ئىنسانغا ھاياتتا نېمە بەك ئېغىر؟

ئەنجۈر

قەدىمكى ئىران شاھلىرىدىن نۇشىرۋاننىڭ ئىلىم مۇتالىيە قىلىش يىغىلىشىدا رۇم، ھىندىستان ۋە ئىرانلىق ئۈچ پەيلاسوپ ھازىر بولۇپ، پەلسەپە، ئېلىم - ھېكمەتكە دائىر مەسىلىلەر توغرىسىدا بەس - مۇنازىرە قىلىشقانىدى، ‹‹ئىنسانغا ھاياتتا نېمە بەك ئېغىر؟›› دېگەن سوئالغا بۇ ئۈچ دانىشمەن ئۈچ خىل جاۋاب بېرىشتى: رۇملۇق دانىشمەن: ‹‹قېرىغاندا ياردەمسىز قېلىپ، غېرىب - مىسكىن ياشىماق››؛ ھىندىستانلىق ھەكىم: ‹‹كېسەللىك ۋە پەرىشان، قايغۇ - ھەسرەتلىك تۇرمۇش››؛ ئىرانلىق دانىشمەن بۇزرۇگمېھىر ئىنتايىن تەمكىنلىك بىلەن: ‹‹بۇ دۇنيادا ياخشى ئىش ۋە ھەممىگە مەقبۇل - مەرغۇپ ئىش قىلماي تۇرۇپ يەتكەن ئەجەل››، - دەپ جاۋاب بەردى.

ئەمانىڭ ھايات مەنتىقىسى

چوڭ بىر گۈللۈكنىڭ ئوتتۇرىسىدا كىچىككىنە بىر ئېغىز ئۆي بولۇپ، بۇ ئۆيدە بىر ئەما ئادەم تۇراتتى. ئۇ گۈللىرىنى ياخشى پەرۋىش قىلغاچقا، بىر يىلنىڭ تۆت پەسلىنىڭ ھەممىسىدە رەڭگارەڭ گۈللەر ئېچىلىپ تۇراتتى.
   يولدىن ئۆتكەن بىر كىشى ھەيرانلىق ئىلكىدە بۇ گۈللەردىن ھۇزۇرلانغاچ، ئەمادىن سورىدى:

   ــــ بۇ چىرايلىق گۈللەرنى ئەسلا كۆرەلمەيدىغان تۇرۇپ، نېمىشقا شۇنچە ئەجىر قىلىسىز؟
   ئەما كۈلۈپ تۇرۇپ مۇنداق دېدى:
   ــــ مەن سىزگە بۇنىڭ تۆت سەۋەبىنى دەپ بېرەي، بىرىنچىدىن، باغۋەن بولۇشنى ياقتۇرىمەن؛ ئىككىنچىدىن، گۈللىرىمنى سىيلاپ ھۇزۇرلىنالايمەن؛ ئۈچىنچىدىن، ئۇلارنىڭ خۇش ھىدىنى پۇرىيالايمەن؛ تۆتىنچىسىگە كەلسەك، بۇ ئەلۋەتتە سىز ئۈچۈن.
   ــــ مەن؟ بىراق، سىز مېنى تونۇمايدىغان تۇرسىڭىز؟ - دېدى يولۇچى.
   ــــ شۇنداق، مەن سىزنى تونۇمايمەن، لېكىن مەن باشقىلارنىڭمۇ سىزگە ئوخشاش بۇ يەردىن ئۆتكىنىدە بۇ چىرايلىق گۈللەرنى كۆرۈپ كۆڭلى ئېچىلىپ قالىدىغانلىقىنى بىلىمەن، شۇنىڭ بىلەن بىللە ماڭىمۇ بۇ يەردە سىز بىلەن بۇ پاراڭلارنى قىلىشىمغا پۇرسەت تۇغۇلىدۇ، - دېدى ئەما.
   بۇ نېمىدىگەن جايىدا بېرىلگەن جاۋاب - ھە! پەرىشان كۆڭۈل خۇددى قاراڭغۇ ئۆڭكۈرگە ئوخشايدۇ، ئۇ بۇنداق چىرايلىق گۈللۈكتىن بىرنى، ھەتتا يەنە نەچچىنى يۇتۇۋېتەلەيدۇ. چۈشەندىڭىزمىكىن - قانداق، ئەمەلىيەتتە، ئەما كىشىنىڭ گۈللۈكنى پەرۋىش قىلىشى ھاياتىنى قىزغىن سۆيگەنلىكىدىندۇر.

bagrax

مۇنبەرنى بۇنداق كۆچۈرۈلمە تېمىلىرىڭىز بىلەن پاخال قىلماڭ .
مەنبە http://qinkuy.com/showart.asp?cat_id=42&art_id=1279

9004

دوستۇم ئەسلى  مەنبەسىنى قوشۇپ يوللاپ قويسىڭىز بولمامدى.

ئەنجۈر

ئەسلى مەنبەسى: ھەرخىل گىزىت - ژورنال ۋە تەرجىمە ئەسەرلەر

bagrax

ئەنجۈر يوللىغان ۋاقتى  2013-4-30 21:31
ئەسلى مەنبەسى: ھەرخىل گىزىت - ژورنال ۋە تەرجىمە ئەسەرلە ...

