ئىسىم-فامىلىسى: مەمەتئېلى تۇرسۇن
خىزمەت ئورنى: قەشقەر ۋىلايەتلىك 1-خەلق دوختۇرخانىسى نەپەس ۋە ئېغىر كېسەللىكلەر بۆلۈمى
كەسپىي ئۇنۋانى: كاندىدات مۇدىر ۋىراچ
ئوقۇش تارىخى: ماگىستىر ئاسپىرانت
ئوبدان ئىگىلىگەن ساھەسى: نەپەس يولى سىستېمىسىدا كۆپ كۆرۈلىدىغان، كۆپ قوزغىلىدىغان كېسەللىكلەرنى دىئاگنوزلاش-داۋالاشقا ۋە كاناي ئەينىكى ئارقىلىق ۋاسىتىلىك داۋالاش، مېخانىك ئۇسۇلدا نەپەسنى راۋانلاشتۇرۇش، ئۆپكىنى تېشىپ توقۇلما ئېلىپ تەكشۈرۈش قاتارلىق تېخنىكىلارغا ماھىر.
 

قىسقىچە تەرجىمىھالى:
قەشقەر ۋىلايەتلىك 1-خەلق دوختۇرخانىسى نەپەس ۋە ئېغىر كېسەللىكلەر بۆلۈمىنىڭ كاندىدات مۇدىر ۋىراچى مەمەتئېلى تۇرسۇن 1979-يىلى قەشقەر يېڭىشەھەر ناھىيەسىدە تۇغۇلغان، 2005-يىلى شىنجاڭ تېببىي ئۇنىۋېرسىتېتىنىڭ كىلىنىكىلىق تېببىي پەن كەسپىنى پۈتتۈرگەن، شۇ يىلى قەشقەر ۋىلايەتلىك خەلق دوختۇرخانىسىغا ئىشقا چۈشكەن، 2008-يىلى شىنجاڭ تېببىي ئۇنىۋېرسىتېتىنىڭ نەپەس يولى ئىچكى كېسەللىكلىرى ئىلىمى بويىچە ماگىستىرلىق ئوقۇشىنى پۈتتۈرگەن. ئۇ ھازىرغىچە ئاپتونوم رايون دەرىجىلىك تەتقىقات تۈرىدىن 1 نى ئۆزى يېتەكچىلىك قىلىپ تاماملىغان، ھەر دەرىجىلىك تەتقىقات تۈرىدىن 5 كە قاتناشقان، دۆلەت ۋە ئۆلكە دەرىجىلىك يادرولۇق ژۇرناللاردا 6 پارچە ئىلمىي ماقالە ئېلان قىلغان، كۆپ قېتىم دوختۇرخانا تەرىپىدىن بېرىلگەن تۈرلۈك شان-شەرەپلەرگە ئېرىشكەن، 2016-يىلى قەشقەر ۋىلايىتى بويىچە «10 مۇنەۋۋەر ياش» دېگەن شەرەپكە ئېرىشكەن. ئۇ ھازىر قەشقەر ۋىلايەتلىك خەلق دوختۇرخانىسى نەپەس ۋە ئېغىر كېسەللىكلەر 1-بۆلۈمى RICU مەركىزىنىڭ مۇئاۋىن مۇدىرى، شىنجاڭ نەپەس ۋە تۇبېركۇليۇز كېسەللىكلىرى ئىلىمى جەمئىيىتىنىڭ ھەيئەت ئەزاسى، قەشقەر ۋىلايەتلىك نەپەس يولى كېسەللىكلىرى كەسپىي ھەيئىتىنىڭ دائىمىي ھەيئەت ئەزاسى. مەمەتئېلى تۇرسۇن ياشلىق باھارىنى قەشقەر ۋىلايىتىنىڭ داۋالاش ئىشلىرىغا بېغىشلاپ، كەڭ خەلق ئاممىسىنىڭ كېسىلىگە داۋا، رەنجىگە شىپا ئىزدەش يولىدا داۋاملىق تىرىشماقتا.

مەسلىھەت سوراش يېتەكچىسى:
دوختۇر مەمەتئېلى تۇرسۇندىن مەسلىھەت سوراش ئېھتىياجىڭىز بولسا، تۆۋەندىكى ئىككىلىك كود ياكى eldawa ئىزدەش نومۇرى ئارقىلىق ئەلداۋا ساغلاملىق ئۈندىدار سالونىمىزنى قوشۇۋېلىپ، ئالاقە ئۇچۇرىنى سۈرۈشتە قىلسىڭىز بولىدۇ.