مۇتەخەسىسلەر ئانىسىنى ئېمىۋاتقان ياكى سۈت پاراشوكى ئىچىۋاتقان بالىلارغا كالىتسىي تولۇقلاشنىڭ ھاجىتى يوق، ئۇلار ئېھتىياجلىق بولغان كالىتسىي ئانا سۈتى ياكى سۈت پاراشوكى ئارقىلىق تامامەن تولۇقلىنىپ بولىدىكەن. شۇڭا بوۋاقلارغا كالىتسىينىڭ سۈمۈرۈلۈشىنى ئىلگىرى سۈرىدىغان ۋىتامىن D بېرىلسىلا كۇپايە قىلىدىكەن.
بوۋاقلارغا ۋىتامىن D نى زىيادە كۆپ بېرىش توغرا ئەمەس
بالىغا ئۇزۇن مەزگىل ۋىتامىن D بېرىلسە، ئىشتىھاسىزلىق، كۆڭلى ئېلىشىش، ئورۇقلاپ كېتىش، ئالامەتلىرى كۆرۈلىدۇ، شۇنىڭ بىلەن بىر ۋاقىتتا، يەنە بالىنىڭ بۆرەك، مېڭە. يۈرەك، ئۆپكىلىرىگە سەلبىي تەسىر كۆرسىتىدۇ. بىر قىسىم بالىلاردا يەنە كالىتسىي تولۇقلاش زىيادە بولغانلىقتىن سەتلىشىپ كېتىش ئالامەتلىرى كۆرۈلىدۇ.
ئانىسىنى ئېمىۋاتقان ياكى سۈت پاراشوكى ئىچىۋاتقان بالىلاردا كالىتسىي يېتەرلىك بولىدۇ
ئادەتتە، چوقۇم كالىتسىي تولۇقلاشقا تېگىشلىك بولغان بوۋاقلار بالدۇر تۇغۇلغان ياكى زىيادە چوڭ تۇغۇلغان بوۋاقلارنى كۆرسىتىدۇ، نورمال بوۋاقلارغا ئەمەلىيەتتە مەخسۇس كالىتسىي تولۇقلاشنىڭ ھېچقانداق ھاجىتى يوق. ئەگەر تولۇقلاش توغرا كەلسە، دوختۇرنىڭ كۆرسەتمىسى بىلەن مۇۋاپىق تولۇقلاش كېرەك.
قۇياش نۇرى بىلەن ھەرىكەت بوۋاقلارنىڭ كالىتسىي تولۇقلىشىغا پايدىلىق
بالىنى ئاپتاپ كۆرسىتىپ، كۆپرەك ھەرىكەت قىلدۇرۇش ئەڭ ياخشى تەبىئىي بولغان كالىتسىي تولۇقلاش ھېسابلىنىدۇ. چۈشتىن بۇرۇن سائەت 10ۋە چۈشتىن كېيىن سائەت 2دىكى قۇياش نۇرى بالىلارغا كالىتسىي تولۇقلاشتىكى ئەڭ ياخشى ۋاقىت. ئەلۋەتتە، يازنىڭ تومۇز كۈنلىرى بۇنىڭ سىرتىدا.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
