ئېغىز بوشلۇقى مەخسۇس بۆلۈمىدىكىلەر مۇنداق دەپ قارايدۇ: كۆپ ساندىكى بالىلارنىڭ «ئوغرى چىشى»دىكى غەيرىيلىكنى تۈزەش تېخنىكىسىدىن پايدىلىنىپ تۈزەشكە بولىدۇ. ئەگەر ئۇ تارتىۋېتىلسە، ناھايىتى ئەپسۇسلىنارلىق ئىش بولىدۇ.
ئۆسمۈرلەرنىڭ تۇراقلىق قوزۇق چىشى ئادەتتە 9.5—14 ياشتا، يەنى تۇنجى بىر جۈپ قوزۇق چىش ۋە يان ئۇدۇل چىشتىن كېيىن بىخلىنىدۇ. ئەگەر قوزۇق چىش چىش ئالمىشىش مەزگىلىگە بارمايلا بالدۇر چۈشۈپ كەتسە، تۇنجى بىر جۈپ قوزۇق چىش ۋە يان ئۇدۇل چىش بوشلۇقىغا قاراپ سىلجىلغانلىقتىن، تۇراقلىق قوزۇق چىشقا ئوزۇق يېتىشمەي چىش يايمىسى سىرتقا بىخلىنىپ، كۆپىنچە لەۋ تەرەپكە يۆتكىلىدۇ. تۇراقلىق قوزۇق چىش جاۋغايغا ئۇدۇل جايلاشقان، چىش يىلتىزى ئۇزۇن ۋە توم بولۇپ، جاۋغاينى تىرەپ يۈز قىسمىنىڭ تولۇق بولۇشىنى ساقلاش رولىنى ئوينايدۇ. ئەگەر يۇقارقى مەزگىلدە قۇزۇق چىش تارتىۋېتىلسە، جاۋغاينىڭ ئۈستۈنكى قىسمى ئىچىگە ئولتۇرۇشۇپ، ھۆسنىگە چوڭ تەسىر يەتكۈزىدۇ.
ئائىلە باشلىقى بالىنىڭ «ئوغرى چىشى»نى بايقىغاندا، دەرھال دوختۇرخانىغا ئاپىرىپ ئېغىز بوشلۇقى بۆلۈمىگە كۆرسىتىپ، دىياگنوز قويدۇرۇشى ھەم دوختۇرنىڭ ئورۇنلاشتۇرۇشىغا بويسۇنۇشى كېرەك. مەسئۇلىيەتسىزلىك قىلىپ « ئوغرى چىش»نى تارتىۋېتىشكە بولمايدۇ.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
