تۇرسۇنگۇل ئوسمان پىغانى : كۈتۈش

پىغانى · ۋاقتى: 2014-12-7 20:33:53

كۈتۈش

تۇرسۇنگۇل ئوسمان (پىغانى)

يوللۇرۇڭدا قالدىغۇ كۆزۈم،
كىلەلەمسەن بۈگۈن ئاخشام يار.
ۋىسال ئىزدەپ چاڭقىغان يۈرەك،
سىغىنىشنى قىلىشسۇن ئىزھار.

سەۋەپ ئىزدەپ يۈرمە كەلمەسكە،
تاقەتلىرىم يەتتى چىكىگە.
تىلفۇندىكى يىقىملىق ئۈنۈڭ،
پىراق سالدى قەلبىم قىتىگە.

ئاشىقلارغا يوقتۇر باھانە،
ئۆتۈنەي مەن سەن بىر كىلىپ كەت.
دىدارىڭنى بەكلا سىغىندىم،
چاڭقاق دىلنى قىلمىغىن سەن رەت.