[نىدا] [شېئىر] سەن قارسەن

nida

بۈگۈن ئۈرۈمچىدە بۇ يىلقى 2-قېتىملىق قار ياغدى، قارغا قاراپ، ئۆتكەن يىل ئەتىكى كۈندە ياغقان قارغا ئاتاپ يازغان شېئىرىم ئېسىمگە كېلىپ، سىلەرنىڭ نەزىرىڭلارغا سۇنغۇم كېلىپ قالدى، پىكىر-تەكلىپ بەرگەيسىلەر.

سەن قارسەن

لەيلەپ چۈشكەن ئاپئاق چېچەكلەر،
قوزغىماقتا قەلبىمدە غەليان.
كونا ئوتلار يېلىنجاپ قايتا،
ياسىماقتا گوياكى گۈلخان.



ئاپئاق قاردەك گۈلگۈن سىمايىڭ،
يۇشۇرۇنغان قەلبىمگە جانان.
ھىجران قار بوپ كۆمگەنتى سېنى،
ئەسلەپ كەلگەن ئۇزۇندىن بۇيان.



ئىزتىراپقا چۆكىدۇ يۈرەك،
سېنى ئىزدەپ چاپىدۇ ھەريان.
تىپىرلايدۇ تاپالماي سېنى
يارىلانغان قۇشتەك —يېرىم جان.

2013-يىلى 10-ئوغلاق

alxir

ياخشى لىرىكىدىن بىرنى ئوقۇۋالدىم مانا

ئىدرسجان

ياخشى يىزىپسىز يارايسىز.

ئەزھەر36

ياخشى يېزىپسىز ، ئىجادىيىتىڭىزگە بەرىكەتلەر تىلەيمەن .

نۇرلان

يەنىمۇ تىرىشىڭ.

سىھىر

ھەقىقەتەن ياخشى چىقىپتۇ،مەن بەكمۇ ياقتۇردۇم

نەۋرۇز

تەبىئەت ھادىسلىرىنىڭ قەلەمدە ئەكىس ئېتىشىنى بىر ماھارەت دىسەكمۇ بولامدىكىن دەيمەن. ياخشى يېزىپسىز.