سۇتۇق بۇغراخان - ئاۋازلىق تارىخى رومان

ADiL

ئۈچ تال ئۈندىسكا، ئۇزۇنلۇقى 30 سائەت، فورماتى MP3
بۇ روماننى ئۈرۈمچى ئىرپان ئېلېكتىرون چەكلىك شىركىتى، جۇڭگو ئۇيغۇر تارىخى - مەرەنىيىتى تەتقىقات جەمئىيىتى، مىللەتلەر نەشرىياتى ئۇيغۇر تەھرىر بۆلۈمى، مەركىزى خەلق رادىيو ئىستانسىسى ئۇيغۇرچە چاستوتىسى، مىللەتلەر ئۈن - سىن نەشرىياتى قاتارلىق ئورۇنلار بىرلىكتە ئىشلىدى.
بۇ ئاۋازلىق ئەسەر ھەرقايسى ئورۇنلاردىكى ئىرپان مەھسۇلاتلىرىنى مەخسۇس سېتىش ئورۇنلىرىدا سېتىلىدۇ. بىر تۇتاش باھاسى 36 يۈەن.

سېتىۋالغىلى كىرگەندە بۇ ئۇچۇرنى روھلان تور بېكىتىدە كۆرگەنلىكىڭىزنى ئېيتىپ كىرسىڭىز ھەم كۆپرەك سېتىۋالسىڭىز بەلكىم ئويلىمىغان ئېتىبارلارغا ئېرىشىپ قېلىشىڭىز مۇمكىن.

«سۇتۇق بۇغراخان» رومان كۆزگە كۆرۈنگەن دۆلەت ئەربابى، داڭلىق يازغۇچى، شائىر ۋە دىراماتورگ سەيپىدىن ئەزىزىنىڭ ۋەكىل خارەكتېرلىك ئەسرىدۇر.
    «سۇتۇق بۇغراخان» رومانى ئوتتۇرا ئاسىيا تارىخىدا شانلىق مەدەنىيەت سەھىپىسى ياراتقان قاراخانىيلار خانلىقىنىڭ گۈللىنىشىگە ئاساس سالغان، ئۇيغۇر خەلقىنى يېڭى تارىخىي دەۋرگە باشلاپ كىرگەن ئۇلۇغ خاقان __ سۇلتان سۇتۇق بۇغراخاننىڭ ھاياتى ۋە قاراخانىيلار خانلىقىنىڭ سەلتەنەتلىك ھاكىمىيەت دەۋرى ئەكىس ئەتتۈرۈلگەن تارىخىي روماندۇر. روماندا ئاپتۇر باش قەھرىمان شاھزادە سۇتۇقنىڭ قارا نىيەت تاغىسى ئوغۇلچاقنىڭ قولىدىن ئۆزىگە تىگىشلىك شاھلىق تەختىنى تارتىپ ئالغاندىن باشلاپ تەخىتنى ئوغلى بايتاشنىڭ قولىغا ئۆتكۈزۈپ بەرگۈچە بولغان جەرياندا يۈز بەرگەن تارىخىي ۋەقەلەرنى تەسۋىرلەش ئارقىلىق خەلقىمىزنىڭ مىڭ يىللار ئىلگىركى گۈللەنگەن ھاياتىنى بەدىئى يوسۇندا يۇرۇتۇپ بەرگەن. روماننىڭ بەدىئىلىكى يۇقىرى بۇلۇپلا قالماستىن، زور بىلىم بېرىش رولىغا ئىگە بولۇپ، ئاڭلارمەنلەرنى خەلقىمىزنىڭ قاراخانىلار خاندانلىقىدىكى ماددىي ۋە مەنىۋىي ھاياتى، مەدىنىيىتى، ئىدىيەسى، خارەكتېرى، تۇرمۇش يوسۇنلىرى ھەققىدە كەڭ ۋە ئەتراپلىق چۈشەنچىگە ئىگە قىلىدۇ.
ئۈرۈمچى ئىرپان ئېلېكتىرون چەكلىك شىركىتى

روھلان21

سۇتۇق بۇغراخان رومانىنىڭ ئاۋازلىق نەشرقىلىنىپ بازارغا سېلىنغىننى تولىمۇ ياخشى ئىش بوپتۇ قىزغىن تەبرىكلەيمەن ئېرپان شىركىتىنىڭ ئىشلىرى تېخىمۇ روناق تاپقاي .

