ئۈرۈمچى كەچلىك گېزىتى خەۋىرى:
مېڭىگە قان چۈشۈش ياشانغانلاردىلا يۈز بەرمەيدۇ. يېڭى تۇغۇلغان بوۋاقلارمۇ بۇ كېسەل تۇيۇقسىز يۈز بېرىدىغان خەتەرلىك كىشىلەر توپىدىن ھېسابلىنىدۇ.
مۇتەخەسسلەر مۇنداق كۆرسىتىدۇ: يېڭى تۇغۇلغان بوۋاقلار بەدىنىدە ۋىتامىنKنىڭ يېتىشمەسلىكى بىلەن يۈز بېرىدىغان مېڭىگە قان چۈشۈش مىساللىرى ئاز ئەمەس، مۇتلەق كۆپ قىسىم بالىلار تۇغۇلغاندىن كېيىن ئۇلارغا ۋاقتىدا ۋىتامىن K نى ئوكۇل قىلىمىغانلىقتىن بولىدۇ.
ئادەتتىكى ئەھۋالدا ۋىتامىن K بوۋاقلارغا ئانا سۈتى ۋە ئۆزىنىڭ ئۈچەي يوللىرىدىكى باكتېرىيىلەرنىڭ بىرىكىشتىن كېلىدۇ، لېكىن ئاز بىر قىسىم تاماق بىلەن بېقىلغان بوۋاقلارنىڭ ئۈچەي يوللىرىدا ۋىتامىن K نىڭ شەكىللىنىش ئىقتىدارى نىسبەتەن يېتەرسىز بولغاچقا، ئەگەر بوۋاقلار ئۇنىڭغا ئانا سۈتىدىن ئېرىشەلمىسە، ئىنتايىن ئاسانلا ۋىتامىن K نىڭ يېتىشمەسلىكى كېلىپ چىقىدۇ.
ئەمەلىيەتتە ۋىتامىن K نى تولۇقلاش ئىنتايىن ئاددىي بولۇپ، بوۋاقلار يېڭى تۇغۇلغان ۋاقتىدا بەلگىلىك مىقداردا ۋىتامىن K ئوكۇل قىلىپ ئۇرۇلىدۇ، بالىلار بىر ئايلىق بولغاندا ۋىتامىن K تابلېتكىسىدىن بىر تال(بەش مىللىگىرام) يېگۈزۈش لازىم.
بوۋاقلارغا ۋىتامىن K نى ۋاقتىدا تولۇقلىغاندىن باشقا، بالا ئېمىتىۋاتقان دەۋرىدىكى ئاياللار ۋە يېڭى تۇغۇلغان بوۋاقلارغا ئانتىبىئوتىك دورىلارنى قالايمىقان ئىشلەتمەسلىك، ئانىلار يەنە يېمەك-ئىچمەك قۇۋۋىتىنى تەڭشەپ تۇرۇش، تاماق تاللىماسلىق، ۋىتامىن K مول بولغان يېمەكلىكلەرنى، مەسىلەن: پالەك، پەمىدۇر، قات سەي، سەۋزە، سېرىق پۇرچاق، ھايۋاناتلار ئەزالىرى ۋە بېلىق، توخۇ گۆشى قاتارلىقلارنى كۆپرەك يېيىشى لازىم.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
