تونۇشتۇرۇلۇشىچە، بۇ ساختا دورا ياسايدىغان قارا ئۇۋا شىمۇگۇدىكى بىر ئۆيدە بولۇپ، نەق مەيداندىن ئۇيغۇرچە-خەنزۇچە يېزىقتا يېزىلغان خوتەن قاراقاش ئەل ھېكمەت ئۇيغۇر تېبابەتچىلىكى ئامبۇلاتورىيەسى، خوتەن قاراقاش ھايات بەخىش ئۇيغۇر تېبابەت داۋاخانىسى، خوتەن تېببىي سەۋەب ئۇيغۇر تېبابەت داۋاخانىسى دېگەندەك ئورۇنلار ئىشلىگەن دىنار جەۋھىرى، جاۋارىش كۇندۇر، جاۋارىش بىستى پايەج، لوبۇپ كەبىر، سۆلەپ مىسىر، چۆبچىن ئەلا قاتارلىق ساختا دورىلارنىڭ ئورالما قېپى قولغا چۈشكەن. شۇنىڭ بىرگە يەنە، 700 كىلوگىرامدىن ئارتۇق 29 خىل دورا ماتېرىيالى، ساختا دىنار جەۋھىرى، ساختا دورا ياساش ئۈسكۈنىسىدىن 14 ى قولغا چۈشكەن، دېلوغا چېتىشلىق سومما 176 مىڭ يۈەندىن ئاشقان.

 

 

قانۇن ئىجرا قىلغۇچى خادىملارنىڭ تونۇشتۇرۇشىچە، بۇ ساختا دورا ياسايدىغان قارا ئۇۋىدىن بايقالغان بۇيۇملارنى تەكشۈرۈش ئارقىلىق، ئىشلەپچىقارغان ساختا دورىلارنىڭ ئورالمىسىغا بىردەك كېسەل داۋالايدىغان ئۈنۈمى بارلىقى يېزىلغان بولۇپ، ئەمما قانۇنلۇق دورا ئىشلەپچىقىرىش ئىجازىتى ياكى تەستىق نومۇرى يوق چىققان. شەھەر ئاھالىسى ئەگەر بۇ 7 خىل مەھسۇلاتنى سېتىۋالغان بولسا، ئىستېمال قىلىشنى دەرھال توختىتىشى ۋە 12331 پاش قىلىش لىنىيەسىگە تېلېفون ئۇرۇپ، يېمەكلىك-دورا نازارەت ئىدارىسىغا دېلو مەلۇم قىلىشى لازىم ئىكەن.