ئاسۇق

ئەھمىيەتلىك ئىش بوپتۇ ، بۇ رومان رادىئودا ئاڭلىتىلغان ، ھەقىقەتەن ئوقۇشقا ( ئاڭلاشقا ) تېگىشلىك ياخشى ئەسەر .

dosjan

ئۇلۇغ تارىخ نامايەن قىلىنغان ئەسەرلەرنى قەدىرلەپ ئوقۇشقا ئاڭلاشقا ئەرزىيدۇ

روھلان21

dosjan يوللىغان ۋاقتى  2013-10-20 20:59
رەھمەت چۈشۈرۋالاي

تېمىنى ئوقۇمايلا ئىنكاس يازدىڭىزمۇ قېرندىشىم .

chongbazar

ئۇزۇنغا قالمايلا كوچا- كويلاردىكى يايمىچىلار ۋە ناخشا- كىنو تور بېكەتلىرىدە بەس- بەستە تارقىلىشقا باشلايدۇ...

ADiL

chongbazar يوللىغان ۋاقتى  2013-10-21 13:23
ئۇزۇنغا قالمايلا كوچا- كويلاردىكى يايمىچىلار ۋە ناخشا- ...

ئۇنداقمۇ بولۇپ كەتمەس، ھازىرغىچە قۇتادغۇبلىكنىڭ ئوغرىسىنى تور بېكەتلەردە كۆرۈپ باقمىدىمغۇ.

chongbazar

ADiL يوللىغان ۋاقتى  2013-10-21 13:35
ئۇنداقمۇ بولۇپ كەتمەس، ھازىرغىچە قۇتادغۇبلىكنىڭ ئوغ ...

دېمىسىمۇ ھازىر كىشىلەرنىڭ بۇ جەھەتتىكى ئاڭ سەۋىيەسى خېلى ئۆسۈپ قالدى.
قۇتادغۇ بىلىكنىڭ كوچا- كويلاردا ئانچە- مۇنچە ئۇچىراپ تۇرىدۇ.
باشقا ئاۋازلىق ئەسەرلەردەك تارقىلىپ كەتمەسلىكىدىكى سەۋەپ، ئۇنىڭ بېشىدىلا ئاللاھقا ھەمدى- سانا ئېيتقان. شۇڭا كىشىلەر ئوچۇق ئاشكارا قويۇپ ساتالمايدۇ. ھەم شۇ توغرىسىدىمۇ بەزىر بىر ئاتالمىش نادان زىيالىلىرىمىز ئوتتۇرىسىدا تالاش- تارتىش بوپتىكەن. دېمەك قۇتادغۇ بىلىكنى ھۆكۈمەت بىلىپ تۇرۇپ دىنى تۇس ئالغان دەپ قاراپ چەكلەپ تۇرغان بولوسا، يەنە بىر قىسىم قىسىم كىشىلەر تەرىپىدىن خۇنۇكلەشتۈرۈلگەن مۇشۇ ئىككى سەۋەب، قۇتادغۇ بىلىكنىڭ ئوغرىسىنىڭ چىقماسلىقىغا سەۋەب بولغان. ئەمما بازاردا ئوچۇق ئاشكارا ئوغرىسى سېتىلمىغان بىلەن، كىشىلەرنىڭ ھەر خىل ئۈسكىنىلىرىگە ئاللىبۇرۇن كۆچۈرۈلۈپ بولىندى. بۇمۇ ئوخشاشلا ئوغۇرلانغان ھېسابلىنىدۇ.
مەيلى نېمىلا بولسۇن ئۇنداق ئىشلار بارغانچە ئازلاپ، ھەقىقەتكە قايتىپ، ئېسىل مەدەنىيتىمىزنى ئىزدەۋاتقانلار يەنىلا كۆپ.

yarkanboy

ما............ ئىرپان شىركىتى ئاجايىپ ئىسىل ئىشلارنى قىلىۋاتىدۇ ... جۇما

ئۈرۈمچىدە كىتاۋىنى 80 كوي  دەۋاتقان ..........

ئاۋۇ پۇلغا ئەرزىيدۇ جۇما سېتىۋىلىپ ئاڭلاپ قويساق، ساقلاپ قويساق.

مۇشۇ ئاۋازلىق ئەسەر دىگەن بىر نىمە، مانا مەندەك ئۆمرىدە بىرەر تال رومان ياكى پوۋسىت ئوقۇپ باقمىغان ئادەمنى روماندىن 4 نى ئاڭلىتىۋەتتى.  ئەمما لىكىن بولىدىغان ئىشكەن.....