ئادىل ھوشۇر بۇيلۇقتا دۇنيا رېكورتىغا جەڭ ئېلان قىلدى

تۈرى : تەنتەربىيە يوللىغۇچى : ئابلەت نۇرمۇھاممەد ۋاقتى : 2016-05-10 00:25:29

ئىلگىرى جۇڭگو «پەلەك شاھى» دېگەن نامغا ئېرىشكەن، بەش قېتىم دارۋازلىقتا مېڭىپ دۇنيا رېكورتىنى بۇزغان ئادىل ھۇشۇر 5-ئاينىڭ 7-كۈنى چۈشتىن كېيىن ئۈرۈمچى ۋاقتى 3 دە تۇرپان بۇيلۇقنى كېسىپ ئۆتۈپ، جەڭ ئېلان قىلىش تېمپېراتۇرىسى ئەڭ يۇقىرى، پولات سىم تېمپېراتۇرىسى ئەڭ يۇقىرى، دېڭىز يۈزىدىن ئېگىزلىكى ئەڭ تۆۋەن ئۈچ تۈرلۈك دارۋازلىق ماھارىتىدە دۇنيا رېكورتىغا جەڭ ئېلان قىلدى.

ئادىل ھوشۇر بۇ قېتىم تۇرپان بۇيلۇقتىكى پولات سىمدا ماڭغان يەرنىڭ ئېگىزلىكى 180 مېتىر، كەڭلىكى 1650 مېتىر ئىكەن. 5-ئاينىڭ 7-كۈنى ئۈرۈمچى ۋاقتى چۈشتىن كېيىن 2 دە تۇرپاننىڭ تېمپېراتۇرىسى℃32 قا چىققان، ئادىل ۋە ئۇنىڭ شاگىرتلىرى ھېچقانداق قوغدىنىش چارىسى قوللانمىغان ئەھۋال ئاستىدا پولات سىمدا مېڭىپ، ئىككى ئادەم قارىمۇ قارشى مېڭىپ ئورۇن ئالماشتۇرۇشقا ئوخشاش قىيىنلىق دەرىجىسى يۇقىرى ماھارەتلەرنى تاماملىغان.

ئەلدىيار تورى ئۈندىدار سالونى : eldiyar99