[نىدا] [شېئىر] ئوغرى تىكەن

nida

ئوغرى تىكەن

ئايا ساقى قۇيغىنا بىر جامىڭنى لىق-لىق تولدۇرۇپ،
مەينىڭ كەيپى كەتسۇن جېمى غەملىرىمنى ئۇنتۇلدۇرۇپ،
تەسكىن تاپسۇن لەختە دىلىم بولسىمۇ گەر بىردەمگىنە،
دىلخانەمنى غايىبانە خۇشال ھېسقا چۆمۈلدۈرۈپ…

گۈلنى قىساي دەپ چېكەمگە سەيلە قىلىپ باغۇ-چىمەن،
ۋاھ دەرىخا، ئۈزگىنىم زەپ چىقىپ قالدى ئوغرى تىكەن.
قىسمىتىمدىن يىغلاپ باراي كىملەرگىمۇ ھالىم ئەيتىپ،
ئامالىم يوق، پېشانەمگە تەقدىر ئەنە شۇنداق پۈتكەن.

تەنگە ئەمەس يۈرەكىمگە سانچىلۇركەن نەشتەر كەبى،
ئاز كەلگەندەك كېچە-كۈندۈز ئارام بەرمەي قىينار تېخى.
ئويۇنمىدۇ قىيناش مېنى، ۋەياكى بىر كۆڭۈل خۇشى،
غەمناك بولۇپ مەن يىغلىسام خۇشھال بولۇپ كۈلەر چېغى.

2014-يىل 2-ئوغۇز، ئۈرۈمچى

zulpikar0998

شۇنداق ياخشى يېزىپسىز.

ئىدرسجان

سەل دىققەت قىلىپ قىلاتتۇق ئەمەسمۇ ئاپلا ،ئۇزۇپ بوپ يا تاشلىۋەتكىلى بولمىسا

nida

ئىدرسجان يوللىغان ۋاقتى  2014-10-3 10:24
سەل دىققەت قىلىپ قىلاتتۇق ئەمەسمۇ ئاپلا ،ئۇزۇپ بوپ يا  ...

ساقچىلار كىيىۋالىدىغان كېسىشتىن ساقلىنىش پەلىيى(防割手套) كىيىپ ئۈزىدىغان ئىشمىكى بۇندىن كېيىن