مۇھەببەت

ئەنجۈر

بىر ئۆمۈر ئالدىراشلىق ئىچىدە ئۆتكەن بۇ ئەر - خوتۇنلارغا نىسبەتەن، بۇ بىر قېتىملىق ئۇنتۇلغۇسىز ساياھەت ئىدى. ئۇلار ئاخىرى تاغ چوققىسىغا چىقىپ، ئەمدىلا خۇشال بولۇشۇپ تۇرۇشىغا، ئەر ئېھتىياتسىزلىقتىن ھاڭغا قاراپ سېيرىلىشقا باشلىدى. ئايال ناھايىتى چەبدەسلىك بىلەن ئېرىنىڭ چاپىنىنىڭ بىر پېشىنى چىڭ چىشلىگىنىچە، ئۆزى بىر دەرەخنى چىڭ قۇچاقلاپ تۇرۇۋالدى. بۇنداق ھالەتتە ئايالنىڭ ‹‹قۇتقۇزۇڭلار!›› دەپ توۋلىيالىشى مۇمكىن ئەمەس ئىدى. ئۇنىڭ چىشلىرى ئېرىنىڭ پۈتۈن ئېغىرلىقىنى كۆتۈرۈپ تۇرۇۋاتقانلىقتىن ئېغىزى پۈتۈنلەي قانغا بويالغان ئىدى. شۇ تەرىقىدە بىر سائەتتەك ۋاقىت ئۆتكەندىن كېيىن، ئۇلار شۇ يەرگە كېلىپ قالغان ساياھەتچىلەر تەرىپىدىن قۇتقۇزۇۋېلىندى.

   بەزىلەر ئايالدىن قانداقسىگە شۇنچە ئۇزۇن ۋاقىت بەرداشلىق بېرەلىگىنىنى سورىغىنىدا، ئۇ: ‹‹مەن ئەڭ ياخشى كۆرىدىغان ئادىمىمدىن ئايرىلىپ قالسام بولمايدۇ›› دەپ جاۋاب بەردى.

   ھېكمەت: مۇھەببەت مەڭگۈلۈك چىن يۈرەككە موھتاج. ھالقىلىق ۋاقىتتا، مۇھەببەت ئىنسانىيەتنىڭ ئەڭ چوڭ يوشۇرۇن ئىقتىدارىنى قوزغىتىدۇ.