تېڭشۈن تاماشا خەۋىرى، سولومۇن تاقىم ئارىلى خونىئارا، شۇ يەر ۋاقتى 9-ئاينىڭ 16-كۈنى، ئەنگلىيە خان ئوردىسى شاھزادىسى ۋېليام بىلەن خانىش كەيت خونىئارادا زىيارەتتە بولغان. شاھزادە ۋېليام بىلەن خانىش كەيت ئايرودرومدا پەيدا بولۇشى بىلەن شۇ يەرلىك كىشىلەرنىڭ ئالاھىدە ئالقىشىغا ئېرىشكەن. ئارقىدىن ئۇلار شۇ يەرلىكنىڭ ۋالىيسىنىڭ ئۆيىگە بېرىپ مېھمان بولغان ھەمدە شۇ يەرلىكنىڭ كىيىمىنى كىيىپ ئۇلار بىلەن بىرگە خاتىرە سۈرەتكە چۈشكەن.
فرانسىيىدىكى داڭلىق بىر ژۇرنال نەچچە كۈن ئىلگىرى كەيت خانىشنىڭ ساھىلدا دەم ئېلىۋاتقاندىكى يوشۇرۇن تارتىلغان سۈرىتىنى ئاشكارىلىغان. ئۇنىڭ ئىچىدە يەنە كەيت خانىشنىڭ يالىڭاچ تارتىلغان سۈرەتلىرىمۇ بار بولۇپ، زور غۇلغۇلا قوزغىغان. تۈنۈگۈن مالايسىيادا زىيارەتتە بولۇۋاتقان كەيت خانىش بۇ سۈرەتلەرنى يوشۇرۇن تارتىپ ئاشكارىلىغان ژۇرنال ئۈستىدىن سوتقا ئەرز قىلغان. بۇ ئەنگلىيە خان جەمەتىنىڭ تۇنجى قېتىم ئار-نومۇس ھوقۇقىنى قوغداپ سوتقا ئەرز قىلغىنى بولۇپ ھېسابلىنىدۇ.ئەمما بۇ سەتچىلىكنى ئاشكارىلىغان ژۇرنال خاتالىقىنى ئىزچىل ئېتىراپ قىلمىغان . يەنە ‹بىزنىڭ قولىمىزدا ئۇنىڭدىن قالتىس سۈرەتلەر بار›دېگەن.
ئەمما زىيارەت داۋامىدا كەيت خانىشنىڭ كەيپىياتى ئىنتايىن ياخشى بولۇپ، ئاشكارلانغان بۇ سۈرەتلەرنىڭ تەسىرىگە ئانچە ئۇچرىمىغاندەك قىلاتتى.
