بىرىنچى ئەۋلاد شىيامى يانفونىنىڭ باھاسى 1299 يۈەنگە چۈشۈرۈلدى - huxhuy online----Sports|world News|it News|china News|Local News Business

+لېي جۈن: بۈگۈن كېچە مەنمۇ بەكلا ھاياجانلاندىم. ئاخىرىدا، يېڭى ئەۋلا شىياۋمى يانفونىنى كۈتۈۋېلىش يۈزىسىدىن، ئەتە ئەتىگە نسائەت توققۇزدىن باشلاپ، بىرىنچى ئەۋلاد شىياۋمى يانفونىنى 1299 يۈەنگە چۈشۈرۈشنى قارار قىلدىم. ئىلگىرى ئىككى ھەپتە ئىچىدە شىياۋمى تور بېتىدىن سېتىۋالغان ئابونېنتلارغا، 700 يۈەن نەخ پۇل چېكى قايتۇرۇلىدۇ. http://t.cn/aoRCgp

    شىنلاڭ تورى 8-ئاينىڭ 14-كۈنى خەۋىرى، شىياۋمىنىڭ باش مۇدىرى قوشۇمچە باش ئىجرائىيە ئەمەلدارى لېي جۈن بۈگۈن كەچتە مىكرو بلوگىدا، بىرىنچى ئەۋلاد شىياۋمى يانفونىنىڭ باھاسىنى 1299 يۈەنگە چۈشۈرگەنلىكىنى ئېلان قىلدى. پەيشەنبە كۈنى، ئىككىنچى ئەۋلاد شيامي يانفونى رەسىمىي ئىلان قىلىنىدىكەن.
    مىكرو بلوگدىكى ئېلېكتر ئۈسكۈنىلىرى كارخانىلىرىنىڭ باھا جېڭى راسا ئەۋجىگە چىققان مەزگىلدە، شىياۋمىمۇ مىكرو بلوگتا «تەقلىد قىلىش» يولىنى تاللىدى. بۈگۈن كەچ سائەت 23:15 تە، لېي جۈن مىكرو بلوگىدا ليۇ چياڭدۇڭنىڭ ئۇسلۇبىنى دوراپ: «بۈگۈن كېچە، مەنمۇ بەكلا ھاياجانلاندىم. ئاخىرىدا......بىرىنچى ئەۋلاد شىياۋمى يانفونىنى 1299 يۈەنگە چۈشۈرۈشنى قارار قىلدىم.» دەپ يازغان.
بۇ، بىرىنچى ئەۋلاد شىياۋمى يانفونىنىڭ ئەسلىدىكىدىن 700 يۈەن چۈشۈرۈلگەنلىكىدىن دېرەك بېرىدۇ. بۇنىڭدىن باشقا لېي جۈن، ئۆتكەن ئىككى ھەپتە ئىچىدە شىياۋمى ھۆكۈمەت تورىدىن بىرىنچى ئەۋلاد شىياۋمى يانفونى سېتىۋالغان ئابونېنتلارنىڭ 700 يۈەنلىك نەخ پۇل چېكىگە ئېرىشىدىغانلىقىنى بىلدۈردى.
    ئەمەلىيەتتە، پەيشەنبە كۈنى چۈشتىن كېيىن شىياۋمى ئىككىنچى ئەۋلاد يانفونىنى رەسىمىي ئېلان قىلىنىش ئالدىدا، بىرىنچى ئەۋلادنىڭ باھاسىنى چۈشۈرۈشى ئالدىن پەرەز قىلىنغان ئىدى.
    مەلۇم بولۇشىچە، ئىككىنچى ئەۋلاد شىياۋمى يانفونى ئىككى خىل نۇسخىدا ئېلان قىلىنىدىكەن. پەرەزدە ئىككىنچى ئەۋلاد شىياۋمى يانفونىغا تۆت يادرولۇق 1.5Gلىق بىر تەرەپ قىلغۇچ، 720p(1280×720پىكسېل) لىق ئېكران، ئالدى كەينىگە قوش كامېرا سەپلىنىدۇ دىيىلگەن.