قۇۋان تازنىڭ ھېكايىسى (1)

alxir

شەھەرگە كەلگەن قۇۋان تاز

/ p" K+ v. z+ f1 @3 G2 Sئىسمىم قۇربان، لەقىمىم تاز، باشقىلار قۇۋان تاز دەيدۇ. بۇنى كۆرۈپ باش-كۆزىدىن توپا يېغىپ تۇرغان، شاپاق دوپپىسىنى كىر باسقان، ھارغىن «باقى» يادىڭلارغا كەلگەندۇ. مەن دەل ئەكسىچە، كىيىملىرىم پاكىزە، رەتلىك، چاچلىرىمنى چىرايلىق تاراپ يۈرىدىغان ئالىي مەكتەپ ئوقۇغۇچىسىمەن.
لەقەم دېگەنمۇ ئاجايىپ نەرسە، خۇددى بەزى مەھسۇلاتلارنى ماركىسىغا قاراپ پەرق قىلغاندەك ماۋۇ لەقىمىمىز بولمىسا تاس قالىمىز بىر مەھەلىلىك كىشىلەرنى تونۇمىغىلى. «لەقەمنى خىزىر قويىدۇ» دەپ قويىدىكەن. ماڭا قايسى خىزىر قويدىكىن، بېشىمدىكى بەش موچەنلىك تەڭگىچىلىك چاچ چىقمىغان يەرگە قاراپلا «تاز» دەپ قويۇپتىكەن.
" J+ M8 }9 F. r2 nباشلانغۇچنى تۈگەتكۈچە كۈندە دېگۈدەك لەقەم ماجىراسى ئوينايتىم. تەڭتۇش ياكى كىچىكرەك بىرى «تاز» دەپ قويدىمۇ بولدى، ھېلىقى، چىن جىن «شەرقىي ئاسىيا كېسەل كۆرپىسى» دېگەن گەپنى ئاڭلىسا قېنى قىزىغاندەك سەكرەپلا مەيدانغا چۈشەتتىم. ئۇ زامانلاردا ھىندىستاننىڭ «ئوت يۈرەك» ، شىياڭگاڭنىڭ «خۇاڭ فېي خۇڭ» دېگەن فىلىملىرى بەك تەسىر قىلىپ كەتكەچكىمىكىن، ئۇرۇش دېسە داستىخان يۆگەپ باراتتۇق. بىرگە-بىر چۈشۈپ بىرەرسىمىز قايىل بولغۇچە مۇشتلىشىپ، كېيىن ئاداش بولۇپ قالاتتۇق. چوڭراقى «تاز» دېسە ئۆزۈمنىڭ جېنى ئۆزۈمگە ئايان بولغاچ، يىراق يەرگە بېرىۋېلىپ ئاغزىمنىڭ سىرتمىسىنى ئېچىۋىتەتتىم. قوغلاپ قالسا توشقان قوغلاشقا يارىمايدىغان پۇتلىرىم جېنىمنى ئېلىپ قېچىشقا ئوبدانلا يارايتى. تولۇقسىزدىن باشلاپ ھەممىمىزگە بىردىن لەقەم ئەنگە ئالدۇرۇلغان بولغاچقا ھەم ئاز-تولا ئەقىل كىرگەچ بۇنداق ئىشلارمۇ تۈگىدى.
نېمىلەرنى دەپ كەتتىم، شەھەرگە كەلگەن ئىشلارنى دەپ بېرىمەن دەپ كىچىك چاغلاردىكى ئىشلارنى سۆزلەپ كېتىپتىمەن. نېمىلا بولمىسۇن ھاۋادانلىق ئىشتان كىيگەندىن باشلاپ بۇرۇت چىققۇچە بولغان چاغلار شۇنداق مەنىلىك ئۆتۈپتىكەن.
مەھەللىدىكى قىزلار ئۇدۇل كەپ قالسا يەرگە قاراپ ئۆتۈپ كەتكۈدەك بولغان چېغىمدا ئۈرۈمچىدىن خەت كەپ قالدى. ئۆيدىكىلەرنىڭ تاپقان-تەرگىنىنى يېتىپ يەيدىغان جاي – ئالىي مەكتەپكە قوبۇل قىلىنغان ئىدىم. ئەمدى كىنولاردىكىدەك ئۆيدىكىلەرگە ئېسىلىپ يىغلاپ، يۈك-تاقلىرىمنى ئېشەك ھارۋىسىغا بېسىپ تەسىرلىك ئايرىلالمىساممۇ، جامائەت بامداتتىن يانغاندا چامدىنىمنى ئۆيىمىزدىكى ئەڭ زامانىۋى قاتناش قورالى – ئۈچ چاقلىق موتوغا بېسىپ، ئاكامنىڭ شوپۇرلىقىدا ئۆيدىن ئايرىلدىم.
