تۇرسۇنگۇل ئوسمان پىغانى :بەخىتسىز ئايال

پىغانى

بەختسىز ئايال

تۇرسۇنگۇل ئوسمان (پىغانى)

بىر ئىغىز ئۆي ئىككى بولمىدى،
ئىككىمىز توي قىلغاندىن بۇيان.
شۇڭا كۆڭلۈم بولدى بىر قىسما،
كۆز ئالدىمدا بىر سىرلىق تۇمان.

تاپقان پۇلۇڭ مۇئاشىڭنىمۇ،
قەيەرلەردە خەجلەيسەنكىن تاڭ.
باشقىلاردىن ئاڭلىسام يەنە،
ئويناركەنسەن ھەر كۈنى ماجاڭ.

يەنە تىخى قاۋاقلارغىمۇ،
پۇل بولسىلا كىرىپ تۇرۇپسەن.
يانچۇقۇڭدا سىنىت قالغۇچە،
راسا خەجلەپ كۆككە سورۇپسەن.

يەنە تېخى باشقا ئىشلارغا،
بىرىلىپسەن( بۇغۇ بىر گۇمان)
تىنىچ كۆلدەك سۈزۈك كۆڭلۈڭنى،
ئاھ ! باستىغۇ قاپقارا تۇمان.

نۇرلان

شېئىرىڭىزدىن سۆيۈندۈم، يەنىمۇ تىرىشىڭ.

نەۋرۇز

ياخشى يېىزىپسىز. ھېسياتنى تەبئى ئىپادىلەپسىز.

WOLKANI

ياخشى چىقىپتۇ ،مۇبارەك بولسۇن !

Ayshemgul

بۇ شېئىرىڭىزنى مەن بۇرۇن روھلاندا ئوقۇغان. ياخشى يېزىپسىز. ئىچىم ئېچىشتى يېزىلغان بەخىتسىز ئايالنى ئوقۇپ. بىراق... ئادەم ئۆزىنى مەن بەخىتسىز دەپ ئويلىسا پۈتۈن دۇنيا ئۆزىنىڭ بەخىتسىز ئىكەنلىكىنى ئىسپاتلاش ئۈچۈنلا مەۋجۇت بولىۋاتقاندەك ھېس قىلىدىكەن. بىراق بىز يوقاتقانلىرىمىز، ئېرىشەلمىگەنلىرىمىز بىلەن ھېساپلاشماي،  ئېرىشكەنلىرىمىزگە كۆزىمىزنى تىكسەك كۆپ كىشلەردىن بەخىتلىك ئىكەنلىكىمىزنى ھېس قىلىدىكەنمىز. ئاللاھىم بارلىق ئاجىزەلەرگە بەخىت ئاتا قىلسۇن، شۇ بەرگەن بەختىنى ھېس قىلدۇرسۇن، تەس كۈنلىرىدە سەبىر بەرسۇن. ئامىن!

نەۋرۇز

Ayshemgul يوللىغان ۋاقتى  2015-1-29 13:04
بۇ شېئىرىڭىزنى مەن بۇرۇن روھلاندا ئوقۇغان. ياخشى يېزىپ ...

ئادەم تەقدىر ھەققىدە ئالدىن خەۋەردار بولۇشقا قادىر بولسىدى بۇ دۇنيادا ئازاپ بولمىغان ، ياراتقۇچىمۇ ئۇ ئالەمگە جەننەت ۋە دەۋزەخنى بەرپا قىلمىغان بولاتتى. ھېكمەتكە تولغان بۇ دۇنيادا سەبىر بىلەن ياشىماق كېرەككى ئىرادىسىزلىككە قىلچىمۇ ئورۇن بەرمەسلىك كېرەك.

ئەزھەر36

شىئىرىڭىز بەكمۇ تەڭگىل ، ياخشى چىقىپتۇ ، تېخىمۇ تېرىشىڭ .