ئاتا-ئانىلار بىر يەرلىك بولسا ، بالىنىڭ ئوتتۇرىچە ئەقىل بۆلۈنمىسى 102:45، ئاتا-ئانا بىر ئۆلكە ئىچىدىكى باشقا يەردىن بولسا، بالىنىڭ ئوتتۇرىچە ئەقىل بۆلۈنمىسى 106:17، باشقا-باشقا ئۆلكىدىكىلەر توي قىلغاندا تۇغۇلغان بالىنىڭ ئەقىل بۆلۈنمىسى 109:35 كە يېتىدىكەن.
ئاتا-ئانا ئەڭ ياخشى پەرزەنت كۆرۈش مەزگىلىدە تۇغۇلغان بالىلار
بىر پارچە ئارىلاپ تەكشۈرۈش نەتىجىسىدە كۆرسىتىلىشىچە، ئانا 23 ياشقا كىرىشتىن ئىلگىرى تۇغۇلغان بالىنىڭ ئوتتۇرىچە ئەقىل بۆلۈنمىسى 103 بولىدىكەن، 24-28 ياشقىچە بولغان ئارىلىقتا تۇغۇلغان بالىنىڭ ئەقىل بۆلۈنمىسى 109 غا يېتىدىكەن. شۇڭا مۇتەخەسىسلەرنىڭ كۆرسىتىشىچە، 24-28 ياشقىچە تۇغۇت يېشىدىكى ئاياللارنىڭ ئەڭ ياخشى مەزگىلى ئىكەن. ئەرلەرنىڭ 30 ياش ئەتراپىدا ئاتا بولۇشى ئەڭ ياخشى ئىكەن.
ئانا سۈتى ئىمىپ چوڭ بولغان بالىلار
ئەنگلىيەنىڭ كامبىرىج ئۇنۋېرسىتېتىنىڭ ئوزۇقشۇناسى 7-8 ياشقىچە بولغان 300 بالىنىڭ ئەقىل بۆلۈنمىسىنى تەتقىق قىلىش ئارقىلىق، ئانا سۈتى ئىمىپ چوڭ بولغان بالىنىڭ، ئەقىل بۆلۈنمىسىنىڭ بىر قەدەر يۇقىرى بولىدىغانلىقىنى، باشقا سۈتلەرنى ئىچىپ چوڭ بولغان بالىنىڭكىدىن ئوتتۇرىچە 10 نومۇر يۇقىرى بولىدىغانلىقىنى بايقىغان.
بەدەن ئېغىرلىقى مۇۋاپىق بولغان بالىلار
مۇتەخەسىسلەر بەدەن ئېغىرلىقى %20 ئېشىپ كەتكەن سېمىز بالىنىڭ كۆرۈش سېزىمى، ئاڭلاش سېزىمى، بىلىمنى قوبۇل قىلىش ئىقتىدارى، تەڭتۇش نورمال بالىلارغا سېلىشتۇرغاندا تۆۋەن بولىدىغانلىقىنى بايقىغان.
ئەتىگەن ياخشى ئوزۇقلانغان بالىلار
ئامېرىكىلىق مۇتەخەسىس داۋىد ئەتىگەندە ياخشى ئوزۇقلىنىشنىڭ مۇھىملىقىنى تەكىتلىگەن. ئۇنىڭ تەكشۈرۈش ماتىرىيالىدىن كۆرسىتىشىچە، ناشتا قىلغاندىن كېيىن قىيىنلىق دەرىجىسى يۇقىرى ئىمتىھانغا قاتناشقان ئوقۇغۇچىلارنىڭ ئېرىشكەن نومۇرى، ئاچ قورساق قاتناشقان ئوقۇغۇچىلارغا سېلىشتۇرغاندا كۆرۈنەرلىك يۇقىرى بولدىكەن.
كۆپ ھەرىكەت قىلغان بالىلار
ئامېرىكىلىق مۇتەخەسىس نيۇسورا: چېنىقىش چوڭ مېڭىنى دەسلەپكى ھەرىكەت ياكى بوشىشىش ھالىتىدە تۇرغۇزىدۇ، تەسەۋۋۇر كۈچى، سەزگۈرى، ئىجادچانلىقى تېخىمۇ مول بولىدۇ.
ئەسلى مەنبە: تەڭرىتاغ تورى
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
