تۇرسۇنگۇل ئوسمان پىغانى :بەخىت ئىزدە ئىرىنمە ھەرگىز

پىغانى

بەخىت ئىزدە ئىرىنمە ھەرگىز

تۇرسۇنگۇل ئوسمان (پىغانى)

تاڭ قۇياشىن كۈتىمەن ھەر چاغ،
كىچىلەردە ئۇيقۇدىن بىدار.
تاڭغۇ ئاتتى ۋە لىكىن يەنە،
ئازاپلاردىن بولدۇمغۇ بىزار.

يۈرەك باغرىم ئۆرتىنەر شۇ دەم،
خىيالىمدا سەن پەقەت ھامان.
كەچ كىرىشنى كۈتىمەن يەنە،
ئۆيلىرىمگە يۈرسەمدىم تامان.

تاڭلار ئاتتى يەنە كەچ بولدى،
شۇ رىتىمدا ئۆتمەكتە كۈنۈم.
شۇ بىر رىتىم شۇ خىل ئاھاڭدا،
ئۈزۈلمەستىن ياڭرايدۇ كۈيۈم.

تۈننى تاڭغا ئۇلايمەن يەنە،
ئىزتىراپتا كۈتكەچ مەن سىنى.
سەنمۇ ماڭا ئوخشاشمۇ نىگار،
راسىت سۆزۈڭنى ئېيىتقىنا قىنى؟

جام

بۇ شېئىر بەك ياخشى چىقىپتۇ، قەلىمىڭىزگە بارىكاللا!
شېئىرنى ئوقۇش جەريانىدا بۇ بىر شېئىرلا ئەمەس بەلكى بىر مۇڭلۇق كۈيلەرگە تولغان ناخشا تېكىستىدەك بىلىندى. تېخى نەچچە مىنۇتنىڭ ئالدىدىلا داڭلىق ناخشىچى ۋە تالانتلىق ئاۋاز ئارتېسى ئارزۈگۈل ئابدۇخېلىلنىڭ 20 يىللار بۇرۇن ئېيتقان «كەتمە» دېگەن ناخشىسىنى ئاڭلىغاشقىمۇ شېئىرىڭىزنى ئوقۇپ چىقىپ، شۇ ناخشىدىكى مۇھەببەتلىك كۈيلەر كۆز ئالدىمدا جىلۋىلەندى

Hiyalparas

راست ئېسىل شېئىركەن. لىرىك ھەم راۋان، ئەڭ ئاخىرقى كۇبلىت ماڭا بەك يارىدى.

نۇرلان

يۇقىردىكى تورداشلار ئېيىتقاندەك شېئىر ياخشى يېزىلىپتۇ.
تەكلىپىم: ئەڭ ئاخىرقى كۇبلىتنىڭ باشتىكى ئىككى مىسراسىغا، بولۇپمۇ 2-مىسراسىغا يەنە بىر تۈزىتىش كىرگۈزۈپ باققان بولسىڭىز.

WOLKANI

بۇ شئېرنى ناخشا قىلىپ ئىيتقۇدەك ياخشى چىقىپتۇ،ئاپىرىن !

نەۋرۇز

‏بۇ شىئېرىڭىزنىڭ تېمىسى مەرھۇم گىگانىت شائىر لۇتپۇللا مۇتەللىپنىڭ
بىلىم ئىزدە ئېرىنمە ،
سەرىپ ئەتكىن كۈچۈڭنى.
بوياق بىلەن بويىغىچە تېشىڭنى ،
بىلىم بىلەن زىننەتلىگىن ئىچىڭنى.  

دىگەن شىئېرنى ئەسلىتىپ قويدى.

شىئېرىڭىزنى يېنىشلاپ ئوقۇپ ھېجرانكەش مەشۇقنىڭ يۈرىكىدىن تامغان نەزمىسىنىڭ مەشۇقىنى زارىقىپ كۈتىۋاتقان سىماسىنى كۆرگەندەك بولدۇم. تورداشلار دىگەندەك بەئەينى بىر ناخشا بوپتۇ بۇ شىئېرىڭىز. قەلىمىڭىز تېخىمۇ بەركەتلىك بولسۇن.

جام

نەۋرۇز يوللىغان ۋاقتى  2015-1-5 19:30
‏بۇ شىئېرىڭىزنىڭ تېمىسى مەرھۇم گىگانىت شائىر لۇتپۇللا ...

بولۇپمۇ بۇ شېئىرنىڭ بىرىنچى كۇبلىتى ماڭا مەرھۇم ئەخمەتجان مەمتىمىننىڭ بىر ناخشىسىنى ئېسىمگە سېلىپ قويدى....

شاھدىل

ماڭىمۇ شۇندق يارىدى ، كۈتۈش دىگەن شىرىنلىككە تولغان بىر ۋاقىتدە .....