مەي ئىچمەي(ساتىرا)ئەنگەر

angar

مەي ئىچمەي

خوشال ئۆتەر كۈنلىرىم ، تېنىم ساغلام مەي ئىچمەي،
ئىقتىساد بوپ پۇللىرىم ، بولدى باغلام مەي ئىچمەي،
ئۆيدە خوتۇن باللىرىم تاپتى ئارام مەي ئىچمەي،
يۇۋاش –يۇمشاق ئاتالدىم ، ئەمەس قارام مەي ئىچمەي،
يولدا ماڭسام چوڭ- كىچىك قىلار سالام مەي ئىچمەي.

بارمىدى بۇ شادلىقىم ھەتتا ئوتتۇز كۈنگىمۇ،
قىينىدى يېڭى ئازاب ، قاتتى بېشىم تېخىمۇ،
تەڭقىسلىقتا قالدىم يەنە مەينى ئىچمەي تازىمۇ،
ئىچمەسلىككە سەۋەپ ئىزلەپ چۆمدىم قارا تەرگىمۇ،
بەزىلەرگە  يارىماي بولدۇم غولام مەي ئىچمەي.

"مەي ئىچمىگەن ئەر ئەمەس" دىدى بىرسى يۈزۈمگە،
ئىچىۋەتكىن بۇنى دەپ كىرىۋالدى كۆزۈمگە،
گەر كۆڭلىنى قايتۇرسام بويرۇيدىكەن ئۆلۈمگە،
بىر" لاتا "بوپ ئاتالدىم ئوخشىمىدىم ئۆزۈمگە،
نۇرغۇن گەپنى ئىشىتتىم بۈگۈن ئاخشام مەي ئىچمەي.

ئەدەپ بىلەن قايتۇرسام باشلىق تۇتقان مەينىمۇ،
يىدۈرمىدى باشقىلار  پولو –مانتا ، سەينىمۇ،
مەي ئىچكەنلەر ئىچسۇن دەپ ئىچۈرمىدى چاينىمۇ،
نىمە قىسمەت كۈتەركىن يامان باشلىق پەيلىمۇ،
بۇزۇلىدۇ چوقۇملا تۈزگەن توختام مەي ئىچمەي.

-قېنى بىردىن ئىچەيلى، - دەپ قالدى ھەم بىر خېنىم،
بۇ  قەدەھنى ئىچسىڭىز  بولالايسىز سىز جېنىم،
ئىچەلمەيمەن دىسىڭىز سىزمۇ مەندەك بىر خېنىم،
-يوقال ، - دىدىم غەزەپتىن قىززىغانتى بەك قېنىم،
توۋا ! دىدىم ئۆزۈمگە بولدۇم قاينام مەي ئىچمەي.

قىلىپ بىركۈن مەرىكە تەكلىپ قىلدىم كۆپ مېھمان
سويۇپ پاقلان-قوزىنى تەييارلىدىم داستىخان،
داستىخانغا تۆكتۈممەن  تاپقىنىمنى بىر پاتمان،
رازى بولسا مېھمانلار ، كۈلەر شۇندا ساھىپخان،
ئەمما رازى بولماپتۇ ئىككى ئوتلام مەي ئىچمەي.

مەيگە خۇمار بولغانمۇ  ھېچ بىلمىدىم  باشقىلار،
مەيسىز مۇڭلۇق ئاڭلانماس بەزىلەرگە ناخشىلار،
مەيسىز ھەتتا ئوينالماس ئۇسۇل ياكى تانسىلار،
ئىزىمىزدىن كەلمەكتە مەيگە ئامراق ئىزچىلار،
يۈرەلمەمدۇق بىز زادى ھەممە ئاۋام مەي ئىچمەي.

مەي ئىچمەسلىك گۇناھمۇ قېنى ئېيتقىن بۇرادەر،
كۆتۈرگىنچۇ بېشىڭنى يىراقلارغا سال نەزەر،
مەيگە دوست بوپ ئۆتكەندە يېتەر بىزگە كۆپ خەتەر،
  مەي ئىچكەنلەر ھايۋاندىن بولار ھەتتا بەك بەتتەر،
يازدىم غەزەل سەن ئۈچۈن، كەلگەچ ئىلھام مەي ئىچمەي.


