جۇڭگو شياڭگاڭنىڭ «چىفېڭ 2- نومۇر» ناملىق دياۋيۈ ئارىلىنى قوغداش كېمىسى دياۋيۈ ئارىلى دېڭىز تەۋەلىكىدە قاتنىماقتا. سۈرەتنى ياپونىيە دېڭىز ئامانلىق قوغداش نازارىتى تەمىنلىگەن.
يەر شارى تورى مۇخبىرى لى نا خەۋىرى: شياڭگاڭ «يورۇق گېزىتى» نىڭ 15- ئاۋغۇستتىكى ئۇچۇرىغا ئاساسلانغاندا، شياڭگاڭنىڭ  «چىفېڭ 2- نومۇر» ناملىق دياۋيۈ ئارىلىنى قوغداش كېمىسىنىڭ خادىمى زېڭ جيەنچېڭ مۇنداق بىلدۈرگەن: دياۋيۈ ئارىلىنى قوغداش كېمىسى دياۋيۈ ئارىلىدىكى تاش ساھىلغا مۇۋەپپەقىيەتلىك ھالدا سوقۇلدى، ھەمدە ساھىلدىكى تېيىز سۇدا توختىدى، ئارالدا ياپونىيە تەرەپنىڭ نەچچە 10 خادىمى بار ئىكەن.
شياڭگاڭ «ئەدەبىي مەلۇمات» گېزىتى شياڭگاڭ رادىيو ئىستانسىسىنىڭ خەۋىرىدىن نەقىل كەلتۈرۈپ خەۋەر قىلىشىچە، كېمىدىكى بىر قىسىم كىشىلەر ساھىلغا چىققان، ھەمدە جۇڭگونىڭ دۆلەت بايرىقى، تەيۋەن، شياڭگاڭ، ئاۋمىننىڭ بايرىقىنى ئېلىپ چىققان.
شياڭگاڭ دياۋيۈ ئارىلىنى قوغداش ھەرىكەت كومىتېتىنىڭ رەئىسى چېن مياۋدې چۈشتىن كېيىن سائەت تۆت ئەتراپىدا، كېمىدىكى دياۋيۈ ئارىلىنى قوغدىغۇچى زېڭ جيەنچېڭ بىلەن تېلېفونلاشتى. زېن جيەنچېڭ مۇنداق بىلدۈردى: دياۋيۈ ئارىلىنى قوغداش كېمىسى دياۋيۈ ئارىلىدىكى تاش ساھىلغا مۇۋەپپەقىيەتلىك ھالدا سوقۇلدى، ھەمدە ساھىلدىكى تېيىز سۇدا توختىدى، ئارالدا ياپونىيە تەرەپنىڭ نەچچە 10 خادىمى بار ئىكەن.
ئۇ ئىلگىرى مۇنداق دېگەن: ياپونىيە تەرەپنىڭ خادىملىرى ئۈزلۈكسىز ئاگاھلاندۇرۇش بېرىپ: سىلەر ياپونىيە تېررىتورىيەسىگە كىردىڭلار دېدى، ھەمدە ئوڭ تەرەپتىن سۇ توپى قويۇپ بەردى. ھازىر ھەممەيلەن بىخەتەر، دياۋيۈ ئارىلىنى قوغداش كېمىسىنىڭ ئۇدۇلىدىكى دياۋيۈ ئارىلى.
ئۇ كېيىن يەنە مۇنداق دېدى: ياپونىيە تەرەپ كاتىر ئەۋەتىپ كېمىگە چىقىشقا ئۇرۇندى، يەنە بىر كېمە «چىفېڭ 2- نومۇر» ناملىق كېمىگە سوقۇلدى.