چەتئەل تاراتقۇلىرىنىڭ خەۋەر قىلىشىچە، مىكروسوفىت شىركىتىنىڭ قۇرغۇچىسى بىل گايتس يىقىندا، Ctrl+Alt+Del كۇنۇپكىلىرىنى بىرلەشتۈرۈپ بېسىش ئارقىلىق كومپىيۇتېرغا تېزىملىتىپ كىرىش مەشغۇلاتىنىڭ ئەسلىدە بىر خاتالىق ئىكەنلىكىنى ئېتىراپ قىلغان.

خارۋارد ئۇنىۋېرسىتېتىدا ئۆتكۈزۈلگەن ئىئانە توپلاش پائالىيىتىگە قاتنىشىۋاتقان بىل گايتس مۇخبىرنىڭ زىيارىتىنى قوبۇل قىلغاندا، ئەينى ۋاقىتتا مىكروسوفىتنى قۇرغان چاغدىكى بىر قىسىم ئىشلارنى تىلغا ئالغان، ئۇ يەنە Ctrl+Alt+Del كۇنۇپكىلىرىنىڭ لايىھىلىنىشىدىكى دەسلەپكى مەقسەت-مۇددىئالارنىمۇ چۈشەندۈرۈپ ئۆتكەن. ئۇنىڭ دىيىشىچە، يۇقارقى ئۈچ كۇنۇپكىنى بىرلەشتۈرۈپ بېسىش مەشغۇلاتىنىڭ مەقسىتى باشقا پىروگراممىلارنىڭ ئوغۇرلۇقچە تېزىملىتىش كىرىش كۆزنىكىنى سىياقىغا كىرىۋىلىپ، ئابونتلارنىڭ مەخپىي نۇمۇرىنى ئالداپ كىتىشتىن ساقلىنىش ئۈچۈن ئىكەن.

«بۇ بىر خاتالىق،» دەيدۇ بىل گايتس كۆپچىلىككە چۈشەنچە بىرىپ، «ئەمەلىيەتتە بىز بىر دانە كۇنۇپكا ئارقىلىقلار يۇقارقى مەشغۇلاتنى ئىشقا ئاشۇرالايمىز، بىراق، IBM دىكى لايىھىلىگۈچىلەر بىزگە بۇ خىل كۇنۇپكىنى لايىھىلەپ بەرمىدى.»

بۇ خىل غەلىتە ئۇسۇلدا كومپىيۇتېرنى قوزغىتىش بۇيرۇقى بىرىدىغان كۇنۇپكا گۇرۇپپىلاش ئەسلىدە IBMشىركىتىدىكى David Bradley ئسىملىك بىر ئىنژىنېر تەرىپىدىن ئوتتۇرىغا قويۇلغان ئىكەن. ئۇ باشقىلارنىڭ زىيارىتىنى قوبۇل قىلغاندا، مۇنداق دەيدۇ: «بۇنى ھەقىقەتەن مەن ئوتتۇرىغا چىقارغان، بىراق، بىل گايتس ئۇنى خەلقى-ئالەمگە بىلدۈرۈۋەتتى.» بۇ گەپ بىل گايتسنى ئوڭايسىزلاندۇرۇپ قويدى.

ھالا بۈگۈنكى كۈنگە كەلگەندە، بۇ خىل ئۈچ دانە كۇنۇپكىنى بىرلەشتۈرۈش مەشغۇلاتى Windows 8 سىستېمىسىغىمۇ كىرگۈزۈلدى. گەرچە Windows 8 سىستېمىسىنىڭ تېزىملىتىپ كىرىش ئارا يۈزى يېڭىلانغان بولسىمۇ، بىراق، ئەنئەنىۋى ئۇسۇلدىكىCtrl+Alt+Del نى گۇرۇپپىلاپ بېسىش بۇيرۇقى يەنىلا كۈچكە ئىگە ئىكەن.

ئىگەللىنىشىچە، Ctrl+Alt+Del كۇنۇپكلىرىنىڭ گۇرۇپپىلىنىشى ھەرگىزمۇ مىكروسوفىت سادىر قىلغان بىردىنبىر خاتالىق ئەمەس. بۇ يىلنىڭ باشلىرىدا، مىكروسوفىت شىركىتى ئۆزلىرىنىڭ كۆچمە ئۈسكۈنە بازىرىغا كىرىشتىكى ياخشى پەيتنى قولدىن بىرىپ قويغانلىقىنى بىلدۈردى. بىل گايتس مۇنداق دەيدۇ:

«بىز يانفون بازىرىنى كەتكۈزۈپ قويدۇق، نەتىجىدە بىز باشلامچى ئورۇندا مېڭىش سالاھيىتىدىن مەھرۇم قالدۇق.» ، مىكروسوفىتنىڭ باش ئىجرائىيە ئەمەلدارى بالمېرمۇ ئىپادە بىلدۈرۈپ، «بىز ئىلگىرى Windowsسىستېمىسى بىلەنلا ھەپىلىشىپ يۈرۈپ، يانفون كەسپىنى تەتقىق قىلىشقا سەل قاراپ كەپتۇق.» دەيدۇ.

(تەھرىر : ئىزدەن)

• iPhone 6 كېلەر يىلى سېنتەبردە دۇنياغا كېلىش
• Ctrl+Alt+Del كۇنۇپكىلىرىنى گۇرۇپپىلاپ ئىشلىت
• ئايفون 5C/5S قاتارلىقلارنىڭ تەننەرخى ئاشك
• خىزمەت ئۈنۈمىنى ئۆستۈرەلەيدىغان يۇمشاق
• خاككېرلارنىڭ ھۇجۇمىغا ئۇچرىغان ئالما ش
• كومپيۇتېر تاختىسىدىكى ماھارەت
• windows8نىڭ جانلىق تىزمىسىدىن ئەپچىل پايدى
• سىستىما قاچىلاش جەريانىدا دىسكا رايۇنى
• نوكىيا نېمىشقا مەغلۇپ بولدى؟ بۇنىڭدا مۇ
• «ئالما» ماركىسى نېمىشقا بىر چىشلەم پۇچۇ
• dede دا پۇتۇن بەت rss ھاسىل قىلىش
• DEDECMS غا ULYۋەUSY دا كۆرسىتىش ئىقتىدارىنى قو
• DEDECMS غا ئارقا بەتتىن ئەزا قوشۇش ئىقتىدار
• توربەتچىلىك ھەققىدە پاراڭ
• مەن بەشتاش تەڭگىسىنى ئويناپ تىپىۋاتىمە
• مائارىپ تۇرىدىكى تور بەت ئاتامانلىرىغا