ئايفون 5C/5S قاتارلىقلارنىڭ تەننەرخى ئاشكارىلاندى، ئايفون 5S گە سەپلەنگەن بارماق ئىزىنى سەزگۈچى قۇرۇلمىنىڭ تەننەرخى ئاران 43 يۈەن ئىكەن

يىقىندىن بۇيان، ئالتۇ رەڭلىك ئايفون 5S نىڭ باھاسى دەھشەت تېز ئۆرلەپ كەتتى، شۇنىڭ بىلەن كىشىلەر بۇ ئايفوننىڭ تەننەرخىنىڭ زادى قانچە پۇلغا يارايدىغانلىقىنى بىلىشكە ئىنتايىن قىزىقىپ قىلىۋاتىدۇ. بازار تەكشۈرۈش شىركىتى IHS تەمىنلىگەن سانلىق مەلۇمات ئۇچۇرلىرىغا ئاساسلانغاندا، 16GB لىق ئايفون 5S نىڭ ماتىرىيال تەننەرخى 191 دوللار (1169 يۈەن) ، ۋەكالىتەن ياساش ھەققى 8 دوللار (49 يۈەن)، ئومۇمىي تەننەرخى 199 دوللار (1218 يۈەن) ئىكەن؛ ئۇنىڭ بىلەن بىرلا ۋاقىتتا ئېلان قىلىنغان ئايفون 5C نىڭ ماتىرىيال تەننەرخى 173-183 دوللارغىچە (1059-1120 يۈەنگىچە) بولۇپ، 7 دوللار (43 يۈەن) لىك ۋەكالىتەن ياساش ھەققىمۇ شۇنىڭ ئىچىدە ئىكەن.

كۆرسىتىش ئىكرانى ھەممىدىن قىممەت ئىكەن

ھەرقايسى زاپچاسلىرىنىڭ ئايرىم باھاسىغا كەلسەك، ئېلان قىلغان ئۇچۇرلارغا قارىغاندا، كۆرسىتىش ئىكرانى بولسا ئايفون5S گە ئىشلىتىلگەن ئەڭ قىممەت زاپچاس بولۇپ، تەننەرخى 41 دوللار(251 يۈەن) ئىكەن، قىزىقارلىق يېرى، بۇنىڭ تەننەرخى ئۆتكەن يىلى ئېلان قىلىنغان ئايفون 5 نىڭ بىلەن ئوخشاش ئىكەن. تەرەپ تەمىنلىگەن ئۇچۇرغا قارىغاندا، ئايفون 5S نىڭ ئىكرانىنى شارىپ، JDI ۋە LG Display قاتارلىق بىر نەچچە شىركەت تەڭ تەمىنلىگەن ئىكەن.

ئەمدى ئايفون 5S گە سەپلەنگەن بارماق ئېزىنى سەزگۈچى قۇرۇلمىغا كەلسەك، ئۇ Authentec شىركىتى تەرىپىدىن تەمىنلەنگەن بولۇپ، تەننەرخى پەقەت 7 دوللار ئىكەن. ئۇندىن باشقا، ئۇنىڭ ئەڭ يادرولۇق قىسمى بولغان A7 بىر تەرەپ قىلغۇچ بولسا سامسۇڭ تەرىپىدىن ياسالغان بولۇپ، تەننەرخى 19 دوللار (116 يۈەن ) ئىكەن. بۇندىن باشقا، ئايفون 5Sگە ئىشلىتىلگەن سىمسىز تور تارقىتىش ئۆزەكچىسى گاۋتوڭ ، Skyworks、Avago、RF Micro Devices قاتارلىق شىركەتلەر تەرىپىدىن تەمىنلگەن بولۇپ، ئالما شىركىتى بۇ ئۆزەكچىلەرنى بىرلەشتۈرۈش ئارقىلىق، تېخىمۇ كۆپ خىل چاستوتا بۆلىكىنى قوللاشنى ئىشقا ئاشۇرغان، شۇنىڭ بىلەن ئۇنىڭ تەننەرخى 32 دوللار (196 يۈەن ) بولۇپ كەتكەن.

