[نىدا] [شېئىر] يار ۋەسلى

nida

ھەر قېتىم ئۆزبېك ناخشىچىسى ئازادبېك نەزەربېكوۋنىڭ مۇشۇ «باشتا ھاۋادۇر» دېگەن ناخشىسىنى ئاڭلىسام، غەلىتە بىر مۇڭغا چۆكۈپ قالاتتىم، ئۆتكەندە مۇشۇ ناخشىنى ئاڭلىغاچ، مۇشۇ ناخشىنىڭ غەزىلىگە تەقلىد قىلىپ بىر غەزەل يېزىپ باققان، ئەمما ئارۇز ۋەزىنلىك شېئىرلارنىڭ نەزەرىيىسىنى ياخشى ئۆگەنمىگەنلىكتىن، قورساقتا ئۇماچنىڭ تايىنى يوقلىقىدىن، بۇ غەزىلىم بەكلا چاندى، شۇنداقتىمۇ ئۇستازلارنى كۆرسەتمە بېرەر دېگەن نىيەتتە بۇ يەرگە يوللاپ تۇرۇپتىمەن.

يار ۋەسلى

چاچىيۇ، قاشىيۇ، دەردى باشىمگە بالادۇر،
كۆيمەيۇ دەيمەنۇ ئەمما يۈرەكىم گادادۇر.

ئۆرتىنىپ كۆيگەننى پىنھان تۇتماقنى ئىستىسەم،
يۇشۇرۇپ سۆزلىگەن يالغان سۆزلىرىم چانادۇر.

كۈنۇ-تۈن ئۇيقۇسىز يۈرسەم ئىشقىدا بىناۋا،
كۆزلىرىم بۇ سىرنى بارچە ئالەمگە يايادۇر.

يىل بولدى خەۋەر يوق كۈتۈپ چاچىمغا ئاق كىردى،
بۇ ھالىم كۆرسە كىم مەندىن يىراققا قاچادۇر.

ۋەسلىگە يەتمەككە باغلاپ بۇ بەلنى ئاتلانسام،
كۆرسىتىپ يولۇمنى گويا مەشئەلدەك يانادۇر.

بەئەينى ياپراقتەك تىترەر لەرزىدە جانۇ-تەن،
يىگانە شۇ جانان ۋەسلى رەنجىمگە داۋادۇر.

2014-يىلى 19-چىللە، ئۈرۈمچى

zulpikar0998

ياخشى يېزىلىپتۇ.