خەتەرنى دادىللىق بىلەن كۈتۈۋېلىڭ

ئەنجۈر

يەتتە ئېكىسپېدىتسىيەچى تاغ ئارىسىدا كېتىۋاتقاندا، تۇيۇقسىز تاغدىن قورام تاشلار چۈشۈشكە باشلاپتۇ، ئۇلار قېچىشقا ئۈلگۈرەلمەي قاپتۇ. ئالتەيلەن تاش بېسىۋېلىپ ئۆلۈپ كېتىپتۇ، بىرەيلەن يېنىك يارىلىنىپتۇ. شۇ ئىشتىن كېيىن بەزىلەر ھېلىقى ئېكىسپېدىتسىيەچىدىن قانداق ھايات قالغانلىقىنى سوراپتۇ. بۇ چاغدا ئۇ:
   ــــ مەن خەتەرلىك ئەھۋالغا يولۇققاندا، بېشىمنى كۆتۈرۈپ تاشنىڭ چۈشۈش يۆنىلىشىنى كۆرۈپ، ئۆزۈمنى قاچۇردۇم، شۇڭا ئامان قالدىم، - دەپتۇ.
   خەتەرگە دادىللىق بىلەن يۈزلىنىش ھەممە ئادەمنىڭ قولىدىن كەلمەسلىكى مۇمكىن. ھاياتلىقتا بىز ئويلاپ باقمىغان ھەر خىل ئوڭۇشسىزلىق ۋە قىيىنچىلىقلار بار، ناۋادا بىز ھەمىشە بېشىمىزنى تۆۋەن سېلىپ ئۆزىمىزنى ئېلىپ قاچساق، بۇ قىيىنچىلىقلار بىزگە بىر ئۆمۈر پۇتلىكاشاڭ بولىدۇ، ناۋادا ئوڭۇشسىزلىقلارغا دادىل يۈزلىنىپ كۈرەش قىلساق، غەلىبە نىشانىمىز ئۈچۈن چوڭ قەدەم تاشلىغانلىقىمىز بولۇپ قېلىشى مۇمكىن.

ئۆيگە ئوغرى كىرگەندىن كېيىن

ئامېرىكا زۇڭتۇڭى فىرانكلىن روزۋېلىتنىڭ ئۆيىگە ئوغرى كىرىپ، نۇرغۇن نەرسىلىرىنى ئوغرىلاپ كېتىپتۇ. دوستى بۇ ئەھۋالنى ئۇققاندىن كېيىن، خەت يېزىپ، ئۇنىڭ كۆڭلىنى ياساپتۇ. روزۋېلىت دوستىنىڭ خېتىنى تاپشۇرۇپ ئالغاندىن كېيىن، مۇنداق جاۋاب خەت يېزىپتۇ: ‹‹قەدىرلىك دوستۇم، خەت يېزىپ ماڭا تەسەللى بەرگىنىڭىزگە رەھمەت. مەن ھازىر ئامان - ئېسەن تۇرۇۋاتىمەن. چۈنكى، بىرىنچىدىن، ئوغرى نەرسە - كېرەكلىرىمنى ئوغرىلاپ كەتكەن بولسىمۇ، ھاياتىمغا زىيان - زەخمەت يەتكۈزمىدى؛ ئىككىنچىدىن، ئوغرى قىسمەن نەرسىلىرىمنىلا ئوغرىلاپتۇ؛ ئۈچىنچىدىن، ئەڭ خۇشال بولۇشقا تېگىشلىكى، ئوغرىلىق قىلغىنى مەن ئەمەس، بەلكى ئۇ››.

bagrax

تېمىنىڭ ئەسلى مەنبەسى :http://www.dilkuq.com/showart.asp?cat_id=42&art_id=1297