سۆيگۈ مەكتۇبى

سەلكىن01

                   سۆيگۈ مەكتۇبى

                 ئەنۋەر ئابلا سەلكىن

جاھاندا تەڭدىشىڭ يوقتۇر گۈزەل ھۆسنى-لاتاپەتتە،
سامادا ئاي، قۇياش، چولپان قىلىپ غۇل-غۇل شىكايەتتە.

كۆزۈڭ شەھلاسى يۇلتۇزلار چۈشىنى خانىمان ئەيلەر،
باقار كۆك سەتھىدىن چېھرىڭ تامان مۇڭلۇق خىيالەتتە.

مېنى كىرپىكلىرىڭ ئۆرتەپ،يۈرەككە سالسا تىغ-خەنجەر،
كۆيۈپ ھەسرەتلىرىم بىرلە، يۇتارمەن ئوغا، ئەلۋەتتە.

قېشىڭ ئوقياسىنى بەتلەپ،جېنىمنى ئوۋ-شىكار قىلساڭ،
ئۆلۈمنىڭ لەززىتى چىرماپ، پۈتۈن ئىقلىم مۇسىبەتتە.

چېچىڭ بوستانىدا بىھۇش لەتىف سەلكىن قارار تاپسا،
بۇلۇتلار باغرى يىرتىلدى، چېقىپ چاقماق ئاداۋەتتە.

ئېچىلغان گۈل ئېرۇر غۇنچە لېۋىڭ گۈلزارغا ئوت سەپكەن،
ئاڭا ئاشىق بىدار بۇلبۇل سۇخەندان زىكرى سۆھبەتتە.

جامالىڭ شەمئىدىن تۈن زۇلمىتى بولدى نۇرىستانلىق،
يۈزۈڭدە جىلۋىسى ئونار شەپەقنىڭ ئىنجۇ ھۆرمەتتە.

بولۇپ باغۋەن، ئېغىز تەگسەم دىبان ئالما-ئانارىڭغا،
ياشاپ كەلدىم چىشىم چىشلەپ، ساناقسىز پەيتى- مۆھلەتتە.

بىراق، ئاسماندا قۇش بولدۇڭ، ئۇزارتسام قول تۇتۇق بەرمەس،
ئۆتەرمۇ كۈنلىرىم نالە-پىغان،ھەسرەت-نادامەتتە.

ۋىسالىڭ ساھىلى ئاچماس قۇچاق، دەشتلەردە تەلمۈرسەم،
ھىجىر قىيناقلىرى قويدى مېنى ئىزا-ئاھانەتتە.

كۆيۈكنىڭ ۋەجىدىن، بىلسەڭ، مانا شائىرغا ئايلاندىم،
پېقىرنىڭ شۆھرىتى نەزمە ئەمەس، ئوتلۇق مۇھەببەتتە!...

مەنبە:ئۆزۈم

بۇ غەزىلىمنى ‹‹8-مارت خانىم-قىزلار بايرىمىغا ھۆرمەت بىلەن بېغىشلايمەن

rabbiy

8-مارت يەھۇدى خىرىستيىيانلار بايرىمىغا غەزەل يازغىنىڭىزغا تەشەككۈر

نۇرلان

سەلكىن ئەپەندىمنىڭ بۇ غەزىلى ھەقىقەتەن ياخشى چىقىپتۇ. قەلىمىڭىزگە بەرىكەت بەرسۇن. سالامەت بولۇڭ.

مۇرات007

rabbiy يوللىغان ۋاقتى  2014-3-6 19:01
8-مارت يەھۇدى خىرىستيىيانلار بايرىمىغا غەزەل يازغىنىڭ ...

ئۇنىڭغا چاپلىۋالماي   ھۇزۇر ئالسىڭىز بولمامتا غوجموي   ئوزلە بىر يىزىپ باقىلى   كورەڭلىمەي ماخما

arkinjuma

سەلكىن ئۇستازنىڭ بۇ غەزىلىمۇ ناھايىتى ياخشى يېزىلىپتۇ،مۇشۇ غەزىلىڭىزنىڭ ئۆزىلا بارلىق خانىم-قىزلىرىمىزغا ئەڭ چوڭ سوۋغات بولالايدۇ.ئاپىرىن سىزگە.

nawkeran

بەك ئىسىل چقىپتۇ خىزمەتىدىشىم شىئېرىڭىز ، رەھمەت

نەۋرۇز

سەلكىننىڭ ئالدىراش ۋاختىدىمۇ خانىم قىزلىرىمىزنى ئۇنتۇپ قالماي لىرىكا يوللىغىنىغا ئاپرىنياخشى يېزىپسىز

نەۋرۇز

سەلكىن ئۇستاز بىلەن بىر دىدارلىشىپ بۇ غەزەلنى ئۆز ئاغزىدىن ئاڭلىغاندىن كىيىن تېخىمۇ ھۆرمىتىم ئاشتى. ياخشى يازمىلىلىرىڭىز ئۈزۈلمىسۇن ئۇستاز..