تۇرسۇنگۇل ئوسمان پىغانى:قوزغالغان پىراق

پىغانى

قوزغالغان پىراق

تۇرسۇنگۇل ئوسمان (پىغانى)

ئۇنتۇلاي دەپ قالغانتىڭ مانا،
كۆپ ۋاقىتلار ئۆتكەندىن بىرى.
كىچە كىرىپ چۈشۈمگە يانا،
خىيالىمدىن بولمىدىڭ نىرى.

قوزغالدىغۇ قايتىدىن يانا،
يۈرەكتىكى كۆمۈلگەن پىراق.
دىلخانەمگە كىردىڭغۇ مانا،
يۈرۈكۈمگە ياندۇرۇپ چىراق.

كۆزلۈرۈمدىن قاچتىغۇ ئۇيقۇ،
تاماقتىنمۇ قالدىمغۇ ئەمدى.
سىرداش بولدى مىسكىن خىيالىم،
ئولتۇرىمەن ھەسىرەتتە-غەمدە.

شۇنچە ۋاقىت ئۆتۈپ تۇرۇقلۇق،
ئاھ!، نىمىشقا چىقمايسەن ئەستىن.
بىرق سەنغو شۇنچە بىپەرۋا،
يۈرەمسەنكىن ياكى بىلمەستىن.

قاچانغىچە چىكەرمەن ئازاپ،
يۈرەمدىمەن ھەسىرەتلەر يۇتۇپ.
بەلكىم ئۆمرۈم ئاخىرىغىچە،
سىنى چۈشەپ ئۆتەرمەن كۈتۈپ.

سىھىر

ناھايىتى ياخشى يىزىپسىز،،،،،يۈرەككە ئ‍ورناپ كەتكەن مۇھەببەت مۇشۇنداق ئ‍ۇزۇنغىچە ئ‍ۇنتۇلمايدۇ،،،،،سالامەت بۇلۇڭ،

نەۋرۇز

مەن بالا ۋاقتىمدا «خىيالدىكى سۆيگۈ » نامىدا بىر پارچە شىئېر يېزىپ شۇ ۋاقىتتىكى ئوقۇقۇچۇمنىڭ كۆزدىن كەچۈرشىگە سۇنغىنىمدا مەرھۇم ئۇستازىم مىنى رىغبەتلەندۈرۈپ سەندە ئۈمۈد بار بالام ئەدەبىياتتا ئوقۇساڭ بولغۇدەك دىگەن ئىدى. ئەپسۇس ئەدەبىياتتا ئوقۇش ماڭا نىسىپ بولمىدى. كىتاپ ئوقۇشنى ، شىئېريەتكە بولغان قىززىقىشنى زادىلا تاشلاپ قويمىدىم. ھەر ھالدا بىر نىمىلەرنى يېزىپ يۈرۋاتىمەن. تۇرسۇنگۈلنىڭ بۇ شىئېرى تەبىئى ھېسيات، تەبىئى تىل بىلەن ياخشى يېزىلىپتۇ. قانچە يازسىمۇ تۈگىمەيدىغان بۇ تېما قەلىمىڭىزگە قۇۋۋەت بەرگەي تۇرسۇنگۈل.

سابا1

شۇنداق ياخشى يېزىپسىز ،ئادەم ھەر قانداق ئىشنىڭ تۇنجىسىنى ئۇنتالمايدۇ،بولۇپمۇ كىشى قەلبىدە ئويغانغان تۇنجى مۇھەببەتنى.

19820412

ياخشى يېزىلىپتۇ، قولىڭىزغا دەرت كەلمىسۇن.

WOLKANI

ئىلگىرلەش زور تېخىمۇ تىرىشىڭ ،ياقتۇردىم .

جام

توۋا، مۇھەببەتنىڭ كۈچى ئاجايىپلا- ھە، ئەشۇ مۇھەببەت ئۈچۈن بىر دەۋرلەردە كېچە- كېچىلەپ كۆزگە ئۇيقۇ كەلمىگەن، گالدىن تاماق ئۆتمىگەن يا قول ئىشقا (ئۆگىنىشكە) بارمىغان، ئاجايىپلا بىر ئىش ئىكەن شۇ. ھەتتا شۇ مۇھەببەت سەۋەبلىك خىلمۇ- خىل ئىشلار، قانلىق پاجىئەلەر يۈز بېرىدىكەن. يېقىندا تونۇشقان بىر تونۇشۇمنىڭ مەلۇم بىر كەچمىشى مىنى ئەشۇ مۇھەببەتنىڭ يەنە بىر تەرىپىنى ئېسىمگە سېلىپ قويدى. ھازىر بۇ تېمىنى كۆرۈپ، ئىلگىرىكى بىرقىسىم كەچمىشلىرىم خىيالىمدىن كېچىپ قالدى.......... شۇمۇ بىر دەۋر، شۇمۇ بىر ئىنسان ھاياتىنىڭ يارقىن نوقتىلىرىدىن بېرى..... مۇشۇ تېمىنى كۆرۈپ، ئۇزۇن يىللار ئىلگىرى كۈندىلىك خاتىرەمگە ئىلىپ قويغان مۇنۇ مىسرالار يادىمغا كېلىپ قالدى، بەلكىم بۇلار كۆپچىلىككە ئانچە ناتونۇش بولمىسا كېرەك:

ئاھ ! مۇھەببەت ئۇزىتاي سېنى،
كۆپ يىللار ئازابلاپ بەرمىدىڭ شادلىق.
سورىسام سېرىڭنى ئېيتمىدىڭ زىنھار،
كىملەرگە ئاچچىقسەن، كىملەرگە تاتلىق؟

WOLKANI

ئاپىرىن ! قەلىمىڭىزدىن نۇرلار چاقنىسۇن !

ناتىۋان

ياقتۇردۇم،ئىجادىيەتلىرىڭىزگە ئۇتۇق تىلەيمەن .