[نىدا] [نەسىر] يانفونۇممۇ سايرىماس بولدى....

nida

( h2 u5 x1 G7 n  W, B  S

«يانفونۇممۇ سايرىماس بولدى، مەن يادىڭدىن چىققان ئوخشايمەن»

' @9 C; k6 e; X2 b) \" iيانفون، ئەسلىدە بىزنىڭ ئالاقىمىزگە قۇلايلىق يارىتىدىغان قورال، ئەمدىلىكتە، ئەكسىچە، بىزگە توسقۇنلۇق قىلماقتا. ھەر قېتىم يانفونۇمنى قولۇمغا ئالغىنىمدا ساڭا نومۇر بېسشتىن قورقىدىغان بولۇپ قالدىم، توۋا!
; C1 A7 ?; Y" E' `$ v. Mيانفونۇمدىن نومۇرۇڭنى ئۆچۈرۈپلا قۇتۇلۇشاي دەيمەن، ئەمما، مېڭەمگە يېزىلغىنىنى قانداق ئۆچۈرۈشنى بىلەلمەيۋاتىمەن، يۈرىكىمگە يېزىلغىنىغا تېخىمۇ ئامال يوق! قانداق قەلەمدە يېزىپ قويغانتىڭكىن-تاڭ؟! ھەجەپ ئۆچمەيدىكەن! ئۆچۈرگەنسېرى قېنىقلىشىۋېلىۋاتىدۇ!
' x3 f4 Y7 t' \& a, }$ @" o7 S6 Fقاچانكى ئۆز مەۋجۇتلۇقۇمنى يوقاتسام، شۇ كۈن سېنى ئۇنتۇغان كۈنۈمدۇر! شۇ سەۋەبتىن سېنى يۈرۈكۈمنىڭ ئەڭ چوڭقۇر قاتلاملىرىغا يۇشۇرۇپ، پىنھان ساقلاشنى نىيەت قىلدىم. بۇندىن ئېتىبارەن ھەم ئىچىمنى تىڭشاپ يۈرۈشنى توغرا تاپتىم. بىلىۋال، بۇلار سېنى سۆيمىگەنلىكىمدىن ئەمەس، بەلكى سېنىڭمۇ مەندەك ئۇنىتالماي قىينالغىنىڭدىن كۆرە ئۇنتۇپلا قۇتۇلۇشقىنىڭنى ئۆزۈمگە راۋا كۆرگىنىمدىندۇر! شۇنىسى ئايانكى، بۈگۈنكى ھىجران بىزگە ئەمدى ئەتىكى ۋىسالدىن دېرەك بەرمەيدۇ.
$ x- X- v6 _+ u: _' R, k/ sبۇندىن كېيىن، بەلكىم، قوشۇمىلىرىم تۈرۈلۈپ، كەمسۆزلىشىپ كېتەرمەن. چۈنكى خۇشاللىقىمنى كۆرسىتىدىغانغا يېنىمدا سەن يوق! ئازاپلىرىمغا شېرىك بولىدىغانغا يېنىمدا ھەم سەن يوق! يىقىلسام يۆلەيدىغانغا يېنىمدا ھەم سەن يوق!
كېچىلىرى يانفونۇمنى ئۆچۈرۈپ يېتىشتىنمۇ قورقىدىغان بولۇپ قالدىم، تەسادىپىي سەندىن ئۇچۇر ياكى تېلېفون كېلىپ قالسا بىلەلمەي قالماي دەيمەن، ئەمما ئۇزۇن بولدى، يانفونۇممۇ سايرىماس بولدى، بەلكىم، مەن يادىڭدىن چىققان ئوخشايمەن. بۇمۇ بىر ھېسابتا ياخشى بولغىنى، ئىككى جاننىڭ قىينالغىنىدىن بىر جاننىڭ قىينالغىنى ياخشىراق! سېنى ۋاپاسىزلىقتا ئەيىبلەشكە ھەددىم ئەمەس! چۈنكى سېنىڭ «ئەڭ يېقىن ناتونۇش» بىرسىگە تېلېفون قىلىش مەجبۇرىيىتىڭ يوق!
; g" F2 _- D. U- f' ^3 Lباشكۈزنىڭ سارغايغان ياپراقلىرىدەك ساپسېرىق يۈزلىرىمگە، نۇرى قېچىپ ئولتۇرۇشۇپ، چۆرىسى قارىداپ مۈشۈك ئېيىقنىڭكىگە ئوخشاپ قالغان كۆزلىرىمگە، نەچچە كۈندىن بېرى تىغ سېلىنمىغان ئۆسكىلەڭ ساقال-بۇرۇتلىرىمغا قاراپ ئۆزۈمنى ئۆزۈممۇ تونۇيالماي قالغىلىۋاتىمەن. ئۆزۈمنى ئۆزۈم ئۇنتۇپ قېلىۋاتقان يەردە سېنىڭ مېنى ئۇنتۇپ قېلىشىڭ ئەجەبلىنەرلىك ئەمەس!
! r. m) T9 p' S% T# _/ cقىسقىسى، كاۋاپداننىڭ كۈلىنى چۇقچىلاپ ئوتىنى يېلىنجاتقاندەك، قەلبىڭدىكى ئاران بېسىققان كونا ئوتلارنى يەنە ياندۇرغۇم يوق، كونا يارىلىرىڭنى تاتىلاپ قايتا قاناتقۇم تېخىمۇ يوق، ئۆزەمنىڭكىنىمۇ ھەم شۇنداق. بۇندىن كېيىن سەن بولمىساڭمۇ، تاغ چوققىسىدىكى يالغۇز قارىغايدەك بوران-چاپقۇنلارغا بەرداشلىق بېرىپ، داۋاملىق ياشاۋېرىمەن، چۈنكى يىلتىزىمدا ــ قەلبىمنىڭ چوڭقۇر قاتلاملىرىغا سەن مەڭگۈلۈك كۆمۈكلۈك! سەن ئۈچۈن بەختىڭنى تىلەپ سەندىن يىراق ياشاۋېرىمەن، ئۇنتۇلغان بۇلۇڭلاردا توپا-چاڭلارغا كۆمۈلۈپ قالساممۇ، بۇنىڭدىن ۋايساشنى ئەمدى نومۇس بىلىپ، جىمجىتقىنە سۈكۈتنى ئۆزۈمگە ھەمراھ قىلىۋېرىمەن. بىلگىنكى، يادىڭدىن چىققىنىمغا ئۆكۈنۈشىڭنى ھەرگىز خالىمايمەن، مەن ئۈچۈن ياش تۆكۈشۈڭنى كۆرۈش مېنىڭ مەھشەر كۈنۈمدۇر!
, W! g* Q* U/ c3 b  b3 I- @$ B
1 c/ Q; j2 h5 r/ R
( Y- G5 Z! h( T' u5 _! U0 G7 O1 K0 Kبۇ ئالدىنقى قېتىمقى تېمام «سەن ناتۇنۇش ماڭا، مەنمۇ ھەم ساڭا»نىڭ داۋامى بولۇپ، بۇ بىر يۈرۈش نەسىرلەر جەمئىي بەش پارچە.

