«بەش ياشلىق تۇغما ئەيدىز بالىدا كۆرۈلگەن مۆجىزە» ئېلانىغا تۈزىتىش

شىنجاڭ ئەلدوست بىيو تېخنىكا تەرەققىيات چەكلىك شىركىتى 2017-يىلى 1-ئاينىڭ 26-كۈنى مىسرانىم سالونىدا «بەش ياشلىق تۇغما ئەيدىز بالىدا كۆرۈلگەن مۆجىزە» دېگەن تېمىدا ئېلان بەرگەن ئىدى. ئۈرۈمچى شەھىرى تەڭرىتاغ رايونلۇق سودا-سانائەتنى مەمۇرىي باشقۇرۇش ئىدارىسىنىڭ دىققىتىنى تارتىپ تەكشۈرۈشكە خىزمەتچى خادىم ئورۇنلاشتۇرغان، مۇناسىۋەتلىك خادىملار تەكشۈرۈش ئېلىپ بېرىش ئارقىلىق «جۇڭخۇا خەلق جۇمھۇرىيىتى ئېلان قانۇنى» نىڭ 17-ماددىسىدىكى «داۋالاش، دورا ۋە داۋالاش ئۈسكۈنىلىرىدىن باشقا ھەرقانداق ئېلانلاردا كېسەل داۋالاشقا چېتىلىدىغان ياكى سېتىلىدىغان مەھسۇلاتنى دورا، داۋالاش ئۈسكۈنىلىرى بىلەن ئاسان ئارىلاشتۇرۇپ قويىدىغان سۆزلەرنى ئىشلىتىش چەكلىنىدۇ» دېگەن مەزمۇنىغا ئاساسەن، ئېلاننىڭ ئاخىرىدىكى ئەلدوست ھاياتلىق ئوزۇقلۇقىنى چۈشەندۈرۈش قىسمىدا «xxx كېسەللىكلىرى، داۋالايدۇ، يىلتىزىدىن ساقايتىش رولىنى ئوينايدۇ... » دېگەنگە ئوخشاش سۆزلەرنى ئىشلىتىش قانۇنغا خىلاپلىق بولىدىغانلىقىنى كۆرسىتىپ بەردى.

ئېلاندا بىخەستەلىك سەۋەبىدىن ئېلان سۆزىنى خاتا ئىشلىتىش سەۋەنلىكى كۆرۈلگەن، كۆپچىلىكنىڭ تۈزىتىپ چۈشىنىۋېلىشىنى ئۈمىد قىلىمىز ھەمدە تەڭرىتاغ رايونلۇق سودا-سانائەتنى مەمۇرىي باشقۇرۇش ئىدارىسى خادىملىرىنىڭ ئەستايىدىللىق بىلەن چۈشەندۈرۈپ خاتالىقىمىزنى كۆرسىتىپ بەرگەنلىكىگە كۆپ رەھمەت. ئۇلارنىڭ قانۇن-تۈزۈم بويىچە تەكشۈرۈپ بىرتەرەپ قىلىشى ۋە كۆرسەتمە بېرىشىنى ھەر ۋاقىت قارشى ئالىمىز. مەن «شىنجاڭ ئەلدوست بىيوتېخنىكا تەرەققىيات چەكلىك شىركىتى» گە ۋاكالىتەن دىققەت قىلىپ، بۇنىڭدىن كىيىن دۆلەتنىڭ قانۇن نىزاملىرىنى تولۇق چۈشىنىپ ۋە ئۇنىڭغا رىئايە قىلىپ، قانۇنلۇق تىجارەت قىلىشقا، بۇنداق ئەھۋاللارنىڭ قايتا سادىر بولماسلىقىغا تولۇق كاپالەتلىك قىلىمەن.
 

شىنجاڭ ئەلدوسىت بىيو تېخنىكا تەرەققىيات چەكلىك شىركىتى
قانۇن ۋەكىلى: ياسىنجان كېرەم
2017-يىلى 3-ئاينىڭ 1-كۈنى
شىنجاڭ ئەلدوسىت بىيو تېخنىكا تەرەققىيات چەكلىك شىركىتى تامغىسى