" n: E! |" s# @, c8 D: f% bمانا، تەرەققىي قىلدى، ئۆزگەردى دەپ ئۈرۈمچىنى دېسە بولغۇدەك. بىر يىل بۇرۇن كۆرگەن ئۈرۈمچى بىلەن ھازىرقى ئۈرۈمچى خېلىلا پەرقلىنىپ قاپتۇ. مەكتەپكە كېلىپ بىرەر ئايغىچە ئورۇنلىشىش، ھەربىي مەشىق دەپ ھېچ سىرتلارغا چىقىشقا پۇرسەت بولمىدى. ئەمدى بىكار بولۇپ بىر ئارام كۈنى ياتاقتىكى تۆتەيلەن بۇ شەھەرنى چۆرگىلەپ كېلەيلى دەپ يولغا چىقتۇق. گەپ ئارىلىقىدا بۇلتۇر ئۈرۈمچىگە كەلگىنىمنى ئاڭلاپ، بالىلار سىلەر يول باشلاڭلار دەپ تۇرۇۋالدى. باشلىسام باشلاي دەپ ئۇلارنى كەينىمگە سېلىپ بېكەتكە كېلىپ تۇرۇشۇمغا بىر ماشىنا كېلىپ قالدى. تاختىغا قاراپ يۈرگىچە دەپ شوپۇردىن :«ئۇستام، ماشىنا نەگە بارىدۇ» دەپ سورىسام، «كېيىنكى بېكەتكە» دېمەسما، ئارقامدىكى بالىلار تاس قالدى كۈلۈپ يېتىپ قالغىلى. تەڭقىسلىقتا تۇرسام «نەگە بارىسىلەر» دەيدۇ، «دۆڭكۆۋرۈككە» دېسەم ، «ھە بارىمىز چىقىڭلار» دېدى. چىقىشنىغۇ چىقتۇق، لېكىن بالىلار شوپۇرنىڭ چاقچىقىنى خېلى ۋاقىتقىچە ئەسلىتىپ تۇردى.
چوڭ بازارغا كەلسەك ئادەم مىغ-مىغ. ئاق، قارا، سېرىق تەنلىك، يەنە مەن بىلمەيدىغان تەنلىكلەر قەدەمدە بىر ئۇچرىدى. كەمسىتكىنىم ئەمەس، بۇ يىل كۆرگەن قارا تەنلىكلەر بۇلتۇرقىدىن قارىدەك كۆرۈندى. تېلېۋىزوردا خېلى ئاق تۇراتتى، بولۇپمۇ ئاق كىيىم كىيىۋالغان قارا تەنلىكلەر ئاجايىپ سېلىشتۇرما. كىم بىلىدۇ ئاشۇ قاپقارا كىشىلەرنىڭ كۆڭلى سۈتتىنمۇ ئاقتۇ.
ھېلىقى شىنجاڭنىڭ تەشۋىقات فىلىملىرىدە تولا چىقىدىغان چوڭ بازاردىكى مۇنار يېنىغا كەلدۇق. ئاشۇ مۇناردىن باشقا بىر قانچە تۈۋرۈك بولىدىغان، بۇلتۇر كەلسەم «مەلىكە خۇەنجۇ» فىلىمىدىكى ئىپارخان يۈز مېيى تۇتۇپ، ئاشۇ تۈۋرۈككە چىقىۋاپتىكەن. بىر يىللىق تەرەققىياتقا ماسلاشتىمىكىن، ئەمدى يېرىم-يالىڭاچ كىيىنگەن بىر ئىپارخان ئالمىشىپتۇ. مۇشۇ بويىچە ماڭسا كېلەر يىلى كەيگۈدەك كىيىمىمۇ قالمايدىغان چېغى.
