ئاشكارلىنىشچە، Snapchat ئەپ دېتالى قىزغىن ئالقىشقا ئېرىشكەندىن كىيىن، Instagram نىڭ كېيىنكى نىشانىنى كۆچمە تور ئالاقە ئىقتىدارىنى ئوتتۇرىغا چىقىرىشقا قاراتقان. ھالبۇكى، ئامېرىكىدىكى داڭلىق تېخنىكا خەۋەرلىرى تور بېكىتى بولغان TechCrunchنىڭ خەۋىرىگە قارىغاندا، كەسپى ساھەدىكىلەر ئارىسىدا «ABC@Instagram» شەكىلدىكى ئابونتلارغا يۈزلەنگەن ئېلخەت مۇلازىمىتىنىڭ ئوتتۇرىغا چىقىرىلىدىغانلىقى، بۇنىڭ كۆچمە ئالاقە قورالىغا يانداش بولغان بىر تۈرلۈك مۇلازىمەت ئىكەنلىكى ھەققىدە ئۇچۇرلار تارقالغان.

مەلۇم بىر ئېلېكترونلۇق سودا شىركىتىنىڭ تىجارەت ئىشلىرىغا مەسئۇل خادىمى يېقىندا Instagram ئېلخەت مۇلازىمىتىنىڭ تۈرلىرىنى بىرمۇ-بىر تېزىپ چىققان بولۇپ، بۇ سانلىق مەلۇماتلار بىر قىسىم ئىجتىمائىي ئالاقە تور بېكەتلىرىدىن توپلانغان ئىكەن.

ھالبۇكى، ھازىر Instagram نىڭ ئېلخەت مۇلازىمىتىنى رەسمىي تۈردە ئوتتۇرىغا چىقارغان-چىقارمىغانلىقى ئېنىق ئەمەس. ئېنىق بولغىنى شۇكى، Instagram نىڭ باش شىركىتى بولغان Facebook ھازىر Messenger دىن ئىبارەت بۇ كۆچمە ئالاقە قورالىنى باشقۇرۇۋاتىدۇ، ئۇلار 2010-يىلى Facebook نامىدىكى ئېلخەت مۇلازىمىتىنى ئوتتۇرىغا چىقارغان، بۇنىڭدا يوللانغان ئېلخەت مەزمۇنى Messenger دە كۆرۈنىدىغان بولۇپ، يانفون قىسقا ئۇچۇرى بىلەن بىرلەشتۈرۈش ئىقتىدارىنىمۇ ئۆزىدە ھازىرلىغان.

بۇندىن باشقا، Instagram نىڭ يىل ئاخىرىدا يېڭى نۇسخىدىكى ئەپ دېتالىنى ئېلان قىلىدىغانلىقى، ئۇنىڭدا Snapchat ۋە WhatsApp گە ئوخشاپ قالىدىغان پاراڭلىشىش ئىقتىدارى ھازىرلىنىدىغانلىقى شۇنداقلا بۇنىڭ Instagram نى Messenger نىڭ رەقىبىگە ئايلاندۇرۇپ قويىدىغانلىقى ھەققىدە بەزى خەۋەرلەر تارقالغانىكەن.

شۇنداق دەپ ئېيتىشقا بولىدۇكى، ئەقلىي ئىقتىدارلىق يانفون دەۋرىنىڭ يېتىپ كېلىشىگە ئەگىشىپ، كۆچمە ئۈسكۈنىلەر ئارقىلىق پاراڭلىشىدىغان كىشىلەرنىڭ سانى ئەنئەنىۋى شەكىلدىكى پاراڭلىشىش مۇلازىمىتىگە ۋەكىللىك قىلىدىغان ۋە قاتارلىقلاردىن كۆپ ئېشىپ كېتىۋاتىدۇ. ئىگىلىنىشىچە، Snapchat نىڭ ھازىرقى بازار قىممىتى ئۈچ مىليارد دوللاردىن ئېشىپ كېتىدىكەن.

(تەھرىر : سەپەر)

• surface2 دە ئويۇن ئوينىغاندا ئېكرانىدا كاشى
• Instagram كىيىنكى قەدەمدە ئېلخەت مۇلازىمىتى
• ئەقلىيفون ۋە 10 ئەخمىقانە ئىش
• يانفوننىڭ يوشۇرۇن ئىقتىدارلىرىنى بىلىۋ
• ئالما تارىخىدىكى ئون چوڭ مەغلۇپ مەھسۇلا
• ئالما سامسۇڭنى ئەرىز قىلدى
• روسىيە خاككېرلىرى خەلقئارا خاككېرلار م
• iPhone 5c نىڭ باھاسى شىددەت بىلەن چۈشۈپ كەتت
• iPhone 6 كېلەر يىلى سېنتەبردە دۇنياغا كېلىش
• Ctrl+Alt+Del كۇنۇپكىلىرىنى گۇرۇپپىلاپ ئىشلىت
• ئايفون 5C/5S قاتارلىقلارنىڭ تەننەرخى ئاشك
• خىزمەت ئۈنۈمىنى ئۆستۈرەلەيدىغان يۇمشاق
• خاككېرلارنىڭ ھۇجۇمىغا ئۇچرىغان ئالما ش
• كومپيۇتېر تاختىسىدىكى ماھارەت
• windows8نىڭ جانلىق تىزمىسىدىن ئەپچىل پايدى
• سىستىما قاچىلاش جەريانىدا دىسكا رايۇنى