېۋىزىيە ئىستانىسىسىنىڭ خەۋەر قىلىشىچە، بېنگالدىكى يەنە باشقا نۇرغۇن شەھەرلەردىمۇ ئېتىراز بىلدۈرۈش نامايىشى قوزغالغان.
    14-سىنتەبىر لىۋىيىنىڭ ئىككىنچى چوڭ شەھىرى بەنجاشتا، نەچچە ئون ئىسلام  كۈچلىرى بەنجاش شەھىرىنىڭ مەركىزىدىكى تىبىسىت مېھمانسارىيىنىڭ ئىشىكى ئالدىدا «ئەلقائىدە تەشكىلاتى»نىڭ قارا رەڭلىك بايرىقىنى ئېگىز كۈتۈرۈپ ئامېرىكا قارشى نامايىشقا قاتناشتى. نامايىشچىلارنىڭ بەزىلىرى ئاسمانغا قارىتىپ ئوق چىقارسا بەزىلىرى «بەيغەمبىرىمىزنى ھاقارەت قىلىشقا ھەرگىز يوق قويمايمىز» دەپ توۋلاشتى.
       11-سىنتەبىر كەچتە، ئامېرىكىنىڭ ئىسلام دىننى ۋە مۇھەممەت ئەلەھەيسالامنى ھاقارەت قىلىدىغان كىنوسىغا ئېتىراز بىلدۈرۈش ئۈچۈن، لىۋىيىدىكى نەچچە يۈزلىگەن قۇراللىق ئادەم ئامېرىكنىڭ لىۋىيىدە تۇرۇشلۇق ئەلچىخانىسىغا ھۇجۇم قىلىپ، ئامېرىكىنىڭ لىۋىيىدە تۇرۇشلۇق باش ئەلچىسى قاتارلىق ئۈچ نەپەر دىپلوماتىيە ئەمەلدارىنى ئۆلتۈردى.
       لىۋىيە خەلق پارلامېنتىنىڭ رەئىسى ماگۇلىيا 14-سىنتەبىر ھۇجۇمغا ئۇچىرىغان ئامېرىكىنىڭ لىۋىيىدە تۇرۇشلۇق ئەلچىخانىسىغا ھال سوراپ باردى ۋە لىۋىيە ھۆكۈمىتىگە ۋاكالىتەن گۈلچەمبىرەك سوۋغا قىلدى. ئۇ يەنە شۇ يەرلىك تارماقلارنىڭ تۆت نەپەر قۇراللىق ئۇنسۇرنى قولغا ئالغانلىقىنى بىلدۈردى.
بۇنىڭدىن باشقا يەنە 14-سېنتەبىر سۇداندىكى نامايىشچىلار كاتۇمدا گېرمانىيە ۋە ئەنگلىيەنىڭ سۇداندا تۇرۇشلۇق ئەلچىخانىسىغا ھۇجۇم قىلدى. ياۋروپا ئىتتىپاقى كومىتېتىنىڭ رەئىسى باروسۇ 14-سېنتەبىر كەچتە بايانات ئېلان قىلىپ، بۇ ھۇجۇم قىلىش ۋەقەسىنى قاتتىق ئەيىبلىدى. بارۇسۇ باياناتىدا مۇنداق دېدى:« بىز بۇ قىلمىشنى قاتتىق ئەيىبلەيمىز، بۇ قىلمىشنى قوبۇل قىلغىلى بولمايدۇ. بۇ قىلمىش مەدەنىيەتلىك دۇنيانىڭ قائىدىسىگە زىت. بىز بارلىق دىنلارنى ۋە دىنىي ئېتىقادلارنى ھۆرمەت قىلىمىز. بىز بارلىق مەسىلىلەرنىڭ تىنچ يول بىلەن ھەل بولۇشىنى ئۈمىد قىلىمىز».