[نىدا] [شېئىر] كەچمىگىن مەندىن

nida

كەچمىگىن مەندىن

ھەممىدىن كەچتىم ئەمما كەچمىدىم سەندىن،
شۇندىمۇ ھېچبىر خۇۋلۇق كۆرمىدىم سەندىن.
ئازابى ھىجرانىڭنىڭ ئۆتتىغۇ جاندىن،
تىلىكىم: يارىم ھەرگىز كەچمىگىن مەندىن.



سېنىڭسىز ئۆتتى كۈنلەر لاي سۇدەك ئېقىپ،
تەلمۈرۈپ يولغا قاراپ، كۈن-ئايغا بېقىپ.
تاپمىدىم ھېچبىر خەۋەر ھەريانغا چېپىپ،
كەتسەڭمۇ كەتكىن، كەچمىگىن مەندىن.



سايرىسا تاڭدا كاككۇك كېلىسەن ئەسكە،
تولغىنىپ قىلدەك كۆيۈپ، ئوخشىدىم خەسكە.
ئۇنتۇماق سېنى ھەجەپ چۈشتىغۇ تەسكە،
ئۇنتۇساڭ بوپتۇ، ھەرگىز كەچمىگىن مەندىن.

2014-يىلى 13-چىللە، ئۈرۈمچى

ADiL

ئۈچىنچى كۇبلىت ئىككىنچى مىسرادا بىر ئىملا خاتالىقى كۆرۈلۈپ قاپتۇ، ماڭا يانفۇندا تەھرىرلەشكە قولايسىز بولۇپ قالدى.

nida

ADiL يوللىغان ۋاقتى  2014-12-25 12:23
ئۈچىنچى كۇبلىت ئىككىنچى مىسرادا بىر ئىملا خاتالىقى كۆ ...

ئۆزەمچە ئىملاغا بەك دىققەت قىلىمەن دەپ ئويلايتتىم، ئۆزۈرلۈكمەن، ئەتىگەن قاتىلاڭچىلىقتا قارىمايلا يوللىۋېتىپتىمەن. تۈزىتىم قويدۇم.

ADiL

nida يوللىغان ۋاقتى  2014-12-25 16:15
ئۆزەمچە ئىملاغا بەك دىققەت قىلىمەن دەپ ئويلايتتىم، ئ ...

ياقەي، سىز ئىزچىل ئىملاغا ئەھمىيەت بېرەتتىڭىز، شۇڭا قارىسام ياخشى يېزىلغان شېئىردا بىر ئىملا خاتالىقى تۇرىدۇ، تەھرىرلەي دېسەم تېرمىنال تازا ياخشى ئشىلىمەي قويدى، شۇڭا ئىنكاس قالدۇرغان ئىدىم.

150015

ئالامەت ياخشى يىزىپسىز . مۇشۇنداق ياخشى ئەسەرلىرىڭىزنى داۋاملىق يوللاپ تۇراسىز .{:6_277:}

نەۋرۇز

تىلى بەك ئەركىن چىقىپتۇ، ئەمما يەنىلا شىئېر تىلنىڭ گۈزەل بولىشىغا ئەھمىيەت بېرىڭ

سىھىر

ئۇنتۇيالمىسىڭىز ئۇنتۇش ئۈچۈن تىرىشماڭ،،،،،ۋاقىت ئەڭ ئىسىل دورا،بۇندىن كىيىكى كۈنلىرىڭىزنى خوشال ،سالامەت ،مەنىلىك ئۆتكۈزۈشىڭىزگە تىلەكداشمەن،،،،،،قەلىمىڭىز تېخىمۇ بەرىكەتلەر تاپقاي

نۇرلان

شېئىرنىڭ 1-كۇبلىتىنى يەنە بىر پىششىقلىسىڭىز بولغۇدەك، قالغان ئىككى كۇبلىتى خېلىلا ياخشى چىقىپتۇ. يەنىمۇ تىرىشىڭ.

nida

نۇرلان، نەۋرۇز ئۇستازلار دېگەندەك، بۇ شېئىردا يەنىلا كەمتۈكلۈك بار، بۇ بەلكىم تىلغا گادايلىقىمنىڭ سەۋەبىدىن بولسا كېرەك. ئۇستازلارنىڭ كۆرسەتمە بەرگىنىگە رەھمەت.