ئۇرۇپ قويدۇم دۈمبىسىگە دادامنىڭ

سەلكىن01

ئۇرۇپ قويدۇم دۈمبىسىگە دادامنىڭ

        ئەنۋەر ئابلا سەلكىن

ئۇرۇپ قويدۇم دۈمبىسىگە دادامنىڭ،
ئېرىپ كەتتى يۈرەك-باغرىم شۇررىدە.
ۋېچىرلىشىپ بۇندا كۆڭۈل قۇشقىچىم،
ئۇچۇپ كەتتى كەڭ ساماغا پۇررىدە.

ئۇرۇپ قويدۇم دۈمبىسىگە دادامنىڭ،
سۆيگۈ-مېھىر دەرياسىدا ئاقتىم مەن.
ئالدىمدا تاغ-چوققىلىرى زەبەردەست،
شۇ چوققىغا ھەۋەس بىلەن باقتىم مەن.

ئۇرۇپ قويدۇم دۈمبىسىگە دادامنىڭ،
قوۋۇرغىسى زۇلپىقارنى ئەسلەتتى.
تالاي جەڭدە ئۈزۈپ چىققان باتۇرنىڭ
جاسارىتى غۇرۇرۇمنى پەسلەتتى.

ئۇرۇپ قويدۇم دۈمبىسىگە دادامنىڭ،
ئۆتتى بىر-بىر كۆز-ئالدىمدىن كەچمىشىم.
بالىلىقنىڭ بىغەملىكى تۇنجۇققان،
ئارتتى مانا ‹‹دادا›› بولۇپ تەشۋىشىم.

ئۇرۇپ قويدۇم دۈمبىسىگە دادامنىڭ،
ھالقىغاندا قىرىق تاغدىن-ئۆتكەلدىن.
پۇت-قوللىرىم تېلىپ-تېلىپ ئاغرىيدۇ،
كۆكىرىمەن گالنى بوغقان ھۈتەلدىن.

ئۇرۇپ قويدۇم دۈمبىسىگە دادامنىڭ،
ئۆتۈلگەندە قەدرى ئۇنىڭ بېشىمدىن.
كۆكتە قۇياش، ئاي، بۇلۇتلار يىغلىدى،
چاناقلاردىن سىرغىپ چىققان يېشىمدىن.

ئۇرۇپ قويدۇم دۈمبىسىگە دادامنىڭ،
ئۇنىڭ مەندىن كۈتكىنىمۇ شۇ ئىدى.
خۇشال بولماس ئىدى بەرسەم مال-دۇنيا،
مېھىر كىنەپ يۈرەكلىرى سۇ ئىدى.

ئۇرۇپ قويدۇم دۈمبىسىگە دادامنىڭ،
بالام كېلىپ ئۇرۇپ قويدى دۈمبەمگە.
پەپىلەندىم ئالقىنىدا خىزىرنىڭ،
پەرىشتىلەر پەتىلىدى كۆلبەمگە!...

مەنبە:ئۆزۈم

HIRISTAL

دادىسى بولۇش نىمە دىگەن بەخت .[   ئۇرۇپ قويدۇم دۈمبىسىگە دادامنىڭ ] بۇ تېما ياخشى قويۇلۇپتۇ. شېرىڭىزمۇ تەسىرلىك چىقىپتۇ .  
ھايات ئاتىلار سالامەت خۇشال ، ئۆمرى ئۇزۇن بولغاي ، كەتكەنلەرنىڭ جايى جەننەتتە بولغاي .
ئاتىلار مەڭگۈ ئامان بولسۇن . ئۇلار ئۈچۈن تەۋرەتكەن قەلىمىڭىز بەركەتلىك  بولسۇن  سەلكىن .

بارى

تەسىرلىك ھەم ياخشى يېزىپسىز ، ئەجرىڭىزگە كۆپ تەزەككۈر ئىتۈيۈرۈم

روھلان7

تەسىرلىك ھەم ياخشى يېزىپسىز ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

نۇرلان

سەلكىن ئەپەندىمنىڭ چوڭقۇر مەنالار سىڭگەن، يېقىملىق شېئىرىغا رەھمەت.

ئىدرسجان

تەسىرلىك ھەم چۇڭقۇر مەنالىق ياخشى يىزلىپتۇ، ئاتا ئانىلار ھەقىقەتەن ئۇلۇغ ،سەلكىن ئەپەندىمنىڭ ئەجىرگە كۆپ تەشەككۇر.

مىسكىن123

ھەقىقەتەن مەنىلىككەن