ئىسىم-فامىلىسى:  ئابدۇنەبى مەمەتئېلى
خىزمەت ئورنى: شىنجاڭ تېببىي ئۇنىۋېرسىتېتى 1-دوختۇرخانىسى يۈرەك تاشقى كېسەللىكلىرى 1-بۆلۈمى
كەسپىي ئۇنۋانى: كاندىدات مۇدىر ۋراچ، مۇئاۋىن پىروفېسسور، ماگىستىر ئاسپىرانت يېتەكچىسى
ئوقۇش تارىخى: دوكتور ئاشتى
ئوبدان ئىگىلىگەن ساھەسى: يۈرەك تاشقى كېسەللىكلىرىنى كۆكرەك ئەينىكى ئارقىلىق مىكرو زەخىملىك داۋالاش تېخنىكىسى بويىچە داۋالاشقا ماھىر.
 

قىسقىچە تەرجىمىھالى:
شىنجاڭ تېببىي ئۇنىۋېرسىتېتى 1-دوختۇرخانىسى يۈرەك تاشقى كېسەللىكلىرى 1-بۆلۈمىنىڭ كاندىدات مۇدىر ۋىراچى، دوتسېنت (مۇئاۋىن پىروفېسسور)، دوكتور ئاشتى، ماگىستىر ئاسپىرانت يېتەكچىسى ئابدۇنەبى مەمەتئېلى 1981-يىلى قەشقەر شەھىرىدە تۇغۇلغان، 2005-يىلى شىنجاڭ تېببىي ئۇنىۋېرسىتېتىنىڭ كىلىنىكىلىق تېببىي پەن كەسپىنى پۈتتۈرگەن، 2008-يىلى شىنجاڭ تېببىي ئۇنىۋېرسىتېتىنىڭ ماگىستىرلىق ئوقۇشىنى پۈتتۈرگەن، 2013-يىلى شىنجاڭ تېببىي ئۇنىۋېرسىتېتىنىڭ دوكتورلۇق ئوقۇشىنى پۈتتۈرگەن، بۇ جەرياندا، 2011-يىلىدىن 2012-يىلىغىچە ئاۋسترىيە ۋېنا تېببىي ئۇنىۋېرسىتېتىدا جۇڭگو-ئاۋسترىيە بىرلىشىپ تەربىيەلەيدىغان دوكتور سالاھىيىتىدە ئوقۇغان، 2015-يىلىدىن 2017-يىلىغىچە شىنجاڭ تېببىي ئۇنىۋېرسىتېتىدا دوكتور ئاشتىلىق تەتقىقاتى بىلەن شۇغۇللانغان. ئۇ ئىلگىرى-ئاخىرى بولۇپ دۆلەت ۋە ئاپتونوم رايون دەرىجىلىك تەتقىقات تېمىسىدىن 3نى تاماملىغان، دۆلەت ئىچى-سىرتىدا ئېلان قىلغان ماقالىسى 20 پارچىدىن ئاشىدۇ. كۆپ قېتىم دۆلەت ئىچى-سىرتىدىكى ئىلمىي مۇھاكىمە يىغىنلىرىدا مەخسۇس دوكلات بەرگەن. ئۇ ئۆز نۆۋىتىدە يەنە، يۈرەك تاشقى كېسەللىكلىرىنى كۆكرەك ئەينىكى ئارقىلىق مىكرو زەخىملىك داۋالاش تېخنىكىسىنى ئەڭ دەسلەپ شىنجاڭغا ئېلىپ كىرگۈچى بولۇپ ھېسابلىنىدۇ. ئۇ ھازىر يۈرەك تاشقى كېسەللىكلىرىنى مىكرو زەخىملىك داۋالاش ۋە ئۇيغۇر تېبابەتچىلىكىنىڭ يۈرەك قان تومۇر كېسەللىكلىرىنى داۋالاشتىكى قىممىتى ئۈستىدە ئىزدىنىشنى ئۆزىنىڭ تەتقىقات يۆنىلىشى قىلىپ داۋاملىق تىرىشماقتا.

مەسلىھەت سوراش يېتەكچىسى:
دوكتور ئابدۇنەبى مەمەتئېلىدىن يۈرەك تاشقى كېسەللىكلىرى بويىچە مەسلىھەت سوراش ئېھتىياجىڭىز بولسا، تۆۋەندىكى ئىككىلىك كود ياكى eldawa ئىزدەش نومۇرى ئارقىلىق ئەلداۋا ساغلاملىق ئۈندىدار سالونىمىزنى قوشۇۋېلىپ، ئالاقە ئۇچۇرىنى سۈرۈشتە قىلسىڭىز بولىدۇ.