«ئارال سېتىۋىلىش» جۇڭگو-ياپونىيە سودا ئالاقىسىغا زىيان يەتكۈزدى - huxhuy online----Sports|world News|it News|china News|Local News Business

[ياپونىيە خەۋەرلەر تورىنىڭ 17-سېنتەبىر خەۋىرى] جۇڭگونىڭ ئالاقىدار دائىرىلىرى بۈگۈن ياپونىيەگە ئۇقتۇرۇش قىلىپ، ياپونىيەنىڭ پارتىيە-گۇرۇھسىز پارلامېنت ئەزالىرى جۇڭگونى زىيارەت قىلىش ئۆمىكىنىڭ سەپىرىنى ئەمەلدىن قالدۇرۇشنى تەلەپ قىلدى. جۇڭگو دائىرىلىرىنىڭ ئۇقتۇرۇشىدا: ياپونىيە ھۆكۈمىتىنىڭ جۇڭگو زېمىنى دياۋيۈ ئارىلىنى «دۆلەت ئىلكىگە ئۆتكۈزۈۋېلىشى» بۇ قېتىمقى ئالاقىگە ئانچە ئۇيغۇن كەلمەيدۇ، دەپ كۆرسىتىلدى.
    [كىيودو ئاگېنتلىقى، توكيو، 17-سېنتەبىر تېلېگراممىسى] ياپونىيە-جۇڭگو دوستلۇقىنى ئىلگىرى سۈرۈشكە كۆرۈنەرلىك تۆھپە قوشۇپ، «ياپونىيە دىپلوماتىيە ۋەزىرى مۇكاپاتى»غا ئېرىشكەن جۇڭگو تەشكىلاتى−جۇڭخۇا مەملىكەتلىك ياشلار بىرلەشمىسى 12-سېنتەبىر ياپونىيە دائىرىلىرىگە بۇ مۇكاپاتنى قوبۇل قىلمايدىغانلىقىنى ئۇقتۇردى. پىكىردە: بۇنداق قىلىشتىكى مەقسەت، ياپونىيە ھۆكۈمىتىنىڭ سېنكاكۇ تاقىم ئاراللىرى (ئىلىمىزنىڭ دياۋيۈ ئارىلى-گېزىتىمىز ئىزاھاتى)نى دۆلەت ئىلكىگە ئۆتكۈزۈۋېلىش ھەرىكىتىگە قارشى تۇرۇش، دېيىلدى.
   [كىيودو ئاگېنتلىقى، توكيو، 17-سېنتەبىر تېلېگراممىسى] كاناگاۋا ناھىيەلىك ھۆكۈمەتنىڭ ئاشكارىلىشىچە، جۇڭگو گوۋۇيۈەنىگە قاراشلىق ئاپپارات−جۇڭگو چەت ئەل تىلىدىكى نەشىر بۇيۇملىرىنى تارقىتىش ئىدارىسىنىڭ باشلىقى جۇ مىڭۋېي باشچىلىقىدىكى ۋەكىللەر ئۆمىكى ياپونىيەنى زىيارەت قىلىش پىلانىنى كېچىكتۈرگەن.
   [ئامېرىكا «ۋال كوچىسى گېزىتى»نىڭ 17-سېنتەبىر خەۋىرى] بۈگۈن ياپونىيەنىڭ شەرقىي شىمالىدا يەر تەۋرەش يۈز بەرگەنلىكىگە 18 ئاي بولغان كۈن. فۇكۇشىما ناھىيەسىنىڭ ھاكىمى ساتۇ يۇخېئى بۇ كۈنى بېيجىڭدا بولدى. ئۇ، شاڭخەيدىن فۇكۇشىما ئارىلىغا بارىدىغان قەرەللىك سۇ يولىنى ئەسلىگە كەلتۈرۈشنى تەلەپ قىلىش ئۈچۈن بېيجىڭغا كەلگەن بولۇپ، بۇ ئارقىلىق يەرلىكنىڭ ئىقتىسادىنى ئىلگىرى سۈرۈشكە تۈرتكە بولۇشنى ئۈمىد قىلغان. لېكىن بۇ قېتىمقى يىغىن تۇيۇقسىز ئەمەلدىن قالدۇرۇلدى.
    شاڭخەي شەھەرلىك ھۆكۈمەت ياپونىيەنىڭ ئىككى يەرلىك ھۆكۈمىتىنىڭ 15-سېنتەبىر شاڭخەيدە يىلدا بىر ئۆتكۈزۈلىدىغان ساياھەت بايرىمىغا قاتناشماسلىقىنى ئېيتتى.
    [ياپونىيە خەۋەرلەر تورىنىڭ 17-سېنتەبىر خەۋىرى] ئۆتكەن ئاينىڭ ئاخىرىدىن باشلاپ 3-سېنتەبىرگىچە، ياپونىيەگە ساياھەتكە بارماقچى بولۇپ ياماناشى ناھىيەسىنىڭ خوتورۇخۇجىدىكى ئىككى مېھمانسارىيىدا يېتىشقا تىزىملاتقان 260 جۇڭگولۇق ساياھەتچى سېنكاكۇ تاقىم ئاراللىرى ۋەزىيىتىنىڭ كەسكىنلىشىپ كېتىشى سەۋەبىدىن ياپونىيە سەپىرىنى ئەمەلدىن قالدۇردى.