1 B" y) n5 x' Yقايسى تىرىشچاننىڭ خىيالىغا كەلدىكىن، يېقىنراق ئەتراپتا كىتابخانا بولسا كىرىپ چىقساق دەپ قالدى. يېڭى كەلگەن چاغلار ئەمەسمۇ، تورخانا ئىزدىمەي كىتابخانا ئىزدەيتۇق. شۇنداق ئويلىسام دۆڭكۆۋرۈك مەسچىت ئالدىدا كىچىك بىر كىتابخانا بارلىقى ئېسىمدە. بارساق كىتابخانا دېگەندىن ئەسەرمۇ يوق. بالىلارنىڭ ئالدىدا يالغانچى بولۇپ، ئىچىم تىتىلداپ ئۇياق-بۇياققا مېڭىپ قارىسام، بىر چاغدا پارقىراپ تۇرغان كىيىم-كېچەك دۇكىنىنىڭ ۋىۋىسكىسىنىڭ يېنىدا تېخى تولۇق ئېلىۋىتىلمىگەن كىتابخانا ۋىۋىسكىسىنىڭ بىر پارچىسى كۆرۈندى. يالغانچىلىقتىنغۇ ئاقلىنىپ قالدىم، لېكىن كۆڭلۈم بىر قىسما بولۇپ قالدى.
0 t' C3 N/ @5 U1 j) s( x/ lچوڭ بازارنى چۆرگىلەپ كېلىپ ئەتىسى كەچ ياتاقتا توڭگۇز-تورپاق ئويناۋاتاتتۇق. ھېلىقى ھەممە ناخشىسىغا «ئابلاجان» دەپ ئىسمىنى قوشۇپ ئوقۇيدىغان ناخشىچىنىڭ «ئەسكى» دېگەن ناخشىسى مودا بولغان، ساقلىغۇچ كارتا تىقىپ قويسا ناخشىنى تېپىپ قويۇپ بېرىدىغان ياڭراتقۇلار ھەر ياتاقتا بىردىن بولۇۋاتقان چاغلار ئىدى. بىرى ياڭراتقۇنىڭ ئاۋازىنى يۇقىرى-تۆۋەن قىلىپ سورۇنغا ماسلىشىپ، قالغان ئۈچەيلەن ئالا-تاغىل توۋلاپ ئېگىز-پەس سەكرەپ تازا يەر چىڭداۋاتساق ئىشىك چېكىلدى. بېرىپ ئاچسام ناتونۇش بىرى. «بىرسىنى ئىزدەمتىڭىز» دېيىشىمگە «سېنى ئىزدەيمە» دەپلا ياتاققا ئۈسسۈپ كىردى.
4 ]" x0 V/ n9 A- ئۆچۈرە ئاۋۇ كاركىرىماچنىڭ زۇۋانىنى!
بىر بۇيرۇق بىلەن ياتاق جىمىپ، بىز «جاۋابكار» ئۇ «سوتچى» بولۇپ قالدى.
# x8 i6 `/ i/ @# D2 u6 b6 @- بۈگۈن قايسىڭنىڭ تۇغۇلغان كۈنى؟
# j7 j* R, o, h6 n1 v0 h. eقارىسام مەن ئەڭ ئالدىدا، ئىشىكنى مەن ئاچقاندىكىن ئۆزۈم گەپ قىلاي دەپ: - ھېچقايسىمىزنىڭ.
- يا بىرىڭگە ئۆيۈڭدىن يەشىك سالدىمۇ؟
! G0 O7 [) K9 Y7 Z7 }: f4 }- ياق.
- بىرەرسىڭنىڭ تويى بولدىما؟
$ T# L8 L6 n% Y8 z- ياق.
4 k/ e* J1 `" r' q1 }- ئەمىسە نېمە بىرنى كاكىلاپ قويۇپ ئالەمنى بېشىغا كەيگەن مېكياندەك ئادەمنىڭ بېشىنى ئاغرىتىشىسە؟
) w5 J. F0 A$ f. v6 mماۋۇ گۇي گەپ قىلىشنى بىزنىڭ مەھەلىدىكى ھاشارچىلاردىن ئۆگەنگەن بولغىيمىتى دەپ ئويلاپ تۇرۇشۇمغا يەنە ئۈچ-تۆت بالا كىرىپ قالدى.
4 W* Y7 L4 r6 G- ]1 Q- مۇشۇ قوتانمىكەن؟
