11 ئىنكاس

ئامېرىكا نىيۇيورك ئىشتاتىدىكى 32 ياشلىق روننىي بىروۋېر (Ronnie Brower) ۋە 24 ياشلىق ئاندرې مېسېللا (Andre Masella) ئىلگىرى ناھايىتى سېمىز بولۇپ، ئىككىسىنىڭ ئېغىرلىقى ئايرىم-ئايرىم ھالدا 675 قاداق (تەخمىنەن 306 كىلوگىرام) ۋە 250 قاداق (113 كىلوگىرام) كېلەتتى. ئىككەيلەن ئورتاق تىرىشىش ئارقىلىق 578 قاداق (تەخمىنەن 262 كىلوگىرام) ئورۇقلىغان. 5-ئاينىڭ 12-كۈنى ئۇلار ئۆز يۇرتىدا توي مۇراسىمى ئۆتكۈزۈپ، يېڭى ھاياتلىققا ئېرىشكەنلىكىنى تەبرىكلىگەن.

بىروۋېر 2012-يىلى 12-ئايدا ئورۇقلاشنى باشلىغان بولۇپ، ئەينى ۋاقىتتا 675 قاداق كېلەتتى، يۇقىرىدىكى كىرىشتۈرۈلگەن ئۈچ پارچە رەسىمدىن ئۇنىڭ بەدەن تۇرقىدىكى ئۆزگىرىشنى ئېنىق كۆرەلەيمىز، بۇ جەرياندا ئۇ جەمئىي 450 قاداق (تەخمىنەن 204 كىلوگىرام) ئورۇقلىغان.

مېسېللانىڭ دېيىشىچە، يولدىشىنىڭ ھەرىكىتى ئۇنىڭ ئورۇقلىشىغا مەدەت بولغان، ئۇلار دەسلەپتە بەدەن چېنىقتۇرۇش ئورنىدا ئۇچراشقان ھەمدە بىر-بىرىگە كۆڭلى چۈشۈپ قالغان. مېسېللانىڭ بەدەن ئېغىرلىقى باشتا 250 قاداق بولۇپ، ئورۇقلىغاندىن كېيىن 120 قاداققا چۈشكەن، ئۇ تىرىشىپ زىلۋا ساھىبجامالغا ئايلانغان.