[نىدا] [شېئىر] كەلدى

nida

يېشىم قىرىققا ئۇلاشتى ـــ ھاياتىمنىڭ كۈزى كەلدى،
بىللە يولغا چىققانلارنىڭ كۆپى قالدى، ئېزى كەلدى،
بىلەلمىدىم تاپقانلاردىن قانچە ئۆردەك-غېزى كەلدى،
كۆزۈم ھېچ تويماستا دۇنياغا ئۆلۈمنىڭ سازى كەلدى.

ئۆمرۈم ئۆتۈپ بەڭباشلىقتا بىلمەپتىمەن ھەقىقەتنى،
چېپىپ چەللە-باراڭلىقتا مىنىپتىمەن توسۇن ئاتنى،
كەيپۇ-ساپا گاراڭلىقتا سەزمەپتىمەن دوستۇ-ياتنى،
قىلغان گۇناھلارغا چىن تەۋبە قىلماقنىڭ گېزى كەلدى.

ئەي ئاللاھىم رەھمە قىلغىن گۇناھىم كۆپ تەۋبە قىلاي،
گۇمراھلىققا قايتا قەدەم باسماسلىققا ئەھدە قىلاي،
پۇرسەت بەرگىن جەننەت ئۈچۈن ساڭا كۆپلەپ سەجدە قىلاي،
مەغپىرەت قىل، يىغلاپ تۇرۇپ ئادىلىڭنىڭ ئۆزى كەلدى.

2014-يىل 1-ئوغۇز، ئۈرۈمچى

ADiL

شېئىرغا ئىسمىڭىزنى كىرگۈزۈپلا يېزىۋېتىپسىزغۇ بې قېتىم .
بۇ شېئىرنى مېنىڭ قىلىۋالساممۇ چانمىغۇدەك ئىسىمداش بولغاندىكىن.

ئىدرسجان

راس بەك ياخشى يىزلىپتۇ ئادەملەرگە بىر قىسىم ئىشلارنى ئەسلىتىپ قويدىكەن.

ئەزھەر36

ياخشى يېزىپسىز ، تەسەۋۋۇرغا خىلى باي ئىكەنسىز .

بارى

بەك ياخشى چىقىپتۇ ئەجرىڭىزگە كۆپ تەشەككۈر

nida

ADiL يوللىغان ۋاقتى  2014-10-1 19:21
شېئىرغا ئىسمىڭىزنى كىرگۈزۈپلا يېزىۋېتىپسىزغۇ بې قېتى ...

سىزدىن ئايلانسۇن شېئىر دېگەن

nida

ADiL يوللىغان ۋاقتى  2014-10-1 19:21
شېئىرغا ئىسمىڭىزنى كىرگۈزۈپلا يېزىۋېتىپسىزغۇ بې قېتى ...

ۋاي راست، مۇنبەردە سوزۇش بەلگىسىنى(ئەلكاتىپتا Shift بىلەن T نى بېسىپ چىقىرىدىغان بەلگە) قانداق چىقىرىدۇ؟ چەللە دېگەن خەتكە قاراڭە.

zulpikar0998

ياخشى يېزىپسىز قولىڭىزگە دەرت بەرمىگەي

alxir

نىدا ئەپەندىم، ماۋۇ شېئىرغۇ ئوبدان يېزىلىپتۇ، ئەمما تۈزگەن يۇمشاق دېتاللىرىڭىز ئازلاپ قالدى دېسە