# f6 V, V5 E" t- O( {) e4 y0 k2 A- ھەئە.
سوتچىلار بىر-بىرىنىڭ گېپىنى تەستىقلىۋەتكەندىن كېيىن بىزنى بىر-بىرلەپ كۆزدىن كەچۈردى. مۇشۇ ئارىلىقتا نېمە ئىشلارنى ئويلاپ كەتكىنىمنى دېمەيسىلەر. تولۇق ئوتتۇرىدىكى چاغدا بىر ئوقۇتقۇچىمىز چاقچاق ئارىلاش «ئالىي مەكتەپكە يېڭى بارغاندا دىققەت قىلىڭلار. بىزلەر بارغاندا يېڭى كەلگەنلەرنى ياساپ قويىدىغان، رەتلەپ قويىدىغان ئىشلار بار ئىدى. ھازىر بارمۇ-يوق بىلمەيمەن. سىلەرمۇ چوڭچىلىق قىلىپ ياسىلىپ، رەتلىنىپ كەتمەڭلار» دېگەن ئىدى. ئەمدى نەچچە ۋاقىتتىن بۇيان ۋاقتى چىقمىغان بولسا بۈگۈن بىراقلا جايلامۇ يا؟ ياساپ قويارمۇ رەتلەپ قويارمۇ دەپ ئىشتان يۇيۇشقا تەييار بولۇپ تۇرغانتىم.
- سەنمۇ مۇشۇ ياتاقتىما؟
بېشىمنى كۆتۈرۈپ قارىسام سوتچىلاردىن بىرى بايا ياڭراتقۇ تۇتقان تەڭشەكچى ياتاقدىشىمىزغا قاراپ تۇرۇپتۇ. بىر ئېغىز «ھەئە» دىن كېيىن سەل خاتىرجەم بولدۇم. سوتچىلار ئۆز-ئارا قارىشىۋەتكەندىن كېيىن «ئەمىسە ئۆزۈڭلار بىر نېمە دەڭلا» دەپ قويۇپ چىقىپ كەتتى. شۇ كۈنى كەچ تەڭشەكچى ياتاقدىشىمىزنىڭ ئاكىسى (ئۇ چاغلاردا بىزدىن بۇرۇن كەلگەن بالىلارنى يېقىنلىشىپ بولغۇچە ئاكا-ئاچا دەيتۇق) بىر مەيدان «يېڭى كەلدىئاخۇنلار بىلىشكە تېگىشلىك ئىشلار دېگەن تېمىدا ھەقسىز لىكسىيە سۆزلەپ بەردى. ھايات دېگەن ئاجايىپ دېسە. ھېلىقى «سېنى ئىزدەيمە» دەپ ئۈسسۈپ كىرگەن، ھاشارچىدىن گەپ ئۆگەنگەن بالا كېيىنچە راستىنلا مېنى تولا ئىزدەيدىغان بولۇپ قالدى. بىللە توپ ئويناپ بەك يېقىن بولۇپ كەتتۇق. بەزىدە جىلە قىلىپ قويسام «ھەي، سەن تازنى بۇرۇنلا بىر ياساپ قويىدىغان ئىشكەنتۇق» دەپ قوياتتى. مەنمۇ ياندۇرۇپ «پو ئاتما ھوي، يالغۇز كىرىپتىكەنسەن، كەينىڭدىن باشقىلار كىرمىگەن بولسا پايپاق يۇغىلى سالاتتىم» دەپ قوياتتىم.
& L( o/ H% t# g! U( H" o2 }مانا شۇنداق قىلىپ ئۈرۈمچىنىڭ بىر يىل ئىچىدىكى ئۆزگىرىشلىرىنى تېخى تولۇق كۆرمەي تۇرۇپلا يۇرتدىشىم، كەسىپدىشىم، ساۋاقدىشىم پەرىدىكى ئۆزگىرىشلەر ئەقلىمنى ھەيران، كاللامنى سىڭايان قىلىپ قويدى.

ئۆز قەلىمىم

alxir

ئىككىنچى قىسمى
/forum.php?mod=viewthread&tid=36224

Ayshemgul

ماشائاللاھ! قەلىمىڭىز يەنىمۇ ئۆتكۈر بولسۇن، يەنىمۇ بەرىكەتلىك بولسۇن. ئامىن! داۋامىنى كۆپ تەقەززا قىلۋەتمەي يوللارسىز.

شىپا

بۇ  بەك ياخشى ھىكايىكەن  ياخشى يېزىپسىز

ئوغلان

خېلى قىزىق ھېكايىكەن بۇ ،ئاخىرى بادۇ

Ayshemgul

كۆرۈلۈش قېتىم سانى 9576قېتىم بوپتۇ. دەھشەت! شۇنىڭ ئۈچۈن بولسىمۇ داۋامىنى  ئۈزۈپ قويماي ، بەك كېچىكتۈرمەي يازغايسىز.