بىر كۇپلىتلىق ئىبجەش مىسرالار(ئەنگەر)

angar

بىر كۇپلىتلىق ئەبجەش مىسرالار

ئۆلمەيمەن دىيەلمەس دۇنيادا ھېچكىم،
بىر كۈنى توختار ھەم مېنىڭ تېنىقىم.
قورقمايمەن ئۆلۈمدىن پەقەت ۋە پەقەت،
قورقىمەن ئەجرىمدىن قالمىسا ئىزىم.
*
دۇنيانى ئۆزگەرتمەك بوپتىمەن ئەجەپ،
ياشىدىم  شۇڭلاشقا  تىنەپ- تەمتىرەپ.
قاپتىمەن مەنزىلگە يەتتىم دىگەندە،
بۇ دۇنيا ئۆزگەرمەي ،ئۆزۈم ئۆزگىرەپ.
*
رېئاللىق ئارزۇنىڭ ئەكسىكەن ئەسلى،
ئۇھ تارتىپ ياشىدىم كەچمىش تۈپەيلى.
زامانغا باق دىگەچ شەيتانلىرىم ھەم،
مەنىسىز ئۆتۈپتۇ ياشلىقىم پەسلى.
*
ئۆزلۈككە قايتماقنى نىشان ئەيلىدىم،
ۋەلېكىن تاپالماي سەرسان ئەيلىدىم.
ئۆزگىگە  تاپشۈرغاچ ئۆزلۈكلىرىمنى،
قىلمىشىم تۈپەيلى پۇشمان ئەيلىدىم.
*
تاشلارغا موھرىنى باسقان ئەجداتلار،
ياۋلارغا قەھرىنى چاچقان ئەجداتلار.
بىر بۈيۈك مىللەتنىڭ ۋارىسى بىز دەپ،
بىغەملىك توشكىدە ياتقان ئەۋلاتلار.
*
ياتقانچە ئورنۇمدا "ئاتارمەن"دىدىم،
بورانلار كۆكسىنى "يارارمەن "دىدىم.
سۆزۈمگە ماس كەلمەس قىلغان ھەركىتىم،
ئاغزىمدا شەھەرنى "ئالارمەن"دىدىم.
*
بىرنى بىر دىيەلمەي يۈردۇم نىم ئۈچۈن،
ئەينەكتىن ئۆزگىنى كۆردۈم نىم ئۈچۈن.
ئەسلىمنى يۇقاتقان شۇ كۈندىن بېرى،
ياشىدىم بىلمىدىم زادى كىم ئۈچۈن.

ئۆزۈم پەرىشان ئولتۇرۇپ يازغان

pari

شائىرنىڭ شېئىرلىرىدىن سۈيۈندىم رەھمەت سىزگە .داۋاملىق مۇشۇنداق ياخشى شېئىرلىرىڭىز بىلەن ئەسرارلاشقايمىز .

زەھرا

سىزنى ساتىرالا يازىدۇ دەپ ئويلىسام .ئەسلىدە يەنە رۇبائىيمۇ يازىدىكەنسىزغۇ ؟ ...،
شۇنداق قايىل بولدۇم ،ھەر بىر كۇپلىت شېئىرىڭىزدا  چوڭقۇر مەنە يوشۇرۇنغان ئىكەن ،
ھەقىقەتەن ئويلىنىشقا تېگىشلىك .....
قوللىرىڭىزغا دەرت كەلمىسۇن!.....

بەختىيار(بايقاش

شۇنداق، سىز يازغان ساتىرىك ۋەياكى ئەبجەش شېئىر بولسۇن كىشى قەلبىنى لال قىلىدۇ،شائىرلىق ئىلھاملىرىڭىزغا بارىكاللا!!!

ئامان

چوڭقۇر پەلىسەپىۋى قاراشلارغا تويۇنغان شېئىرلىرىڭىزغا ئاپىرىن بۇرادەر. ھارمىغايسىز، مۇشۇنداق ئېسىل ئىجادىي يازمىلىرىڭىز ئۈزۈلمىگەي.