[نىدا] [شېئىر] ياغقىن يامغۇر

nida

ياغقىن يامغۇر

(2014-يىلى نەۋرۇزنىڭ 25-كۈنىدىكى تۇنجى باھار يامغۇرىغا ئاتاپ يازغان شېئرىمكەن)

ياغقىن يامغۇر توختىماي بىردەم،
بىللە ئاقسۇن كۆزۈمنىڭ يېشى.
شۇنىڭ بىلەن تۈگىسە دەيمەن،
بۇ ھىجراننىڭ كۆڭۈلسىز چېغى.



ياغقىن يامغۇر توختىماي بىردەم،
پۇرار سەندىن يارىمنىڭ ھىدى.
دەرىزىدىن مۇڭلۇق قارايمەن،
ئەسكە چۈشۈپ سۆيگۈ ئۆتمۈشى.



ياغقىن يامغۇر توختىماي بىردەم،
ھەمراھ بولسۇن يۈزۈمدە شەبنەم.
يالتىرىغان كۈمۈش قەترىلەر،
بولالارمۇ دەردلەرگە مەلھەم؟

20140705_203440(1).jpg

جام

نېمە دېگەن مۇڭلۇق مىسرالار ھە، بۇ شېئىرنى ئوقۇپ، بۇنىڭدىن 20 يىللار بۇرۇن ئۈرۈمچىدىكى ئەشۇ كۆڭۈللۈك ئوقۇش ھاياتىمدا ئاڭلاپ زېرىكمەيدىغان، تالانتلىق ناخشىچى ئەكبەر قەھرىماننىڭ «يامغۇر» دېگەن ناخشىسى ئېسىمدىن كېچىپ قالدى.....

ئىدرسجان

ياخشى يىزلىغان شىئىر ئىكەن رەھمەت.ئ

گۈلمىرە2

ياغقىن يامغۇر توختىماي بىردەم،
بىللە ئاقسۇن كۆزۈمنىڭ يېشى.
شۇنىڭ بىلەن تۈگىسە دەيمەن،
بۇ ھىجراننىڭ كۆڭۈلسىز چېغى.



مۇشۇ كۇبلىتتىكى ئاخىرقى مىسرا قاپىيە قوغلىشىپ يېزىلىپ قالغاندەكلا بىلىندى . ھېسسىيات جەھەتتە ئورتاقلىشالمىغاندىمەن بەلكىم .
مەن مۇنداق ئۆزگەرتىپ باقتىم :

سېنىڭ بىلەن يۇيۇلسا دەيمەن ،
قەلبىمدىكى ھېجراننىڭ دېغى .

گۈلمىرە2

ياغقىن يامغۇر توختىماي بىردەم،
بىللە ئاقسۇن كۆزۈمنىڭ يېشى.
شۇنىڭ بىلەن تۈگىسە دەيمەن،
بۇ ھىجراننىڭ كۆڭۈلسىز چېغى.



مۇشۇ كۇبلىتتىكى ئاخىرقى مىسرا قاپىيە قوغلىشىپ يېزىلىپ قالغاندەكلا بىلىندى . ھېسسىيات جەھەتتە ئورتاقلىشالمىغاندىمەن بەلكىم .
مەن مۇنداق ئۆزگەرتىپ باقتىم :

يۇيۇلۇپلا تۈگىسە  دەيمەن ،
قەلبىمدىكى ھېجراننىڭ دېغى .

nida

يوللانماي تۇرۇۋالغان، بىردەمدىن كېيىن قارىسام ئىنكاس تەكرارلىنىپ كېتىپتۇ، تەھرىرلىۋەتتىم. ئاتامان ئۈندىدارنى تاشلىغاندىن كېيىن مۇنبەردىن ئەكس سادا قايتىدىغان بولۇۋالغان چېغى.

nida

گۈلمىرە2 يوللىغان ۋاقتى  2014-12-1 15:43
ياغقىن يامغۇر توختىماي بىردەم،
بىللە ئاقسۇن كۆزۈمنىڭ  ...

سىز دېگەندەك ئالساقمۇ بولىدىكەن، ئەگەر سىز دېگەندەك ئۆزگەرتسەك، ئۇنداقتا كوبلىتلارنىڭ ئورنىنى ئالماشتۇرساق بولىدىكەن. شۇندىلا مەنا پۈتۈن بولغۇدەك، رەھمەت سىزگە. مەن مۇنداق ئۆزگەرتىپ باقتىم.

ياغقىن يامغۇر توختىماي بىردەم،
پۇرار سەندىن يارىمنىڭ ھىدى.
دەرىزىدىن مۇڭلۇق قارايمەن،
ئەسكە چۈشۈپ سۆيگۈ ئۆتمۈشى.

ياغقىن يامغۇر توختىماي بىردەم،
ھەمراھ بولسۇن يۈزۈمدە شەبنەم.
يالتىرىغان كۈمۈش قەترىلەر،
بولالارمۇ دەردىمگە مەلھەم؟

ياغقىن يامغۇر توختىماي بىردەم،
بىللە ئاقسۇن كۆزۈمنىڭ يېشى.
شۇنىڭ بىلەن يۇيۇلسا دەيمەن،
قەلبىمدىكى ھىجراننىڭ دېغى.

نەۋرۇز

مۇھەببەتلىك قەلىب ئىگىللىرىنىڭ قەلىمىدىن تامغان سىياھ ئادەمگە مۇشۇنداق ھوزۇر بېرىدۇ. رەھمەت تولىمۇ ياخشى يېزىپسىز .

nida

نەۋرۇز يوللىغان ۋاقتى  2014-12-2 08:30
مۇھەببەتلىك قەلىب ئىگىللىرىنىڭ قەلىمىدىن تامغان سىيا ...

ماختىغىنىڭىزغا كۆپ رەھمەت، ياخشى يېزىشقا تىرىشىۋاتىمەن. ئەمما شۇ قوساقتىكى ئۇماچمۇ تايىنلىق بولغاندىن كېيىن، ھېسسىياتنى يەنىمۇ كۈچلۈك ئىپادىلەشكە تىل گادايلىق قىلىپ قالدى.

شاھدىل

مەنمۇ بۇرۇن بىر شېئىر يازغان ‹‹ياغ يامغۇرۇم ياققىن توختىماي ›› دەپ ئاساسى مەزمۇنىمىز ئوخشىشىپ قالىدىكەن !
ياخشى يىزىپسىز ! شۇ شېئىرىم يادىمغا كەپ قالدى .