ئەتراپىڭىزدىكىلەر تەرىپىدىن ئەخمەق قىلىنماڭ

ئەنجۈر

   
خوجايىننىڭ ئىككى كالىسى يىتۈپ كېتىپ، چاكىرىغا چىقىپ ئىزدەشنى بۇيرۇپتۇ. شۇنچە ئۇزاق ساقلىغان خوجايىن چاكىرىنىڭ تېخىچە قايتىپ كەلمىگەنلىكىنى كۆرۈپ، ئۆزى ئىزدىمەكچى بولۇپ دالىغا چىقىپ، چاكىرىنىڭ ئۇياقتىن - بۇياققا يۈگۈرۈپ يۈرگەنلىكىنى كۆرۈپتۇ ھەم چاكىرىدىن: ‹‹نېمە قىلىۋاتىسەن؟›› دەپ سوراپتۇ. چاكار: ‹‹مەن بايا ئىككى بۇغىنى كۆرگەنىدىم، بۇغىنىڭ يۇمران مۈڭگۈزىنىڭ ناھايىتى كۆپ پۇلغا يارايدىغانلىقىنى سىزمۇ ياخشى بىلىسىز، شۇڭا كالىنى ئىزدەشنىڭ ھاجىتى قالمىدى›› دەپتۇ. خوجايىن: ‹‹ئۇنداقتا بۇغىنى تۇتالىدىڭمۇ؟›› دەپ سوراپتۇ. چاكار: ‹‹مەن شەرق تەرەپكە قاچقان بۇغىنى قوغلىغانىدىم، كىم بىلسۇن، ئۇ مەندىنمۇ تېز يۈگۈرىدىكەن ئەمەسمۇ؟ بىراق خاتىرجەم بولۇڭ، غەرب تەرەپكە قاچقان بۇغىنىڭ پۇتى سەل ئاقسايدىكەن، شۇڭا كەينىمگە قايتىپ ئۇنى تۇتماقچى بولدۇم، مېنىڭ ئۇ بۇغىنى تۇتۇۋالالايدىغانلىقىمغا ئىشىنىڭ›› دەپتۇ.

ھېكمەت: كالا تۇت دېسە بۇغا تۇتىدىغان، شەرقتىكىنى قوغلاۋېتىپ غەربتىكىنى ئويلايدىغان، تۇترۇقسىز بۇ چاكار ئاخىرقى ھېسابتا ھېچقانداق ئىشنى باشقا ئېلىپ چىقالمايدۇ. تۇرمۇشىڭىزدىمۇ مۇشۇنداق ئەھۋال كۆرۈلگەنمۇ؟ ئەگەر شۇنداق بولسا، سىزنىڭ ئارزۇلىرىڭىز يوققا چىقىپلا قالماستىن، بەلكىم ھازىرمۇ پەقەتلا ئەتراپىڭىزدىكىلەر تەرىپىدىن ئەخمەق قىلىنغان بولۇشىڭىز مۇمكىن.

uyghur038

ئىسىلكەن..................... رەھمەت...

9004

بىر-بىرىدىن ئەخمەق كىشىلەر ئىكەن دە.