◆◆بەشتاش بالىلار مائارىپ تورى◆◆Http://Www.BaxTax.Cn◆◆维文专门教育教学资料，全册教案下载，全册课件下载，全册教科书下载，试卷，论文，儿歌，动画片，图片，教育信息网！◆◆

ئاجراشماڭلار ئاتا-ئانىلار

 

مەردان تۇرسۇن (ئوقۇغۇچى)

ئاجراشماڭلار ئاتا-ئانىلار،

خۇشال كۈنلەر ئاخىرلاشمىسۇن.

سەبىي قەلب سەرسانە بولۇپ،

بۇلۇڭلاردا يىغلاپ يۈرمىسۇن.

ئەركىلەيتتى ئوماق بالاڭلار،

ئاتا-ئانام ئىناق بارغۇ دەپ.

ئەمدىلىكتە ئىزدەپ قالدىغۇ،

ئاتا-ئانا سىلەر نەدە دەپ.

خۇشال-خۇرام شېرىن كۈلكىلەر،

بولدى مانا ئەمدى تۆت كۈنلۈك.

گۆدەك پەرزەنت يېتىم زارىدا،

بىلمەس ئۆزىنى تىرىكمۇ ئۆلۈك.

مەھەللىدە زاڭلىق ئېتىلسە،

مەكتەپلەردە چەتكە قېقىلىپ.

كۆيۈنۈشكە بولدىغۇ موھتاج،

ئاتا-ئانا مېھرىدىن قېلىپ.

سوراپ قالسا ئەگەر باشقىلار،

يېتىم بالىدىن ئائىلەڭ قېنى؟

ئويلىنىدۇ ئۇزۇندىن-ئۇزۇن،

چايقايدۇ باش، تۆكۈلەر يېشى.

قەلبلەردە ئەمدى ئورۇن يوق،

بۇرۇنقىدەك تاغدەك چوڭ بىلەر.

ئاشۇ يېتىم بالا قاشىگە،

كىممۇ كەلگىن بالام دەپ كېلەر.

ئاجراشماڭلار ئاتا-ئانىلار

سەبىي قەلب يېتىم قالمىسۇن.

يېتىمچىلىك ئىلكىدە قېلىپ،

مۇھەببەتكە تەشنا بولمىسۇن.

مەنبەسى:جۇڭگو ئۇيغۇرچە رادىيو تورى