alijan110

ھەقىقەتەن ياخشى يېزىلىپتۇ تېخىمۇ تىرىشقايسىز

بىزلەر

نىداكا ياشلىق قىلماڭ ، ئەتىلا ئايالىڭىزدىن كەچۈرۈم سوراپ ئىسمىڭىزنى «نىدا»دىن «توۋا»غا ئۆزگەرتىۋالىسىز

nida

بىزلەر يوللىغان ۋاقتى  2014-10-8 16:27
نىداكا ياشلىق قىلماڭ ، ئەتىلا ئايالىڭىزدىن كەچۈرۈم سو ...

تاياقنى تولا يەپ قويغان ئىسىم ئۇ نىدا دەپ…

ئىدرسجان

يانفۇنۇممۇ سايرىماس بولدى  بۇ مىنىڭ مۇزكىلىق قوڭغىرقىم شۇغۇ قاچانلاردا تىلفۇنۇمدىن ئاڭلىۋاپسىز دە

ئىدرسجان

مەن بۇ مۇزىكىلىق قوڭغىراقنى قويۋالغىلى  3 يىلدىن ئىشىپ كەتتى ئۆز ۋاقتىدا قويۇپ بەرگەندە 6 ئايدىن كىيىن قايتا قويمىسىڭىز ئۆچۇپ كىتىدۇ دىگەن ئەمما ھازرغا كەلگۇچە ئۆچۇپ كەتمىدى.

غورور

ئىدرسجان يوللىغان ۋاقتى  2014-10-9 09:56
مەن بۇ مۇزىكىلىق قوڭغىراقنى قويۋالغىلى  3 يىلدىن ئىشىپ  ...

  نەسىرنى  ياخشى  يىزىپسىز . ھەقىقەتەن  جەلىپ قىلارلىق ئىكەن .