[نىدا] [شېئىر] گۈلبەدەن

nida

گۈلبەدەن

گۈلبەدەن، ئەي گۈلبەدەن، گۈلدەك بەدەن،
جان ئالار چار يىلاندەك چىڭ يۆگىشىپ.
لال قىلۇر ناز-كەرەشمەڭ ئەقلى-ھۇشۇم،
شۇ ھامان تەسلىم بولۇر جان تۈگىشىپ.



مات بولۇر تەڭلىشەلمەي ھەشقىپىچەك،
قىزىلگۈل باشىن ئېگەر ئاچماي چېچەك.
ئەتىرگۈل سولىشادۇر چاچماي پۇراق،
بولمىغاچ خۇشبۇي پۇراق گۈلبەدەندەك.



تۇلۇنئاي ئاسماندا ھەم غەمناك بولۇر،
ھۆسنىڭدىن كۈنمۇ خېجىل ـــ مۈكمەك بولۇر.
رەڭ ئالغان كۆزلىرىڭدىن دېڭىز-ئوكيان،
ئىستىكىم بېلىق كەبى ئۈزمەك ئېرۇر.



كىرپىكىڭ ئوقيا بولۇپ چەنلەر يۈرەك،
چاچلىرىڭ باغلار مېنى ئارقان بولۇپ.
كۈنۇ-تۈن ۋەسلىڭ ئىزدەپ مەن سەرگەردان،
ئۆزۈڭ چىق تاڭدىكى چولپان بولۇپ.
2014.9.16  ، ئۈرۈمچى

---

ئاخشام شىرئەلى جۇرايېۋنىڭ شۇ ناملىق ناخشىسىنى تىڭشاۋېتىپ يېزىپ باقتىم، ئانچە ياخشى چىقمىدى، ئۇستازلار يول كۆرسىتەرسىلەر.

بارى

شۇنداق ياخشى چىقىپتۇ

نۇرلان

ياخشى يېزىپسىز، يەنىمۇ تىرىشىڭ.

لوپجان

ياخشىكەن تىرىشىڭ

HIRISTAL

ئىجادىيىتىڭزگە ئۇتۇق يار بولسۇن.

مەرىپەت

شئېر ياخشى چىقىپتۇ ، ئىجادىيەتلىرىڭىزگە ئۇتۇق تىلەيمەن.
بىزنىڭ بۇ يەردە گۈلبەدەن دەپ ۋىۋىسكىسى بار  مەخسۇس ئاياللارنىڭ كىيىمىنى ساتىدىغان بىر دۇكان بار ئىدى بۇ شئېرنى ئوقۇۋېتىپ شۇ دۇكان ئېسىمگە كېلىپ قالدى.

nida

مەرىپەت يوللىغان ۋاقتى  2014-9-16 19:41
شئېر ياخشى چىقىپتۇ ، ئىجادىيەتلىرىڭىزگە ئۇتۇق تىلەيمە ...

قارىغاندا ھەربىر شېئىرىمنى ئېسىڭىزگە بىرەر نەرسىنى سېلىپ قويۇۋاتقان چېغى، ئەتراپىڭىزدا يەنە قانداق نەرسىلەر بار، بىراقلا دەۋەتسىڭىز، ھەممىنى شېئىرغا قوشۇپ يېزىپ باقايمىكىن يا؟

شىرئەلى جۇرايېۋنىڭ «گۈلبەدەن» ناملىق ناخشىسى

مەرىپەت

nida يوللىغان ۋاقتى  2014-9-16 22:51
قارىغاندا ھەربىر شېئىرىمنى ئېسىڭىزگە بىرەر نەرسىنى س ...

سىزنىڭ بۇنداق قابىليىتىڭىزنىڭ بارلىقىغا ئىشنىمەن. مەن يازسام بەك جىق يېزىۋېتىمەن، سىز شئېر يېزىپ ئۈلگۈرۈپ بولالمايسىز، ئەڭ ياخشىسى يازماي جۇمۇ
بۇ ناخشا ياخشىكەن.