شەمسىدىن دوختۇر 1976-يىلى 6-ئاينىڭ 5-كۈنى قاراقاش ناھىيسىنىڭ ئاقساراي يېزىسىدا مەرىپەتپەرۋەر، ئوقۇتقۇچى ئائىلىسىدە  تۇغۇلغان.  باشلانغۇچ ۋە تولۇقسىز ئوتتۇرا مەكتەپلەرنى ئۆز يېزىسىدا ئوقۇغان. تولۇق ئوتتۇرا مەكتەپنى  قاراقاش ناھىيىلىك 1- ئوتتۇرا مەكتەپتە ئوقۇغان، 1994 ــ 1998-يىلغىچە شىنجاڭ تېببىي ئۇنىۋېرسىتېتىنىڭ داۋالاش كەسپىدە ئوقۇغان، 1998-2007 -يىلىغىچە قاراقاش ناھىيە كاۋاك يېزىلىق شىپاخانىدا خىزمەت قىلغان؛ 2008-يىلى خىزمەتتىن ئىستېپا بېرىپ شىنجاڭ تاۋلان خەلقئارا سودا چەكلىك شىركىتىنى قۇرغان.

ھازىرقى ۋەزىپسى: شىنجاڭ ياشانغانلار ساقلىقنى–ساقلاش جەمئىيتىنىڭ مۇئاۋىن باشلىقى، جۇڭخۇا كېسەللىكلەرنىڭ ئالدىنى ئېلىش تەبئىي داۋالاش ئىلمىي جەمئىيتىنىڭ ھەيئەت ئەزاسى، شىنجاڭ تاۋلان خەلقئارا سودا چەكلىك شىركىتنىڭ باش دېرىكتورى.

ھازىر يۇقىرىقى ۋەزىپىلەر بىلەن بىر تەرەپتىن جەمىئيەت ئۈچۈن خىزمەت قىلىپ، يەنە بىرتەرەپتىن ئۈزلۈكسىز داۋالاش قىيىن بولغان كېسەللىكلەر ئۈستىدە تەتقىقات ئېلىپ بېرىپ تەجىرىبىلەرنى يەكۈنلەپ، يېقىندا ئەڭ يېڭى تۈر «تاۋلان تەبئىي فىزىكىلىق داۋالاش ئارقىلىق سالامەتلىكنى ئەسلىگە كەلتۈرۈش مەركىزى» تۈرىنى شىنجاڭنىڭ ھەرقايسى ناھىيىسىگە كېڭەيتىپ، مۇلازىمەت قىلىش، سېتىش، زەنجىرىسمان ئىگىلىك تىكلەش، مۇكەممەل بولغان باشقۇرۇش ئۇسۇلى، بازار  مۇقىملىقىنى ساقلاش ئارقىلىق كېسەللىكلەرنىڭ ساقىيىشىنى ئىلگىرى  سۈرۈپ، يېڭى بىر خىل مۇلازىمەت ئارقىلىق يېڭلىق يارىتىپ مەھسۇلات سېتىپ چىقىرىش ھەمدە ئۆزى ئوتتۇرىغا قويغان تەبئىي رەھبەرلىك سەنئىتى ئارقىلىق دۇچ كەلگەن مەسىللەرگە تاقابىل تۇرۇش تاكتىكىسىنى ئەمىلىيەتكە بىرلەشتۈرۈپ تېخىمۇ كۆپ يېڭىلىق يارىتىش يولىدا ئۈزلۈكسىز  تىرىشىۋاتىدۇ.