شەھىرى تۇرپان 2011.11.11

زەپەر

مەي ئىچىش ئادەمگە نىسپىتەن بىرخىل بېسىم ئەپ كىلىدۇ . مەي ئىچمەيمۇ كۈڭۈلنى خاتىرجەم  خۇشال قىلغىلى بۇلىدۇ دەپ قارايمەن .  تەربىيەۋىي ئەھمىيتى زوركەن

ئىلغار

مەييخورلۇق ئادەمنى ھەر قىسمەتلەرگە باشلايدۇ ھەم سالامەتلەككە زىيانلىق شۇڭا ئىچكەندىمۇ ئازراق ئىچسە بولىدۇ ئەڭ ياخشىسى ئىچمىگەن تۈزۈك ،مەي ئىچمەيمۇ دوسلا بىلەن ئولتۇرغۇلى بولىدىغۇ ؟ ياخشى يېزىلغان شېئىر ئىكەن، بىراق مەنبەسىنى ئەسكەرتىپ قۇيۇڭ

گۈلزار

ھەر بىر شىئېرىڭىزنىڭ تەربىيىۋى ئەھمىيىتى ئۆزگىچە ھەم قىممىتى يوقۇرى بولۇپ ئوقۇرمەنلەرگە زوق ئاتا قىلىپلا قالماي بەلكى  ئۇلارغا ئادەم بولۇش يوللىرىنى كۆرسىتىپ بەرمەكتە  رەھمەت ئۇستاز .
  
بايقاش چچ توپىغا قوشۇلۇڭ . سىز بىلەن ئالاقە قىلىشقا ئامالسىز قالىدىكەنمىز .  

ئامان

ئاڭلاشلارغا قارىغاندا پارىس خەلقىنىڭ ئاتاقلىق شائىرى ئۆمەر ھەييام مەي ھەققىدە نۇرغۇنلىغان نادىر شېئىرلارنى يېزىپ قالدۇرغان بولسىمۇ، ئەمما ئۆمرىدە بىر يۇتۇممۇ مەي ئىچىپ باقمىغان ئىكەن. بەلكىم ئۇ مەينىڭ ئىنساننىڭ جىسمانى قۇۋۋىتى ۋە روھى ساغلاملىقىغا نىسپەتەن بىر چىرىتكۈچ ئىكەنلىكىنى بىلىپ يەتكەن بولسا كېرەك.
رەھمەت سىزگە، قولىڭىزغا دەرت كەلمىگەي.

يۈسۈف

ياخشى يىزىلىپتۇ،مەي ئىچمەسلىك كىرەك بۇ بىزنىڭ ئەلمىساقتىن كەلگەن ئۆرۈپ ئادىتىمىز

خۇمارى

ھاراقنىڭ كۈچى

شىشىدە  كۈرۈنەر  خىرستال  كەبى،
ئىچكەندە جىم تۇرماس قورساقتا تېخى.
گومۇشنى شوخ قىلىپ پىخسىقنى مەرت باي،
ئۇسۇلغا سالغان شۇ ھاراقنىڭ كۈچى.

شۇ ھاراق گومۇشنى شوخ قىلپ كۆرسەتكەن.
شۇ ھاراق پىخسىقنى مەرت قىلپ كۆرسەتكەن.
شۇ ھاراق سايىمنى سادىر كۆرسەتكەن.
شۇ ھاراق ئادەمنى شەيتانغا ئۆزگەرتكەن.

ئىچكەندە ئۆي كىرمەس زادى خىيالغا،
خۇتۇننىڭ سۆزلىرى ياقماس قۇلاققا.
ھاراقنىڭ كۈچىنى كۆرسىتىپ خەققە،
كىرىپمۇ قالىدۇ بەزەن سۇلاققا.

شۇ ھاراق تۈپەيلى قەرىز تۈگۇمەي،
خۇتۇننىڭ كۆزىدىن نۇرغۇن ياش ئاقتى.
شۇ ھاراق تۈپەيلى ئۆيلەر بۇزۇلۇپ،
پەرزەتمۇ دادىسىز يىتىم بولۇپ قالدى.

مانا بۇ ھاراقنىڭ پايدىسى كۈچى،
ھالاكەت يولىغا باشلىدى سېنى.
ئايرىلدىڭ ئائىلەڭ،خۇتۇن بالاڭدىن،
ھاراقتىن ئالغىنىڭ نېمە،- دە قېنى؟

شىشىدە جىم تۇرغان شۇ ھاراق سېنى،
ئىچكەندە جىم تۇرماي قويدى بالاغا.
ھاراقنىڭ پايدىسى يەتكەچكە سەنمۇ،
ھەممىدىن ئايرىلىپ قالدىڭ تالادا.

ئىلغار

خۇمارى يوللىغان ۋاقتى  2013-6-13 18:59
ھاراقنىڭ كۈچى

شىشىدە  كۈرۈنەر  خىرستال  كەبى،

شېئىر ياخشى يېزىلىپتۇ بىراق مەنبەنى ئەسكەرتىپ قويسىڭىز

سەييارە0

دۆلەت ھاراق ئىچىشنى چەكلىسە بۇلاتتى.

otmakani