ئايفون ۋە ئايفون نىڭ تەننەرخى كۆپ پەرقلەنمەيدىكەن

تەھلىلچىلەرنىڭ كۆرسىتىشىچە، ئايفون 5S بىلەن بىرلا ۋاقىتتا ئېلان قىلىنغان ئايفون 5C نىڭ تەننەرخى ئانچە كۆپ پەرقلەنمەيدىكەن، بۇلارنىڭ ئاساسلىق پەرقى بولسا، ئايفون5S گە سەپلەنگەن بارماق ئىزىنى سەزگۈچى قۇرۇلما، A7 تىپلىق بىر تەرەپ قىلغۇچ، ئېنىرگىيە سەرپىياتى تۆۋەن بولغان ئىچكى ساقلىغۇچ ئۆزەكچىسى قاتارلىق سەپلىمىلەردە بولۇپ، باشقا زاپچاسلىرى ئاساسەن ئوخشاش ئىكەن.

ئالما شىركىتى يانفوننىڭ سىمسىز تور تارقىتىش ئۆزەكچىسىگە ئىنتايىن ئەھمىيەت بەرگەن بولغاچقا، ئۇنىڭ ئۈچۈن ناھايىتى كۆپ كۈچ سەرىپ قىلغان، شۇڭا ئۇنىڭ تەننەرخىمۇ ئېشىپ كەتكەن. بۇندىن باشقا، ئىككى خىل ئايفوننىڭ كۆرسىتىش ئىكرانى، كامېراسى، ئىچكى ساقلىغۇچ ئۆزەكچىسى قاتارلىقلار پۈتۈنلەي ئوخشاش ئىكەن. بىراق، ئايفون5C نىڭ بىر تەرەپ قىلغۇچىسىنىڭ تەننەرخى 13 دوللار (80 يۈەن ) بولۇپ، ئوخشاشلا سامسۇڭ تەرىپىدىن ياسالغان ئىكەن.

ئەلۋەتتە، ئېلان قىلغان ئۇچۇرلار پەقەت ئايفون 5S ۋە ئايفون 5C نىڭ ماتىرىيال ۋە ۋەكالىتەن ياساش جەھەتتىكى تەننەرخى خالاس، بۇلار مەھسۇلات ئومومىي باھاسىنىڭ پەقەت بىر قىسمىدىن ئىبارەت، ئۇندىن باشقا، تەتقىقات سېلىنمىسى ۋە بازار ئېچىش قاتارلىق نۇرغۇنلىغان ئىش ھالقىلىرىنىڭ تەننەرخىمۇ ئۇنىڭ ئومومىي باھاسىغا قوشۇلىدىكەن.

(تەھرىر : ئىزدەن)

• Ctrl+Alt+Del كۇنۇپكىلىرىنى گۇرۇپپىلاپ ئىشلىت
• ئايفون 5C/5S قاتارلىقلارنىڭ تەننەرخى ئاشك
• خىزمەت ئۈنۈمىنى ئۆستۈرەلەيدىغان يۇمشاق
• خاككېرلارنىڭ ھۇجۇمىغا ئۇچرىغان ئالما ش
• كومپيۇتېر تاختىسىدىكى ماھارەت
• windows8نىڭ جانلىق تىزمىسىدىن ئەپچىل پايدى
• سىستىما قاچىلاش جەريانىدا دىسكا رايۇنى
• نوكىيا نېمىشقا مەغلۇپ بولدى؟ بۇنىڭدا مۇ
• «ئالما» ماركىسى نېمىشقا بىر چىشلەم پۇچۇ
• dede دا پۇتۇن بەت rss ھاسىل قىلىش
• DEDECMS غا ULYۋەUSY دا كۆرسىتىش ئىقتىدارىنى قو
• DEDECMS غا ئارقا بەتتىن ئەزا قوشۇش ئىقتىدار
• توربەتچىلىك ھەققىدە پاراڭ
• مەن بەشتاش تەڭگىسىنى ئويناپ تىپىۋاتىمە
• مائارىپ تۇرىدىكى تور بەت ئاتامانلىرىغا
• بەشتاش بالىلار مائارىپ تورىغا كۆڭۇل بول