مۇنبەرگە كىم ئەڭ بۇرۇن يوللىغان بولۇپ ، ئارقىدىن باشقىلار شۇ تېمىنى يوللىغان بولسا كېيىنكىسى كۆچۈرۈلمە تېما ، ئۇنىڭ ئۈستىگە شۇ چىن كۈي مۇنبىرىدىن بىرنى ئەمەس ئىككىنى كۆچۈرۈپ كېلىپ نومۇس قىلماي يەنە مەنبەسىنى گېزىت ژورنال دېيىشكە يۈزىڭىز قىزارمىغان بىلەن روھلانداشلارنىڭ قىزىرىدۇ ،
يەنە سىز بۇرۇنقى مۇشۇنداق تېمىلىرىڭىزنىڭ نەچچىسىنى ئۆزىڭىزنىڭ ئىجادىيىتى دىيەلەيسىز ؟
بولسا كۆرسىتىڭ ...

ئەنجۈر

خاتىرجەم بولۇڭ ، مەن پەقەت ئۆزۈم ياقتۇرغان تىمىلارنى ئورتاقلىشىشى ئۈچۈن تورغا يوللىدىم ، ئارتۇقچە كەينىمدىن گەپ تاپماڭ .

bagrax

ئەنجۈر يوللىغان ۋاقتى  2013-4-30 21:47
خاتىرجەم بولۇڭ ، مەن پەقەت ئۆزۈم ياقتۇرغان تىمىلارنى ئ ...

بۇ كەينىدىن گەپ تاپقانلىق ئەمەس ، قېنى ئىجادىيىتىڭىزنى كۆرسىتىڭ ، ئىسپات ھەممىنى بەلگىلەيدۇ ، شۇچاغدا قايىل بولىمىز .
تېمىنى كۆچۈرگەن ئادەم ھېچبولمىغاندا مەنبەسىنى ئەسكەرتىش كېرەك .

ئەنجۈر

مەن دىدىمگۇ  مەن ئىجادىيەتچى ئەمەس  ، مەن ئوقۇ] كۆرگەن مەزمۇنلارنى ئۆزۈم ياقتۇرغانلىقى ئۈچۈن تورداشلارنىڭ ئورتاق بەھىرلىنىشى ئۈچۈن تورغا يوللىدىم ، نىمە گەپ چۈشەنمەيدىغانسىز  قېرىندىشىم  ، باشقا  ئىشىڭىز  يوقما  سىزنىڭ ، مىنىڭ  كەينىمدىن  گەپ تاپمىسىڭىز  ئۇيقىڭۇىزز  كەلمەمدۇ سىزنىڭ ؟  يەنە بىر  قىتىم  دەي  ، مەن ئىجادىيەتچى  ئەمەس  !!!!!!!!!  بەلكى  ئۆزۈم ياقتۇرغان  مەزمۇنلارنى  تورداشلار  بىلەن  ئورتاقلىشاي  دەپ  يوللىدىم  خالاس  . بىلدىڭىز - ما  ؟؟؟   

bagrax

ئېسىڭىزدە بولسۇن!!!
روھلان مۇنبىرى بىلىم مائارىپ تىپىدىكى تور بىكەت . بۇ مۇنبەرگە يوللانغان تېمىلار ئاساسەن ئوقۇتۇشقا مۇناسىۋەتلىك تېمىلار ، ئاندىن باشقا ئىجادىيەتلەر ۋە تورداشلار دېققەت قىلىۋاتقان ، ئۇلارنىڭ تۇرمۇشى بىلەن زىچ مۇناسىۋەتلىك تېمىلار .
شۇڭا بۇ مۇنبەرگە كىرىدىغانلار ئاساسەن ئوقۇتقۇچىلار بولغاچقا بۇنداق مەنبەسىنى ئەسكەرتمىگەن كۆچۈرۈلمىلىرىڭىزنى كۆرسە مەن ئەمەس ھەر كىمنىڭ ئاچچىقى كېلىدۇ سىزگە .
تېمىنى ئەسكەرتمىگەنلىكنى مەلۇم جەھەتتىن تېما ئوغرىسى دەپ قارايمەن خالاس .
تەۋسىيە قىلىدىغىنىم : بۇنىڭدىن كېيىن ئاۋۇ ئوردىنغا چۇشلۇق ئىجادىيەتلىرىڭىز بىلەن روھلانداشلارغا ئىجادىي ئەمگەكلىرىڭىزنى يوللاڭ ، بۇ ئىشنى پەقەت قىلالمىسىڭىز ، باشقا مۇنبەردىن كەلگەن تېمىلارنىڭ ئاپتورىغا ھۆرمەت قىلىڭ ، (ئۇلارنى ئۆزىڭىز بىلەن تەڭ كۆرمەڭ )، شۇ كىشىلەر تېما ئىگىسى ، شۇڭا ھۆرمەت قىلىنىشقا تېگىشلىك .

سىزگە دەيدىغان گەپ تۈگىدى . ھەر ئىشتا ئوبدانراق ئويلىنىڭ !!

ئەنجۈر

مەن سىز دىمىسىڭىز  مۇ ئوبدان  ئويلىنىپ  ئاندىن  قىلىۋاتىمەن !